Lerikdə gənclər üçün “Xaricdə təhsil karyeramıza təsir edə bilərmi?” mövzusunda seminar keçirilib

Bakı:

18 °C

88 %

0 m/s

AZ RU EN

Ana səhifə / YAP xəbərləri / Lerikdə gənclər üçün “Xaricdə təhsil karyeramıza təsir edə bilərmi?” mövzusunda seminar keçirilib

Lerikdə gənclər üçün “Xaricdə təhsil karyeramıza təsir edə bilərmi?” mövzusunda seminar keçirilib

16.07.2014 [10:04]

Yeni Azərbaycan Partiyası (YAP) Gənclər Birliyinin təşkilatçılığı ilə Lerikdə “Yay məktəbi” layihəsinin ikinci turu bir-birindən maraqlı tədbirlə davam edir. Dünən layihə çərçivəsində “Xaricdə təhsil karyeramıza təsir edə bilərmi?” mövzusunda seminar keçirilib. Seminarda çıxış edən tur rəhbəri, “Səs” qəzetinin baş redaktoru, “Səs” İnformasiya Agentliyinin baş direktoru Bəhruz Quliyev öncə “Yay məktəbi”nin əsas mahiyyəti barədə növbəti məlumatları verib. B.Quliyev bildirib ki, artıq ənənəvi hal alan “Yay məktəbi” layihəsi gənclərin ictimai həyatdakı mövqelərinə stimul verməklə yanaşı, həmçinin, onların cəmiyyətdəki rolunu da müəyyənləşdirir: “Söz yox ki, gənclərimiz məhz belə uğurlu layihələrdə həm də gələcək karyeraları haqqında düşünür, yaxın gələcəkdə ölkəyə hansı töhfələr verə biləcəkləri barədə fikirlər irəli sürürlər. Əlbəttə ki, gənclər burada, ilk növbədə, öz təhsilləri ətrafında düşünməlidirlər. Çünki yaxşı təhsil almaq, həm də potensial karyera imkanlarının artırılması deməkdir”.
Tur rəhbəri, eyni zamanda, ölkədə təhsil sisteminin yeniləşməsi, müasirləşməsi barədə də geniş söhbət açaraq bildirib ki, bu gün Azərbaycan təhsili öz uğurlu addımlarını atır: “Həmçinin, ölkə rəhbərliyi gənclərimizin həm ölkədə, həm də ölkədən kənarda - xaricdə fəaliyyət göstərən nüfuzlu universitetlərdə təhsil almalarına kifayət qədər şərait yaradır. Belə qənaətə gəlmək olar ki, Azərbaycanla yanaşı, xarici ölkələrdə də təhsil alan gəncələrimiz öz gələcək karyeraları, iş imkanları barədə planlarını qururlar. Məqsəd isə birdir - uğurlu, keyfiyyətli təhsil, gələcəkdə təbii ki, uğurlu karyeraya öz müsbət təsirlərini göstərəcək. Nəticədə gənclər öz potensiallarını və imkanlarını doğma ölkələrinə, xalqına sərf edərək, Azərbaycanın inkişafına öz töhfələrini verəcəklər”.
B.Quliyev onu da xatırladıb ki, hələ SSRİ dövründə Azərbaycan xalqının Ümummilli lideri Heydər Əliyev ölkənin müstəqilliyi barədə düşünərək, gənc nəslin təhsil almalarına karyera qurmalarına davamlı şərait yaradırdı: “Azərbaycanlı gənclər Sovet İttifaqının müxtəlif ali təhsil müəssisələrinə oxumağa, təhsil almağa göndərilir, onlar qayıtdıqdan sonra ölkəmizə öz töhfələrini verirdilər. Bu gün Heydər Əliyev siyasəti ölkə Prezidenti cənab İlham Əliyev tərəfindən uğurla davam etdirilir. Azərbaycanda təhsilimizin bugünkü inkişafı bu sahədə dövlətimizin apardığı siyasətin məntiqi uğurlu nəticəsidir”.
Seminar çərçivəsində çıxış edən gənclər də sözügedən mövzu ətrafında öz fikirlərini bildirərək vurğulayıblar ki, bu gün Azərbaycan təhsili artıq bir çox ölkələrə örnək kimi göstərilir. Azərbaycanlı gənclər ölkədən kənarda təhsil almaqla yanaşı, xarici ölkələrdən olan gənclər də bizim ölkəmizdə fəaliyyət göstərən təhsil müəssisələrinə üz tuturlar.
Seminar bir-birindən maraqlı müzakirələr və diskussiyalarla başa çatdırılıb.
Qeyd edək ki, gənc fəal Sənan Məmmədlinin doğum günü layihənin ikinci turunda iştirak edən tur rəhbərliyi və gənclər tərəfindən qeyd olunub. Doğum gününü qeyd edən gənc üçün tort kəsilib, şirniyyat masası açılıb. Tur rəhbərliyi və gənclər Sənan Məmmədlini ad günü münasibəti ilə təbrik ediblər.
Xatırladaq ki, Lerikdə keçirilən “Yay məktəbi” layihəsi çərçivəsində müxtəlif idman yarışları və intellektual müsabiqələr də keçirilir. Qaliblər turun sonunda mükafatlandırılacaqlar.

Paylaş:

Baxılıb: 1151 dəfə