Rəsmi İrəvanın qərəzli iddiaları əsassızdır

Bakı:

29 °C

70 %

9 m/s

Əlaqə

AZ RU EN

Ana səhifə / YAP xəbərləri / Rəsmi İrəvanın qərəzli iddiaları əsassızdır

Rəsmi İrəvanın qərəzli iddiaları əsassızdır

19.12.2022 [10:39]

YAP Ağdam rayon təşkilatının sədri

Mansur Quliyev

44 günlük Vətən müharibəsindəki tarixi Zəfərdən sonra Azərbaycan bölgədə yeni reallıqlar yaratmış oldu.

Müzəffər Ali Baş Komandan cənab İlham Əliyevin rəhbərliyi və qətiyyətli mövqeyi sayəsində Vətən Müharibəsini zəfərlə başa vuran Azərbaycan Cənubi Qafqaz regionunda sülhün və təhlükəsizliyin təmin olunmasında əsas nüfuz sahibi olan dövlətə çevrilmişdir. Məlum olduğu kimi 10 noyabr 2020-ci il tarixdə Ermənistanın kapitulyasiya aktını imzalaması ilə nəticələnən üçtərəfli Bəyannamədə nəzərdə tutulan öhdəliklər Ermənistan tərəfindən yerinə yetirilməyib, bu da o deməkdir ki, Ermənistan bölgədə sülhün bərqərar olmasında maraqlı deyil.

Postmünaqişə dövründə Ermənistan tərəfi Azərbaycanın təklif etdiyi sülh təkliflərindən birmənalı şəkildə imtina etmişdir və Ermənistanın bu mövqeyi beynəlxalq ictimaiyyət tərəfindən müsbət qarşılanmır. Azərbaycan 10 noyabr 2020-ci ildə imzalanmış Bəyannamənin bütün müddüalarını bu günə kimi yerinə yetirməkdədir.
Azərbaycan dövləti Ermənistandan fərqli olaraq hər zaman beynəlxalq hüququn norma və prinsiplərinə uyğun şəkildə siyasət aparır və bölgədə sülhün təmin olunmasında maraqlı olan bir ölkədir.

Ermənistanın siyasi rəhbərliyinin bu qərəzli mövqeyi öz ölkəsini və xalqını uçuruma aparmaqdadır.
Erməni provakasiyası bu gün də davam etməkdədir. Belə ki, təbii sərvətlərimizə də göz dikən erməni vandalları Qarabağda ekoloji terrorada əl atmaqdan çəkinmirlər. Bütün bunlara etiraz əlaməti olaraq xalqımız dinc aksiyalar keçirməklə birlik nümayiş etdirməkdədir. Aksiya iştirakçılar ekoloji terror, yataqların qanunsuz istismarı əleyhinə şüarlar səsləndirir. Bu gün Rusiya sülhməramlılarının müvəqqəti nəzarətində olan Azərbaycan Respublikasının ərazilərdə faydalı qazıntı yataqlarına, xüsusilə Qızılbulaq qızıl və Dəmirli mis-molibden yataqlarının qanunsuz istismarına etiraz olaraq eko-fəallar və Qeyri-Hökümət Təşkilatçılarının təmsilçiləri Şuşa – Laçın yolunda aksiyanı davam etdirir.

Ermənistan və onun havadarları birmənalı şəkildə bilməlidirlər ki, Azərbaycan dövləti və ictimaiyyəti bu cür qanunsuz hərəkətlərə yol verənlərə qarşı, suveren ərazisində baş verən özbaşınalıqlara göz yummayacaq.

Bu gün Azərbaycan bölgədə, Beynəlxalq münasibətlər sistemində müstəqil siyasət yürüdən bir dövlətdir və öz milli dövlətçilik maraqlarına uyğun olaraq dünya siyasi arenasına uğurla inteqrasiya etməkdədir.

Paylaş:

Baxılıb: 582 dəfə