Ağcabədidə Ulu öndər Heydər Əliyevin anadan olmasının 91-ci ildönümü münasibətilə silsilə tədbirlər keçirilir

Bakı:

25 °C

44 %

5 m/s

AZ RU EN

Ana səhifə / YAP xəbərləri / Ağcabədidə Ulu öndər Heydər Əliyevin anadan olmasının 91-ci ildönümü münasibətilə silsilə tədbirlər keçirilir

Ağcabədidə Ulu öndər Heydər Əliyevin anadan olmasının 91-ci ildönümü münasibətilə silsilə tədbirlər keçirilir

01.05.2014 [09:09]

Yeni Azərbaycan Partiyası (YAP) Ağcabədi rayon təşkilatı Ulu öndər Heydər Əliyevin anadan olmasının 91-ci ildönümü münasibəti ilə silsilə tədbirlər keçirir. Belə ki, aprelin 29-da YAP Ağcabədi rayon təşkilatı Gənclər Birliyinin təşkilatçılığı ilə “Mən azərbaycanlıyam” adlı tədbir keçirilib. Tədbirdə, eyni zamanda, YAP-ın Gəncə və Naftalan şəhər, həmçinin, Ağdam, Bərdə, Ucar, Beyləqan, Füzuli, Laçın, Zərdab və İmişli rayon təşkilatları Gənclər birliklərinin nümayəndələri də iştirak edib.
Tədbir iştirakçıları öncə Ümummilli lider Heydər Əliyevin abidəsini ziyarət edib, önünə tər çiçəklər düzüblər. Daha sonra gənclər rayondakı Heydər Əliyev Mərkəzinə ekskursiya edib, burada Ulu öndərin həyat və fəaliyyətini əks etdirən eksponatlarla tanış olublar. Bundan sonra gənclər rayondakı Şəhidlər xiyabanını ziyarət edərək Qarabağ müharibəsi zamanı canından keçmiş şəhidlərimizin məzarı üstünə qərənfil dəstələri düzüblər. Məlumat verilib ki, ümumilikdə Ağcabədi rayonundan 187 nəfər torpaqlarımızın ərazi bütövlüyü uğrunda gedən döyüşlərdə şəhidlik zirvəsinə yüksəlib. Bu şəhidlərdən 3 nəfəri-Etibar İsmayılov, Namiq Abdullayev və Sadıq Hüseynov döyüşdə göstərdikləri qəhrəmanlıqlara görə Azərbaycanın Milli Qəhrəmanı adına layiq görülüblər.
Qonaqlar Heydər Əliyev adına mədəniyyət və istirahət parkında, Ağcabədidə fəaliyyət göstərən “Atena” süd emalı zavodunda və Ü.Hacıbəyov adına “Qarabağ” Muğam Mərkəzində olublar.
Sonra YAP Ağcabədi rayon təşkilatının qərargahında Ulu öndər Heydər Əliyevin anadan olmasının 91-ci ildönümü münasibəti ilə konfrans keçirilib. Konfransı giriş sözü ilə açan, YAP Ağcabədi rayon təşkilatının sədri Rövşən Əhmədov YAP-ın keçdiyi şərəfli yoldan, Ümummilli lider Heydər Əliyevin 1993-cü ildə xalqın təkidli tələbi ilə yenidən siyasi hakimiyyətə qayıdışından, Ulu öndərin müstəqil dövlətimizin inkişaf yoluna çıxarılması sahəsində gərgin fəaliyyətindən ətraflı danışıb. Bildirilib ki, bu gün öz sıralarında 600 mindən çox üzvü birləşdirən YAP Ulu öndərin layiqli davamçısı Prezident İlham Əliyevin rəhbərliyi ilə ölkənin ictimai-siyasi, sosial-iqtisadi həyatında aparıcı qüvvəyə çevrilib.
Daha sonra YAP Ağcabədi rayon təşkilatının sədr müavini Nazim Bünyadov, rayon təşkilatı Gənclər Birliyinin sədri Nicat Axundov, YAP Ucar rayon təşkilatı Gənclər Birliyinin sədri Ceyhun Qəhrəmanov, YAP Gəncə şəhər təşkilatı Gənclər Birliyinin sədr müavini İsrafil Məmmədov və başqaları çıxış edərək Ümummilli liderimiz Heydər Əliyevin Azərbaycan gəncliyinə göstərdiyi qayğıdan söz açıb, bu siyasətin Prezident İlham Əliyev tərəfindən davam etdirildiyini bildiriblər.
Sonda Ümummilli lider Heydər Əliyevin ömür yoluna həsr olunmuş sənədli film nümayiş etdirilib.

Paylaş:

Baxılıb: 1040 dəfə