Bələdiyyə seçkiləri demokratik inkişaf baxımından əhəmiyyətlidir

Bakı:

22 °C

53 %

2 m/s

Əlaqə

AZ RU EN

Ana səhifə / YAP xəbərləri / Bələdiyyə seçkiləri demokratik inkişaf baxımından əhəmiyyətlidir

Bələdiyyə seçkiləri demokratik inkişaf baxımından əhəmiyyətlidir

06.12.2014 [12:54]

YAP Ağstafa rayon təşkilatı Seçki Qərargahının üzvləri ilə namizədlərin görüşü keçirilib
Dünən Ağstafa rayonunda Yeni Azərbaycan Partiyası (YAP) tərəfindən bələdiyyə üzvlüyünə namizədliyi irəli sürülmüş şəxslərlə YAP Ağstafa rayon təşkilatı Seçki Qərargahının üzvlərinin görüşü keçirilib. Görüşdə “Odlar Yurdu” Universitetinin rektoru, Milli Məclisin deputatı Əhməd Vəliyev, “Səs” qəzetinin baş redaktoru Bəhruz Quliyev və Yeni Azərbaycan Partiyası Mərkəzi Aparatının məsul işçisi Rafael Gülməmmədov iştirak ediblər.
“Odlar Yurdu” Universitetinin rektoru, Milli Məclisin deputatı Əhməd Vəliyev çıxış edərək bildirib ki, bu il yerli özünüidarəetmə institutunun yaradılmasının yubiley ilidir. O, 15 illik bir müddət ərzində bələdiyyələrin müəyyən inkişaf yolu keçməsindən, onların fəaliyyətinin təkmilləşdirilməsi istiqamətində dövlət tərəfindən zəruri addımların atılmasından danışıb.
Daha sonra çıxış edən “Səs” qəzetinin baş redaktoru Bəhruz Quliyev bələdiyyə seçkilərinin uğurla başa çatması üçün seçicilərin fəallığının yüksək olması amilindən danışaraq son illərdə respublikamızda görülmüş genişmiqyaslı işlər barədə ətraflı məlumat verib: “Sevindirici haldır ki, bələdiyyələrə namizədlər arasında qadınların və gənclərin sayı əvvəlki seçkilərə nisbətən çoxluq təşkil edir. Bələdiyyə seçkiləri, ümumilikdə bələdiyyələrin fəaliyyəti Azərbaycanın demokratik inkişafı baxımından olduqca əhəmiyyətlidir”.
YAP Mərkəzi Aparatının məsul işçisi Rafael Gülməmmədov çıxış edərək Yeni Azərbaycan Partiyası tərəfindən namizədliyi irəli sürülmüş şəxslərə uğurlar arzulayıb və bələdiyyə seçkilərində də xalqımızın, o cümlədən, ağstafalıların Yeni Azərbaycan Partiyasının namizədlərinə səs verəcəyinə inamını ifadə edib.
Qeyd olunub ki, Yeni Azərbaycan Partiyası tərəfindən Ağstafada mövcud 29 bələdiyyəyə 265 nəfərin namizədliyi irəli sürülüb. Namizədlikləri irəli sürülmüş şəxslər arasında YAP rayon təşkilatı qadınlara və gənclərə üstünlük verib. Belə ki, namizədlərin 65 nəfərini gənclər, 99 nəfərini isə qadınlar təşkil edir. Namizədlərin 236 nəfəri 108 saylı Ağstafa və 29 nəfəri 106 saylı Tovuz-Qazax-Ağstafa Seçki Dairələrində qeydə alınıblar. YAP Ağstafa rayon təşkilatında yaradılmış təbliğat qrupu namizədlərin fəal təbliğatını seçki qanununa uyğun olaraq həyata keçirir.
N.BAYRAMLI

Paylaş:

Baxılıb: 873 dəfə