Ekoloji terrora son qoyulmalıdır

Bakı:

20 °C

68 %

8 m/s

Əlaqə

AZ RU EN

Ana səhifə / YAP xəbərləri / Ekoloji terrora son qoyulmalıdır

Ekoloji terrora son qoyulmalıdır

16.12.2022 [11:54]

Bu günə kimi sülhməramlılar tərəfindən Qarabağa, Xankəndiyə Ermənistandan silah-sursat daşıyan, ara qızışdırıb, erməniləri yenidən müharibəyə həvəsləndirən revanşistlərin geri qaytarılmaması təəccüb doğurur. Təəccüb doğuran səbəb ondan ibarətdir ki, bu iş birbaşa onların səlahiyyətindədir. Azərbaycanın 10 noyabr üçtərəfli Bəyannaməsində nəzərdə tutulur ki, humanitar məqsədlə verilən yoldan digər formada istifadə olunması qəti qadağandır. Lakin faktlar onu sübut edir ki, ərazidə müvəqqəti yerləşdirilmiş sülhməramlıların birbaşa iştirakı və rəhbərçiliyi ilə həmin yol vasitəsilə ermənilər çirkin niyyətlərini həyata keçirirlər. Belə ki, ermənilər Azərbaycanın sərvətlərini talayır , ekoloji terror törətməklə Beynəlxalq konvensiyanın tələblərini kobud şəkildə pozaraq Azərbaycan Respublikasının Konstitusiyasına zidd adımlar atırlar. Biz bu torpaqları ermənilərin murdar ayaqlarından təmizləməmişik ki, bu gün bir qrup cinayətkar Qarabağda özbaşnalıq etsinlər. Çünki Qarabağın öz sahibi var.

44 günlük müharibədən sonra məğlub olub özlərini yazıq göstərən ermənilər heç də belə deyilmiş. Görünən odur ki, onlar əvvəlki kimi yenə öz amplualarındadırlar. Bu millətin təfəkkür tərzi dəyişmir. Torpaqlarımızda oturub silahlanır, yeni planlar qurur, yeni kələklər edirlər. Bunlarla özlərinin başa düşdüyü dildə danışmaq lazımdır.

Artıq bir neçə gündür ki, Eko-fəallarımız və QHT təmsilçilərimiz Qarabağda Rusiya sülhməramlılarının müvəqqəti məsuliyyəti zonasında separatçı rejimin Azərbaycanın təbii sərvətlərini talamasına və ekologiyamıza qarşı soyqırımı törətməsinə qarşı Laçın-Şuşa yolunda aksiyalarını davam etdirirlər. Bu aksiya dinc xarakterlidir, heç bir gərginlik yaratmır. İştirakçılar sülhməramlı kontingentin müvəqqəti yerləşdirildiyi ərazilərimizdəki Qızılbulaq qızıl və Dəmirli mis-molibden yataqlarında qeyri-qanuni istismara etirazlarını bildirir, ekoloji terrorların dayandırılmasını tələb edirlər.

Bu gün Azərbaycan xalqının qəlbi Şuşa-Laçın yolunda haqq işimiz uğrunda mübarizə aparan bacı-qardaşlarımızla birgə döyünür.
Xalqımızın ümumi etirazının ifadəçiləri ilə, könüllərində vətən sevgisi daşıyan gənclərimizlə, ictimaiyyət nümayəndələrimizlə qürur duyuruq. Və lazım gələrsə, hər birimiz vətəndaşlıq borcumuzu yerinə yetirmək üçün eko-fəallarımızın aksiyasına qoşulmağa hər an hazırıq.

Hazırda isə Rusiya sülhməramlıları Azərbaycanın öz ərazisində təbii sərvətlərin talanıb-daşınması ilə bağlı monitorinq aparmasına şərait yaratmalıdırlar. Bu halda aksiya başa çatmış hesab oluna bilər.

Bəli, düz 30 il əvvəl, 1988-ci ildə olduğu kimi, Azərbaycan ictimaiyyəti öz ərazisində pozulan hüquqlarının bərpası uğrunda mübarizəyə qalxıb, ekologiyasının amansızcasına məhv edilməsinə etiraz edir. Separatçı rejimin sərvətlərimizi qanunsuz talamasına imkan verməmək üçün gecə-gündüz aksiya keçirir. Amma həm də budəfəki hadisələrin axarı 1988-ci ildəkindən tamamilə fərqli yöndə cərəyan edir.
İndi Azərbaycan xalqının arxasında dağ kimi dayanan müstəqil və qüdrətli dövləti var! İndi Azərbaycan xalqının onu daim qələbə zirvələrinə ucaldan İlham Əliyev kimi qətiyyətli lideri var!
İndi və əbədiyyətə qədər bir daha mənfur düşmən Azərbaycan xalqının haqq və hüquqlarını tapdalamağa cürət edə bilməyəcək.

YAP Tərtər rayon təşkilatının sədri Eldar Əsədov

Paylaş:

Baxılıb: 435 dəfə