YAP-ın məqsədi dövlətimizi daha da gücləndirmək, insanların həyat şəraitini daha da yaxşılaşdırmaqdır

Bakı:

12 °C

87 %

3 m/s

AZ RU EN

Ana səhifə / YAP xəbərləri / YAP-ın məqsədi dövlətimizi daha da gücləndirmək, insanların həyat şəraitini daha da yaxşılaşdırmaqdır

YAP-ın məqsədi dövlətimizi daha da gücləndirmək, insanların həyat şəraitini daha da yaxşılaşdırmaqdır

23.10.2010 [11:02]

39 saylı Kəpəz birinci seçki dairəsindən Yeni Azərbaycan Partiyasının deputatlığa namizədi Xanlar Fətiyevin seçicilərlə görüşü keçirilib
Oktyabrın 20-də Yeni Azərbaycan Partiyası (YAP) 39 saylı Kəpəz birinci (Gəncə) seçki dairəsindən namizədliyi irəli sürülən Fətiyev Xanlar Nuru oğlu ilə seçicilərin görüşü keçirilib.
Toplantını giriş sözü ilə YAP Gəncə şəhər təşkilatının sədri, professor İsrafil İsmayılov açaraq deyib ki, partiyamız hər seçkiyə ciddi, məsuliyyətlə hazırlaşaraq qələbələrə nail olur: “çoxillik təcrübəmiz deməyə əsas verir ki, biz bu seçkidə də mütləq çoxluqla qələbə qazanacağıq. Ona görə ki, 7 noyabr parlament seçkilərinə yeni texnologiya ilə, layiqli namizədlərlə, ən başlıcası isə ümummilli lider Heydər Əliyevin ideyaları ilə gedirik. Partiyanın Seçki Proqramından da göründüyü kimi, YAP-ın əsas məqsədi güclü dövlət qurmaq, insanların sosial həyat şəraitini daha da yüksəltməkdir. Ona görə də, bütün seçiciləri partiyanın irəli sürdüyü namizədlərə səs verməyə çağırıram”.
Təbliğatçı Telman Məlikov çıxış edərək bildirib ki, hamımıza yaxşı məlumdur, Ulu öndərimiz Heydər Əliyev xalqımızın təkidli tələbi ilə hakimiyyətə gəldikdən sonra memarı olduğu Yeni Azərbaycan Partiyası hakim partiya oldu. Belə bir möhtəşəm partiyanın iqtidarda olması, onun namizədlərinin deputat seçilməsi Azərbaycan dövlətinə və millətinə yeni inkişaf perspektivləri gətirə bilər. Yeni Azərbaycan Partiyası insanlar arasında, ictimaiyyət arasında hörməti olan namizədlərə üstünlük verib. Xanlar Fətiyev də təşkilatçılığı, qabiliyyəti, siyasi fəaliyyəti ilə öz mövqeyini təsdiqləyib. Biz belə deputatlarla irəli gedəcəyik, arzularımıza nail olacağıq, planlarımızı həyata keçirəcəyik. Seçicilər Xanlar Fətiyevə səs verəcəkləri təqdirdə öz istəklərinə nail olacaqlar. Vətənimizin inkişafı, xoş günlərimiz davam edəcək.
Təbliğatçılardan Nazim Kərimov, Fərman İsgəndərov, Musa Abdullayev öz çıxışlarında 7 noyabr parlament seçkilərinin ölkəmiz üçün mühüm əhəmiyyət kəsb etdiyini vurğulayıblar, bu seçkilərin demokratik və şəffaf şəkildə keçiriləcəyinə əmin olduqlarını bildiriblər.
Seçici Bayram Həsənov bildirib ki, xalqımızın bir istəyi var: həmişə ölkəmizdə əmin-amanlıq, sülh olsun, rahat yaşayaq, yaxşı işləyək, övladımız sağlam olsun, xoş günlər görsünlər. Bizə həmişə dəstək verən, bizim yardımçımız olan Yeni Azərbaycan Partiyasına inamımızı, rəğbətimizi 7 noyabrda seçki məntəqələrinə yekdilliklə gəlməklə bildirəcəyik.
Sonra isə deputatlığa namizəd Xanlar Fətiyev çıxış edərək seçki platforması barədə ətraflı məlumat verib.

Paylaş:

Baxılıb: 1443 dəfə