Kəlbəcər şəhərinin Baş planı bölgənin təbii gözəlliyini özündə ehtiva edir

Bakı:

22 °C

53 %

2 m/s

Əlaqə

AZ RU EN

Ana səhifə / YAP xəbərləri / Kəlbəcər şəhərinin Baş planı bölgənin təbii gözəlliyini özündə ehtiva edir

Kəlbəcər şəhərinin Baş planı bölgənin təbii gözəlliyini özündə ehtiva edir

26.11.2022 [11:46]

Bildiyimiz kimi, Kəlbəcər bizim işğal altında olan ən böyük rayonumuz idi və ümumiyyətlə, Azərbaycanın ən zəngin rayonlarından biridir. Vətənmüharibəsinin ilk günlərində döyüşlər gedən zaman Kəlbəcərin şimal hissəsi Azərbaycan Silahlı Qüvvələri tərəfindən işğalçılardan azad edildi. Ordumuz Kəlbəcərin şimal hissəsində strateji yüksəklikləri götürərək erməni silahlı qüvvələrinin hərəkətlərini bu istiqamətdə böyük dərəcədə məhdudlaşdırdı. 10 noyabr 2020-ci il tarixli Üçtərəfli Bəyanata əsasən isə, Kəlbəcər rayonu bir güllə atılmadan Azərbaycana təhvil verildi. Beləliklə də, Kəlbəcər şəhəri də daxil olmaqla, rayonun 147 yaşayış məntəqəsi işğaldan azad edildi və Kəlbəcərin doğma sahibləri öz torpaqlarına qovuşdu.

Müzəffər Ali Baş Komandan, Prezident İlham Əliyev iki dəfə Kəlbəcər rayonuna səfər etmiş və ilk səfəri zamanı üçrəngli bayrağımızı rayon ərazisində ucaltmışdır. Ölkə başçısının Kəlbəcər rayonuna ikinci səfəri bu ilin 26 iyun tarixində baş tutmuşdur. Səfər zamanı Prezident İlham Əliyev “Kəlbəcər-1” Kiçik Su Elektrik Stansiyasının və hərbi hissələrin açılış, İşğal, Zəfər muzeyləri kompleksinin, “İstisu” mineral su zavodunun, eyni adlı sanatoriyanın, Rəqəmsal İdarəetmə Mərkəzinin təməlqoyma mərasimlərində iştirak etmiş, həmçinin,Kəlbəcər-Laçın avtomobil yolunun, “Çıraq-1” Kiçik Su Elektrik Stansiyasında tikinti işlərinin gedişi və Kəlbəcər Şəhərinin Baş planı ilə tanış olmuşdur. Kəlbəcər şəhərinin Baş planı bölgənin təbii gözəlliyini özündə ehtiva edir və Baş plana əsasən, yaşayış binaları, məktəb, xəstəxana, aşıq mərkəzi, eləcə də,digər tikililər inşa ediləcəkdir. Kəlbəcər rayonu böyük təbii enerji potensialına malikdir. Rayon ərazisində külək elektrik stansiyalarının tikintisi ilə bağlı xarici şirkətlər tərəfindən böyük maraq vardır.

Bu gün, Kəlbəcər yeni inkişaf dövrünə qədəm qoyub. Kəlbəcər şəhərinin Baş planı bölgənin təbii gözəlliyini özündə ehtiva edir. İlin sonuna qədər müfəssəl layihələndirmə gedəcək və ondan sonra, yaşayış binaları, məktəb, xəstəxana inşa ediləcək. Həmçinin, rayonda hərbi hissələr, ictimai yerlər artıq,fəaliyyət göstərir. Kəlbəcərdə mütləq aşıq mərkəzi və digər tikililər də inşa ediləcək. Eyni zamanda, xarici şirkətlər tərəfindən Kəlbəcər və Laçında külək elektrik stansiyalarının tikintisi ilə bağlı müraciətlər daxil olub. Ən çətin relyefə malik olan Kəlbəcər dağlarından elektrik xətləri çəkildi. “Kəlbəcər-1” Kiçik Su Elektrik Yarımstansiyası və 110/35/10 kilovoltluq “Kəlbəcər” yarımstansiyası isə artıq, istifadəyə verilib. Otuz il ərzində düşmən tapdağı altında qalan torpaqlarımızın hər qarışının, azad edilən hər kəndin, hər şəhərin Azərbaycan üçün əhəmiyyəti son dərəcə böyükdür. Rayonlarımızın hər birinin düşməndən təmizlənməsi, əslində, özü-özlüyündə tarixi qələbədir. Kəlbəcər bir təbiət möcüzəsidir. Bu möcüzəni bu əsrarəngiz gözəlliyi sözlərlə ifadə etmək kifayət etmir. Kəlbəcər şəhərinin Baş planının hazırlanması zamanı onun özünəməxsus simasının formalaşdırılması üçün ərazinin coğrafi yerləşməsinə, əlverişli şəraitinə, quruluşuna uyğun sağlamlıq və dağ turizmi imkanlarının inkişafı, təbiətlə vəhdətdə yaşıl şəhər mühitinin yaradılması təşkil edir. Şəhərin mərkəzi hissəsində çoxmənzilli binalar, ətraflara doğru isə həyətyanı sahəsi olan fərdi evlər inşa olunması nəzərdə tutulmuşdur.

Prezident İlham Əliyevin Sərəncamı ilə 2020-ci il noyabrın 26-da “Kəlbəcərin azad olunmasına görə” medalı təsis edilmiş və Kəlbəcər rayonunun işğaldan azad edilməsi uğrunda aparılmış döyüş əməliyyatlarında iştirak edərək şəxsi igidlik və şücaət nümayiş etdirmiş Azərbaycan Respublikası Silahlı Qüvvələrinin 9454 hərbi qulluqçusu bu medalla təltif olunmuşdur...

Yeni Azərbaycan Partiyası Beyləqan rayon təşkilatının sədri Müşfiq Səfərov

Paylaş:

Baxılıb: 728 dəfə