Yeni Azərbaycan Partiyası Kəlbəcər rayon təşkilatı Gəncə Şəhər Heydər Əliyev Mərkəzində tədbir keçirib

Bakı:

29 °C

42 %

5 m/s

AZ RU EN

Ana səhifə / YAP xəbərləri / Yeni Azərbaycan Partiyası Kəlbəcər rayon təşkilatı Gəncə Şəhər Heydər Əliyev Mərkəzində tədbir keçirib

Yeni Azərbaycan Partiyası Kəlbəcər rayon təşkilatı Gəncə Şəhər Heydər Əliyev Mərkəzində tədbir keçirib

14.07.2026 [15:13]

Yeni Azərbaycan Partiyası Kəlbəcər rayon təşkilatı Gəncə Şəhər Heydər Əliyev Mərkəzində Ümummilli Lider Heydər Əliyevin Azərbaycanda siyasi hakimiyyətə ilk dəfə gəlməsinin 57-ci ildönümünə həsr olunmuş tədbir keçirib.
Tədbirdə Yeni Azərbaycan Partiyası Kəlbəcər rayon təşkilatının məsləhətçisi Elçin Salahov, Gəncə Şəhər Heydər Əliyev Mərkəzinin məsul əməkdaşı Mələk Qurbanova, Kəlbəcər Rayon Statistika İdarəsinin rəisi Ramil Salmanov, Dövlət Sosial Müdafiə Fondunun Şərqi Zəngəzur Regional İdarəsinin müdiri Amil Salmanov, Ərazi Partiya Təşkilatının nümayəndələri, YAP Kəlbəcər rayon təşkilatının məsul əməkdaşları, eləcə də YAP fəalları iştirak edirdilər.
Tədbirdən əvvəl iştirakçılar Gəncə Şəhər Heydər Əliyev Mərkəzinin qarşısında ucaldılmış Ümummilli Lider Heydər Əliyevin abidəsini ziyarət edərək önünə gül dəstələri düzüb, dahi şəxsiyyətin əziz xatirəsini dərin ehtiramla yad ediblər.

Daha sonra tədbir iştirakçıları Heydər Əliyev Mərkəzində Ulu Öndərin həyat və fəaliyyətini, eləcə də Azərbaycanın inkişaf mərhələlərini əks etdirən ekspozisiyalarla tanış olublar. Mərkəzin əməkdaşı Ümummilli Lider Heydər Əliyevin zəngin dövlətçilik irsi və çoxşaxəli fəaliyyəti barədə ətraflı məlumat verib.

Tədbirdə YAP Kəlbəcər rayon təşkilatının məsləhətçisi Elçin Salahov, Gəncə Şəhər Heydər Əliyev Mərkəzinin məsul əməkdaşı Mələk Qurbanova və digər çıxış edənlər bildiriblər ki, Ümummilli Lider Heydər Əliyevin 14 iyul 1969-cu ildə Azərbaycanda ilk dəfə siyasi hakimiyyətə gəlməsi ölkənin tarixində yeni inkişaf mərhələsinin başlanğıcı olub.

Qeyd olunub ki, Ulu Öndərin respublikaya birinci rəhbərliyi dövründə Azərbaycan sürətli sosial-iqtisadi inkişaf yoluna qədəm qoyub, aqrar respublikadan inkişaf etmiş sənaye ölkəsinə çevrilib, elm, təhsil, mədəniyyət və digər sahələrdə mühüm nailiyyətlər əldə edilib. Həmin illərdə minlərlə azərbaycanlı gəncin keçmiş SSRİ-nin nüfuzlu ali məktəblərində təhsil almasına şərait yaradılıb, milli hərbi kadrların hazırlanmasının əsası qoyulub. Cəmşid Naxçıvanski adına Hərbi Məktəbin yaradılması isə Ulu Öndərin uzaqgörən siyasətinin mühüm nəticələrindən biri kimi qiymətləndirilib.

Çıxışlarda vurğulanıb ki, 1993-cü ildə xalqın təkidli tələbi ilə yenidən siyasi hakimiyyətə qayıdan Ümummilli Lider Heydər Əliyev Azərbaycanı parçalanmaq və dövlət müstəqilliyini itirmək təhlükəsindən xilas edib, ölkədə ictimai-siyasi sabitliyi bərpa edərək müasir dövlətçiliyin möhkəm təməlini yaradıb.

Bildirilib ki, bu gün Prezident İlham Əliyevin rəhbərliyi ilə Ümummilli Liderin siyasi kursu uğurla davam etdirilir. Azərbaycanın ərazi bütövlüyü və dövlət suverenliyi tam bərpa olunub, işğaldan azad edilmiş Qarabağ və Şərqi Zəngəzurda genişmiqyaslı bərpa və quruculuq işləri həyata keçirilir, Böyük Qayıdış Proqramı çərçivəsində keçmiş məcburi köçkünlərin doğma yurdlarına qayıdışı uğurla davam edir.

Sonda vurğulanıb ki, Prezident İlham Əliyevin məqsədyönlü və uzaqgörən siyasəti nəticəsində Azərbaycan beynəlxalq aləmdə mövqeyini daha da möhkəmləndirir, davamlı inkişafını təmin edərək yeni uğurlara və tarixi nailiyyətlərə imza atır.