Xalqına xor baxan...

Bakı:

23 °C

74 %

10 m/s

Əlaqə

AZ RU EN

Ana səhifə / Xəbər lenti / Xalqına xor baxan...

Xalqına xor baxan...

30.04.2024 [10:00]

Rediküllər Azərbaycanın uğurlarına sevinmir

2020-ci ildən başlayaraq ərazi bütövlüyümüzün təmini istiqamətində həyata keçirilən proses mühüm uğurları ilə seçilib. 44 günlük Vətən müharibəsində qazanılan qələbə nəticəsində 30 ilə yaxın işğal altında olan torpaqlarımız azad edilib. Ardından isə 2023-cü ilin sentyabrında reallaşan lokal antiterror tədbirləri nəticəsində suverenliyimiz bərpa olunub. 2024-cü ildən isə bölgədə yeni siyasi reallıqlar yaranıb - Ermənistanın aprel ayında 4 kəndin Azərbaycana qaytarılması ilə bağlı razılaşmaya imza atması ölkəmizin böyük uğuru kimi xarakterizə olunur.

Təbii ki, bu yeni reallıqların müəllifi olan Azərbaycan dövlətinin apardığı siyasi kurs həm daxili, həm də xarici arenada ölkəmizin nüfuzunun artmasını şərtləndirib. Təsadüfi deyil ki, dünyanın aparıcı dövlətləri, beynəlxalq təşkilatları ölkəmizin Cənubi Qafqazda yaratdığı yeni situasiyanın inkişafa və təhlükəsizliyə xidmət göstərdiyini bəyan edirlər. Hətta Avropa kontingenti, bütövlükdə Qərb Azərbaycanı bölgənin aparıcı dövləti, siyasi-iqtisadi lideri kimi qəbul edir.

Təəssüfləndirici haldır ki, Azərbaycanın əldə etdiyi bu uğurlar ölkə daxilindəki redikül müxalifəti və onların xaricdəki antimilli uzantılarını narahat etməkdədir. Xüsusilə də, Azərbaycanın praqmatik xarici siyasət kursunu hədəfə almağa çalışan rediküllər və onların əlaltıları sosial şəbəkələrdə müxtəlif yalanlar səsləndirir, manipulyasiyalara əl atırlar. Məsələn, AXCP sədri Əli Kərimli, onun yerli və xaricdəki əlaltıları Azərbaycanın artan beynəlxalq nüfuzunu və regionda yaranan yeni reallıqları qəbul edə bilmir və qazanılan nailiyyətlərə kölgə salmaq üçün çirkin təbliğat aparırlar. Bu məsələdə xüsusilə fərqlənən isə yenə də Kərimlinin “Fransadakı canlı kassası” sayılan Qənimət Zahiddir. Azərbaycanın uğurlarını həzm etməyən bu şəxs fərqli yalan və qərəzlə şər-böhtan kampaniyası aparmağa çalışır.

Əslində Qənimət Zahidin apardığı antimilli “təbliğat” onun əsl simasını ortaya qoyur - belə ki, son günlərdə Qərbin ənənəvi təzyiq metodu kimi istifadə etdiyi “insan hüquqları” məsələsinə yenidən “dönüş etməsi” onların bütün bəhanələrinin əllərindən çıxmasının göstəricisi sayılır. Q.Zahidin də sözü qutarmış aşıq kimi erməni lobbisinin böhtanlarını təkrarlaması onun kimliyindən xəbər verir. Fransadakı erməni lobbisinin Əli Kərimliyə ötürdüyü pulların əsas “keçid məntəqəsi” sayılan Q.Zahidin bu “mövzuya” xitab etməsi, ardından isə Əli Kərimlinin sosial şəbəkədəki trolllarının da yeni məzmuna müraciət etməsi bütün həqiqətlərin üzərinə işıq salır.

Xarici pullarla gözünü “kor” edən bu azsaylı dəstə Azərbaycanın uğuruna sevinmir - əksinə, Azərbaycanın ən qatı düşməni kimi mövqe sərgiləyir. Ölkəmizin bütün platformalarda əldə etdiyi nailiyyətlər, qələbələr isə onların əsas “hədəfidir”. Bu fakt bir daha redikül müxalifətin xislətini ortaya qoymaqdadır. Azərbaycanın apardığı uğurlu və çoxşaxəli xarici siyasət kursu beynəlxaq aləm tərəfindən dəstəkləndiyi halda, onların bu uğurları görməzdən gəlməsi onların təkcə dövlətə qarşı deyil, xalqa qarşı “müxalifətçiliyindən” xəbər verir...

MƏNSUR

Paylaş:

Baxılıb: 624 dəfə