Nəriman Əliyev Masallıda seçicilərlə növbəti görüşünü keçirib

Bakı:

21 °C

64 %

1 m/s

Əlaqə

AZ RU EN

Ana səhifə / YAP xəbərləri / Nəriman Əliyev Masallıda seçicilərlə növbəti görüşünü keçirib

Nəriman Əliyev Masallıda seçicilərlə növbəti görüşünü keçirib

23.10.2015 [11:20]

Noyabrın 1-də Azərbaycan Respublikası Milli Məclisinə keçiriləcək seçkilərdə Yeni Azərbaycan Partiyası (YAP) tərəfindən deputatlığa namizədlikləri irəli sürülən şəxslərin təbliğat-təşviqat kampaniyası çərçivəsində görüşləri uğurla davam etdirilir. Dünən belə görüşlərdən biri də YAP tərəfindən 70 saylı Masallı şəhər Seçki Dairəsindən deputatlığa namizədliyi irəli sürülən Əliyev Nəriman Əlibala oğlu ilə rayonun Həsənli kəndinin seçiciləri arasında olub.
Görüşü giriş sözü ilə açan YAP Masallı rayon təşkilatının sədri Seyfəddin Əliyev Prezident İlham Əliyevin rəhbərliyi ilə ölkəmizdə çoxsaylı uğurların əldə olunduğunu bildirib: “Ölkəmiz son illərdə çox böyük layihələrə imza atıb. İnanıram ki, əldə olunan bu uğurları göz önündə tutan Azərbaycan xalqı yenə də öz doğru seçimini edərək, gələcəkdə də bu uğurların davamlı olması üçün YAP-ın namizədlərini dəstəkləyəcək”.
Həsənli kənd sakinləri - üzvü Əliağa Hüseynov, Vəli Vəlişov, Məmmədhüseyn Hüseynov və Nazilə Hüseynova öz çıxışlarında Yeni Azərbaycan Partiyasının deputatlığa namizədi Nəriman Əliyevin layiqli namizəd olduğunu qeyd edərək seçki günü yekdilliklə ona səs verəcəklərini bildiriblər.
Sonra çıxış edən Yeni Azərbaycan Partiyasının 70 saylı Masallı şəhər Seçki Dairəsi üzrə deputatlığa namizədi Nəriman Əliyev bildirib ki, əsası Ulu öndər Heydər Əliyev tərəfindən qoyulmuş və bu gün Prezident İlham Əliyevin rəhbərliyi ilə uğurla həyata keçirilən mükəmməl strategiya nəticəsində Azərbaycan yüksək sürətlə inkişaf edən ölkələr sırasına daxil olub. Bu inkişaf özünü ölkəmizin hər bir regionunda açıq şəkildə göstərir. Daha sonra seçicilərin etimadını qazanıb millət vəkili seçiləcəyi təqdirdə görəcəyi işlər haqqında da məlumat verən Nəriman Əliyev çıxışını belə yekunlaşdırıb: “Parlament üzvünün vəzifələri qanunlarla müəyyənləşib. Deputatların əsas vəzifəsi qanun yaradıcılığı işi ilə məşğul olmaqdır. Amma seçicilərin dəstəyi ilə parlamentə seçilən şəxs həmin insanların problemləri ilə maraqlanmağa və həllinə çalışmağa borcludur. Mən də sizi əmin edirəm ki, bütün gücümlə sizin etimadınızı doğrultmağa çalışacağam. Hamınızı noyabrın 1-də seçki məntəqələrinə gələrək YAP-ın namizədinə səs verməyə çağırıram”.
Sonda kənd sakinləri mövcud problemlər barədə namizədə məlumat verib, təkliflər irəli sürüblər.

Paylaş:

Baxılıb: 849 dəfə