Sülh və sabitliyin ən böyük təminatı

Bakı:

26 °C

89 %

3 m/s

Əlaqə

AZ RU EN

Ana səhifə / YAP xəbərləri / Sülh və sabitliyin ən böyük təminatı

Sülh və sabitliyin ən böyük təminatı

14.06.2023 [11:15]

Məlum olduğu kimi 2021-ci il iyunun 15-də Azərbaycan Prezidenti İlham Əliyevlə Türkiyə Prezidenti Rəcəb Tayyib Ərdoğan arasında Şuşa şəhərində Azərbaycan və Türkiyə arasında müttəfiqlik münasibətləri haqqında Bəyannamə imzalanıb. Prezident cənab İlham Əliyevin söylədiyi kimi Şuşa Bəyannaməsi ilə Türkiyə-Azərbaycan əlaqələri rəsmən müttəfiqlik səviyyəsinə qalxdı.

Azərbaycan xalqının Qurtuluş günü - 15 iyun tarixi və Qars müqaviləsinin 100-cü ildönümündə imzalanan Şuşa Bəyannaməsi bir daha bütün dünyaya Azərbaycan – Türkiyə qardaşlığının, dostluğunun əbədi və sarsılmaz olduğunu nümayiş etdirdi.

Bəyannamənin bütün Türk dünyasının mədəniyyət beşiyi olan Şuşa şəhərində imzalanmasının xüsusi əhəmiyyəti vardı. Belə ki, Azərbaycan Respublikasının Prezidenti İlham Əliyev və Türkiyə Cumhuriyyətinin Prezidenti Rəcəb Tayib Ərdoğanın əyləşdikləri yerin arxa fonunda ermənilər tərəfindən dağıdılmış, viranə qoyulmuş bina görünürdü. Bütün dünyanın gözü Şuşa şəhərində, imzalanacaq olduqca mühüm Bəyannamədə olduğu halda Dövlət başçılarının arxalarında görünən fon erməni vandalizmini, vəhşiliyini bir daha beynəlxalq aləmə nümayiş etdirirdi.

Şuşada imzalanan Bəyannamə iki ölkə arasındakı münasibətləri yeni mərhələyə yüksəltdi. Prezident cənab İlham Əliyev öz bəyanatında Türk dünyasının böyük Liderləri Mustafa kamal Atatürkün və Heydər Əliyevin kəlamlarını xatırladaraq qeyd etdi ki, XX əsrin əvvəllərində Mustafa Kamal Atatürk “Azərbaycanın sevinci sevincimiz, kədəri kədərimizdir” XX əsrin sonlarında Heydər Əliyev “ Türkiyə və Azərbaycan bir millət iki dövlətdir” söyləmişdirlər. Bu tarixi kəlamlar bizim fəaliyyətimiz üçün əsas amildir”. XXI əsrdə Prezident İlham Əliyev və Türkiyə Cumhuriyyətinin Prezidenti Rəcəb Tayib Ərdoğanın işğaldan azad edilmiş Şuşada Müttəfiqlik Bəyannaməsini imzalamaqla Türk dünyasının iki böyük öndərinə sadiq olduqlarını bir daha nümayiş etdirdilər eyni zamanda gələcək nəsillərə yol göstərmiş oldular.

Azərbaycan və Türkiyə iki qardaş, dost ölkələrdir. Bu dostluq, qardaşlıq əbədi, sarsılmaz və bütün dünya dövlətlərinə nümunədir. İmzalanan Bəyannamə iki qardaş ölkə arasında əməkdaşlığı gücləndirməklə yanaşı türk dövlətləri arasında əlaqələrin inkişafına böyük ölçüdə təkan verdi. İki ölkə arasında bütün sahələrdə, o cümlədən enerji təhlükəsizliyi, nəqliyyat, mədəniyyət, təhsil, ordu quruculuğu, iqtisadiyyat və digər olduqca əhəmiyyətli sahələrdə yeni müttəfiqlik əlaqələri quruldu. Bu da Azərbaycan Respublikası ilə Türkiyə Respublikası arasındakı əlaqələrin yeni mərhələyə yüksəldiyini nümayiş etdirir. İki dost və qardaş ölkənin birgə reallaşdırdıqları enerji layihələri bölgəyə sülh, sabitlik gətirir. Bu bir reallıqdır ki, imzalanmış Bəyannamdən irəli gələn öhdəliklərin yerinə yetirilməsi Azərbaycanın və Türkiyə arasındakı mövcud münasibətləri daha da möhkəmləndirir, eyni zamanda, iki ölkənin gücünün artmasını, dünyada söz və nüfuz sahibi olmasına təkan verir.

Beləliklə, Şuşa şəhərində Azərbaycan və Türkiyə arasında müttəfiqlik münasibətləri haqqında imzalanmış Şuşa Bəyannamə Azərbaycan – Türkiyə münasibətlərini ən yüksək zirvəyə qaldırmaqla yanaşı, eyni zamanda Bəyannamə ilə iki qardaş ölkənin möhkəmləndirdiyi münasibətlər regionda sülh və sabitliyin ən böyük təminatıdır.

Sahib Şükürov

Yeni Azərbaycan Partiyası Göyçay rayon təşkilatının sədri

Paylaş:

Baxılıb: 607 dəfə