Goranboyda "Qurtuluşdan Zəfərə gedən yol” mövzusunda konfrans keçirilib

Bakı:

28 °C

50 %

10 m/s

Əlaqə

AZ RU EN

Ana səhifə / YAP xəbərləri / Goranboyda "Qurtuluşdan Zəfərə gedən yol” mövzusunda konfrans keçirilib

Goranboyda "Qurtuluşdan Zəfərə gedən yol” mövzusunda konfrans keçirilib

09.06.2026 [17:14]

Goranboyda "15 İyun – Milli Qurtuluş Günü" münasibətilə "Qurtuluşdan Zəfərə gedən yol” mövzusunda konfrans keçirilib.

Əvvəlcə Ümummilli Lider Heydər Əliyevin rayon mərkəzində ucaldılmış abidəsi Goranboy rayon icra hakimiyyətinin başçısı Məhərrəm Quliyev, Yeni Azərbaycan Partiyası (YAP) Goranboy rayon təşkilatının sədri Samir Qocayev, rayonun digər rəhbər şəxsləri, şəhid ailələri, qazilər, rayon ziyalıları, YAP fəalları və rayon ictimaiyyətinin nümayəndələri tərəfindən ziyarət olunaraq dahi şəxsiyyətin əziz xatirəsi ehtiramla yad edilib.

Tədbir Heydər Əliyev Mərkəzində davam etdirilib. İştirakçılar Ümummilli Liderin zəngin dövlətçilik irsini əks etdirən kitab və rəsm sərgisi ilə tanış olublar.
Tədbirdə Ümummilli Lider Heydər Əliyevin və torpaqlarımızın azadlığı, suverenliyi uğrunda canlarını fəda etmiş şəhidlərimizin əziz xatirəsi ehtiramla yad edilib və “Milli Qurtuluşdan Zəfərə gedən yol” adlı videoçarx nümayiş olunub.

Goranboy rayon icra hakimiyyətinin başçısı Məhərrəm Quliyev çıxış edərək bildirib ki, 1993-cü ildə xalqın tələbi ilə Ulu Öndər Heydər Əliyevin yenidən siyasi hakimiyyətə qayıdışından sonra ölkədə ictimai-siyasi sabitlik təmin olunub, dövlət quruculuğu prosesi sürətlənib, sosial-iqtisadi inkişaf üçün möhkəm zəmin yaradılıb və Azərbaycanın tarixi Zəfərinə aparan yolun əsasları formalaşıb.

Sonra çıxış edən Yeni Azərbaycan Partiyası (YAP) Goranboy rayon təşkilatının sədri Samir Qocayev bildirib ki, Milli Qurtuluş Günü Azərbaycanın müasir tarixində dönüş nöqtəsi olmaqla yanaşı, ölkənin müstəqilliyinin qorunması, dövlətçiliyin möhkəmləndirilməsi və davamlı inkişafının təmin edilməsində mühüm rol oynayıb. O qeyd edib ki, Ulu Öndər Heydər Əliyevin xalqın təkidli tələbi ilə yenidən siyasi hakimiyyətə qayıdışı ölkədə sabitliyin bərqərar olmasına, dövlət quruculuğu prosesinin sürətlənməsinə və Azərbaycanın gələcək uğurlarının əsasının qoyulmasına imkan yaradıb. S.Qocayev vurğulayıb ki, bu gün Ümummilli Liderin siyasi kursu Azərbaycan Prezidenti cənab İlham Əliyev tərəfindən uğurla davam etdirilir və ölkəmiz hərtərəfli inkişaf yolunda yeni nailiyyətlər qazanır.

Daha sonra çıxış edən şəhid Orxan Namazovun anası Nailə Məmmədova, Qərbi Azərbaycan İcmasının Goranboy rayonu üzrə nümayəndəsi Ürfət Həsənov və tarixçi, fəlsəfə elmləri doktoru Gündüz Hacıyev qeyd ediblər ki, Milli Qurtuluşdan başlanan inkişaf yolu xalqımızın birliyinin, dövlətimizin qüdrətinin və müstəqilliyimizin möhkəmlənməsinin əsasını təşkil edib. Natiqlər vurğulayıblar ki, Azərbaycan bu gün yeni inkişaf mərhələsində inamla irəliləyərək regionun aparıcı dövlətlərindən biri kimi öz mövqeyini daha da gücləndirir.

Tədbirin sonunda yubiley yaşları münasibətilə rayonun və YAP-nın ictimai-siyasi həyatında fəallığı ilə seçilən ziyalılara Goranboy Rayon İcra Hakimiyyəti başçısının və Yeni Azərbaycan Partiyası Goranboy rayon təşkilatının fəxri fərmanları və qiymətli hədiyyələri təqdim olunub. Həmçinin Yeni Azərbaycan Partiyasının sıralarına yeni qəbul edilmiş üzvlərə üzvlük vəsiqələri verilib.

Paylaş:

Baxılıb: 365 dəfə