YAP Samux rayon təşkilatının ərazi ilk partiya təşkilatlarında hesabat-seçki yığıncaqları keçirilib

Bakı:

18 °C

63 %

2 m/s

AZ RU EN

Ana səhifə / YAP xəbərləri / YAP Samux rayon təşkilatının ərazi ilk partiya təşkilatlarında hesabat-seçki yığıncaqları keçirilib

YAP Samux rayon təşkilatının ərazi ilk partiya təşkilatlarında hesabat-seçki yığıncaqları keçirilib

16.02.2022 [17:15]

16 Dekabrın 2022-ci il tarixdə Yeni Azərbaycan Partiyası Samux rayon təşkilatı Sərkar kəndi, Sərkar tam orta məktəb və Sərkar UMM ərazi partiya təşkilatlarında hesabat-seçki yığıncaqlarını keçirib. Hesabat məruzələri dinlənilib, çıxışlar əsasında ərazi partiya təşkilatlarının hesabat dövründəki fəaliyyətləri dəyərləndirilib.
YAP Samux rayon təşkilatının sədri Gündüz Bayramov yığıncaqlardakı nitqində Yeni Azərbaycan Partiyasının təkcə ölkənin deyil, Cənubi Qafqazın ən böyük siyasi təşkilatı olduğunu deyib: “Ulu öndər Heydər Əliyev, eyni zamanda, xalqın böyük etimadını qazanan Yeni Azərbaycan Partiyasını yaratdı. YAP-ın yaranmasından az müddət sonra Ümummilli Lider xalqın təkidli tələbi ilə hakimiyyətə qayıtdı. 1995-ci ildə parlament seçkilərində YAP öz liderinin etimadını doğrultdu. YAP həm monolit, həm də uğur partiyasıdır”.
G.Bayramov vurğulayıb ki, təməli ulu öndər Heydər Əliyev tərəfindən qoyulan və Prezident İlham Əliyevin Sədrliyi ilə uğurlu fəaliyyətini davam etdirən Yeni Azərbaycan Partiyası ötən 30 ildə tarixi əhəmiyyətli uğurlara imza atıb: “Partiya tarixin ciddi sınaqlarından çıxaraq bu illər ərzində inkişaf edib, möhkəmlənib, ildən-ilə öz sıralarını genişləndirərək xalqın partiyasına çevrilib. Bu gün böyük inamla qeyd edirik ki, müasir müstəqil Azərbaycan dövlətinin qurucusu olan ulu öndər Heydər Əliyevin siyasi kursunu bütün istiqamətlərdə uğurla davam etdirən Prezident İlham Əliyevin rəhbərliyi ilə ölkəmiz dayanıqlı iqtisadi inkişafı ilə dünyanın diqqətindədir. Hazırda ölkəmizin həyatında yeni dövrün başlanğıcı kimi dəyərləndirilən işğaldan azad edilmiş ərazilərimizdə bərpa və quruculuq işləri Azərbaycanın malik olduğu iqtisadi və maliyyə imkanlarının təqdimatında əhəmiyyətli rol oynayır”.
YAP Samux rayon təşkilatının sədri yeni reallıqlara uyğun olaraq Yeni Azərbaycan Partiyasının qarşısında dayanan vəzifələrin icrası istiqamətində Samux rayon təşkilatının xüsusi fəallıq nümayiş etdirdiyini bildirib.
Sonra hesabat seçki-yığıncaqlarında təşkilati məsələlərə baxılıb. Şəmistan Yusifov Sərkar kənd ərazi partiya təşkilatının sədri, Reyhan Abuzərova sədr müavini, Səadət Məmmədbəyova Sərkar UMM ərazi partiya təşkilatının sədri, Ruhanə Həsənova sədr müavini, Afaq Möyləyeva Sərkar tam orta məktəb ərazi partiya təşkilatının sədri, Aynur Məmmədova isə sədr müavini seçiliblər.
YAP Samux rayon təşkilatının sədri G.Bayramov yeni seçilmiş sədr və müavinlərə fəaliyyətlərində uğurlar arzulayıb.

Paylaş:

Baxılıb: 788 dəfə