Xocavənd rayonunda “Heydər Əliyev və Azərbaycan gəncliyi” mövzusunda dəyirmi masa keçirilib

Bakı:

22 °C

64 %

4 m/s

AZ RU EN

Ana səhifə / YAP xəbərləri / Xocavənd rayonunda “Heydər Əliyev və Azərbaycan gəncliyi” mövzusunda dəyirmi masa keçirilib

Xocavənd rayonunda “Heydər Əliyev və Azərbaycan gəncliyi” mövzusunda dəyirmi masa keçirilib

02.02.2023 [11:39]

Yeni Azərbaycan Partiyası Xocavənd rayon təşkilatı, Xocavənd Rayon İcra Hakimiyyəti, Xocavənd Rayon Gənclər və İdman İdarəsinin birgə təşkilatçılığı ilə 01 fevral 2023-cü il tarixdə rayon İcra Hakimiyyətinin akt zalında “2 Fevral - Azərbaycan Gəncləri Günü”nə həsr olunmuş “Heydər Əliyev və Azərbaycan gəncliyi” mövzusunda dəyirmi masa keçirdi. Tədbir iştirakçıları ilk öncə Ümummilli lider Heydər Əliyevin Xocavənd Rayon İcra Hakimiyyəti qarşısında yerləşən abidəsini ziyarət etmiş, abidə önünə gül dəstələri düzərək xatirəsini böyük hörmət və ehtiramla yad etmişlər.

Tədbiri giriş sözü ilə açan Xocavənd rayon İcra Hakimiyyətinin Başçısı Eyvaz Hüseynov tədbir iştirakçılarını salamlayaraq qeyd etmişdir ki, dahi Heydər Əliyev Azərbaycan gəncliyini hər mənada güclü görmək istəyirdi. Odur ki, Ümummilli liderimiz Heydər Əliyev 1994-cü ilin iyulunda Azərbaycanda Gənclər və İdman Nazirliyini yaratdı və gəncləri bir araya topladı. 1996-cı il fevralın 2-də isə ilk dəfə müstəqil dövlətimizin Gənclər Forumu keçirildi və daha sonra Ulu öndər Heydər Əliyevin imzaladığı sərəncamla fevralın 2-si Azərbaycan gəncləri günü elan edildi. Gənclərə, gələcək nəslə çox böyük fikir verən, onların problemlərini hər zaman diqqət mərkəzində saxlayan Azərbaycan Respublikasının Prezidenti cənab İlham Əliyev tərəfindən gənclərin problemlərinin həlli üçün mühüm addımlar atılır. 2007-ci ilin «Gənclər ili» elan edilməsi, «Azərbaycan Gəncliyi Dövlət Proqramı»nın təsdiqi, Gənclər Fondunun yaradılması, gənclər, onların sosial müdafiəsi ilə bağlı müxtəlif sərəncamların verilməsi həmin işlərin bir hissəsidir.

Xocavənd rayonunda keçən müddət ərzində gənclərimizin ölkənin ictimai-siyasi, iqtisadi və mədəni həyatında fəal iştirakı, sosial problemlərin həlli və hüquqlarının müdafiəsinin təmin edilməsi, gənclər siyasətinin bütün istiqamətləri üzrə müvafiq dövlət proqramlarının səmərəli həyata keçirilməsi, gənc istedadlara dövlət qayğısının artırılması, elm, təhsil, iqtisadiyyat, mədəniyyət, dövlət idarəçiliyi və digər sahələrdə gənclərin xidmətlərinin qiymətləndirilməsi və bütövlükdə Dövlət Gənclər siyasətinin həyata keçirilməsi istiqamətində çox böyük işlər görülmüşdür. Eyvaz Hüseynov bildirdi ki, Azərbaycan Gəncliyi 44 günlük II Qarabağ müharibəsində 30 illik torpaq həsrətinə son qoyaraq Azərbaycan gəncliyinin gücünün nəyə qadir olduğunu bir daha bütün dünyaya sübut etdi.

Tədbirdə YAP Xocavənd rayon təşkilatının sədri Vüsal Hüseynov, Xocavənd rayon Gənclər İdman İdarəsinin rəisi Aslan Quliyev və digər çıxış edənlər Ümummilli liderin əziz xatirəsi hörmətlə anaraq, onun keçdiyi şərəfli həyat yolundan, müstəqil Azərbaycan dövlətinin hərtərəfli inkişafı, milli dövlətçilik ideyasının bərqərar olunması və ölkəmizin beynəlxalq aləmdə nüfuzunun artması naminə göstərdiyi əvəzsiz tarixi xidmətlərdən, gənclərlə iş sahəsində yürütdüyü siyasətdən, gənc nəslin problemlərinin həlli, onların cəmiyyət həyatında layiqli iştirakının təmin olunması, milli-mənəvi dəyərlərə bağlılığının möhkəmləndirilməsi üçün dövlət səviyyəsində həyata keçirilən işlərdən, əldə olunan uğurlardan bəhs edən çıxışlar etdilər.

Tədbirdə Yeni Azərbaycan Partiyasının fəal üzvü olaraq partiya dəyərlərinin təbliğində və ictimai proseslərdə aktiv iştirak edən gənclərə fəxri fərmanlar, yeni üzvlərə üzvlük vəsiqələri, o cümlədən də 2022-ci il ərzində yüksək nailiyyətlər əldə edən, fəallığı ilə seçilən bir qrup gənc Gənclər İdman İdarəsi tərəfindən fəxri fərmanla təltif edildilər.

Tədbirin sonunda Şəhid Abdullayev Tural Bəylər oğluna Cənab Prezident İlham Əliyevin sərəncamı ilə imzalanmış “Cəsur döyüşçü” medalı Şəhidin anasına və Vətən müharibəsinin iştirakçısı Şuruzadə Vüsala “Müharibə iştirakçısı” medalları təqdim edildi.

Paylaş:

Baxılıb: 450 dəfə