Azərbaycanda uğurlu gənclər siyasəti həyata keçirilir

Bakı:

18 °C

88 %

4 m/s

Əlaqə

AZ RU EN

Ana səhifə / YAP xəbərləri / Azərbaycanda uğurlu gənclər siyasəti həyata keçirilir

Azərbaycanda uğurlu gənclər siyasəti həyata keçirilir

14.03.2015 [10:48]

YAP Qaradağ rayon təşkilatı Gənclər Birliyinin konfransı keçirilib
Dünən Yeni Azərbaycan Partiyası (YAP) Qaradağ rayon təşkilatı Gənclər Birliyinin IV hesabat-seçki konfransı keçirilib. Tədbirdə YAP Qaradağ rayon təşkilatının sədri, partiyanın Siyasi Şurasının üzvü Aydın Hüseynov, Qaradağ rayon İcra Hakimiyyəti başçısının müavini Təranə İsmayılova, “SƏS” Media Qrupunun rəhbəri Bəhruz Quliyev və YAP Qaradağ rayon təşkilatı Gənclər Birliyinin üzvləri iştirak ediblər. Tədbir YAP Qaradağ rayon təşkilatı Gənclər Birliyinin fəaliyyətini əks etdirən videoçarxın nümayişi ilə başlayıb.
Daha sonra konfransı giriş sözü ilə açan YAP Qaradağ rayon təşkilatının sədri Aydın Hüseynov qeyd edib ki, Azərbaycan gəncliyinin inkişafı və gənclər siyasətinin formalaşması Ümummilli lider Heydər Əliyevin adı ilə bağlıdır. O deyib ki, Ulu öndərimiz həmişə gənclərə geniş meydan verib, onların dövlət idarəçiliyində fəal təmsilçiliyinə əlverişli şərait yaradıb. A.Hüseynov bu gün həmin siyasətin Azərbaycan Prezidenti İlham Əliyev tərəfindən uğurla davam etdirildiyini vurğulayıb: “Bu gün hər bir gənc dövlətimizin ona göstərdiyi diqqət və qayğıdan bəhrələnir, bu amil isə gənclərin gələcək fəaliyyətlərinə stimul verir. Qaradağ rayon gəncləri də bu diqqəti daim hiss edirlər”.
Tərbirdə çıxış edən Qaradağ rayon gəncləri ölkəmizdə gənclərin inkişafı üçün hərtərəfli şəraitin yaradıldığını, həmçinin, YAP Gənclər Birliyinin Azərbaycanın ən böyük, güclü gənclər təşkilatı olduğunu vurğulayıblar.
Daha sonra təşkilati məsələlərə baxılıb. YAP Qaradağ rayon təşkilatı Gənclər Birliyinin İdarə Heyətinin və Şurasının yeni tərkibi, həmçinin, Ramiz Yusubov YAP Qaradağ rayon təşkilatı Gənclər Birliyinin sədri, Eltun İbrahimov, Zeliha Zamanova və Eldar Sadıqov sədr müavinləri seçiliblər.
Eyni zamanda, YAP Gənclər Birliyinin respublika konfransına nümayəndələr seçilib.
YAP Qaradağ rayon təşkilatı Gənclər Birliyinin İdarə Heyətinin yeni seçilmiş üzvlərini, sədrini və onun müavinlərini təbrik edən, gələcək fəaliyyətlərində uğurlar arzulayan “SƏS” Media Qrupunun rəhbəri Bəhruz Quliyev qeyd edib ki, respublikamızda ilk yaranan təşkilatlardan biri olan YAP Qaradağ rayon təşkilatı özünün fəaliyyət istiqamətinə görə hər zaman ön mövqelərdə qərarlaşıb: “Yeni Azərbaycan Partiyası bu gün nəinki Azərbaycanın, eləcə də Cənubi Qafqaz regionunun ən böyük siyasi təşkilatıdır. Məhz bu fakt YAP Qaradağ rayon təşkilatı Gənclər Birliyinin üzvlərinin üzərinə yüksək məsuliyyət qoyur. Azərbaycanda həyata keçirilən uğurlu gənclər siyasəti xalqımıza böyük uğurlar qazandırmışdır”.
Qaradağ rayon İcra Hakimiyyəti başçısının müavini Təranə İsmayılova da öz çıxışında yeni seçilmiş heyətə uğurlar arzulayaraq qeyd edib ki, gənclərdə milli təəssübkeşlik hissi nə qədər yüksək olarsa, bu da öz növbəsində onların fəaliyyət istiqamətlərinə bir o qədər işıq saçmış olar.

Paylaş:

Baxılıb: 850 dəfə