"Kahramanmaraşda Azərbaycan prezidentini insanlar Qarabağ Fatehi deyə qarşıladılar"

Bakı:

3 °C

81 %

11 m/s

Əlaqə

AZ RU EN

Ana səhifə / Xəbər lenti / "Kahramanmaraşda Azərbaycan prezidentini insanlar Qarabağ Fatehi deyə qarşıladılar"

"Kahramanmaraşda Azərbaycan prezidentini insanlar Qarabağ Fatehi deyə qarşıladılar"

17.10.2025 [18:04]

Türkiyə–Azərbaycan birliyinin əhəmiyyəti Türk dünyasının bütövlüyü üçün də mənəvi əhəmiyyətə malikdir.

Bunu Türkiyənin Azərbaycandakı səfirliyinin mətbuat müşaviri Alptekin Cihangir İşbilir 18 Oktyabr – Azərbaycanın Müstəqilliyinin Bərpası Günü və 29 Oktyabr Türkiyə Respublikasının Cümhuriyyət Gününə həsr olunmuş “Azərbaycan və Türkiyə: tarixi əlaqələr, yeni qlobal çağırışlar” mövzusunda keçirilən beynəlxalq elmi-praktik konfransda deyib.

O, Türkiyə prezidenti Rəcəb Tayyib Ərdoğanın Şuşa Bəyannaməsini yol xəritəsi kimi qiymətləndirdiyini vurğulayıb:

“Bu bəyannamə Azərbaycan və Türkiyə arasında imzalanmış və içərisində müttəfiqlik sözünün əks olunduğu ilk sənəddir. Tarixdə mövcud olan Türk dövlətləri arasında heç vaxt Şuşa Bəyannaməsi qədər bütün məsələləri özündə əks etdirən bir sənəd imzalanmayıb. Türkiyə-Azərbaycan birliyinin cazibədarlığı Türk dünyasının bütövlüyü üçün də mənəvi əhəmiyyətə malikdir. Bu münasibətlər Türk dünyasının mənəvi, siyasi, mədəni münasibətlərinin lokomotividir”.

C.İşbilirin sözlərinə görə, Türkiyə ilə Azərbaycan arasında çoxvektorlu əməkdaşlığı bu bəyannamə daha da dərinləşdirir.

“Kahramanmaraşda Azərbaycan məhəlləsinin açılışına gedən Azərbaycan prezidentini orada insanlar Qarabağ Fatehi deyə qarşıladılar. Azərbaycan və Türkiyə mediasında bu məsələ həmin vaxt gündəm oldu. Yəni önəmli məsələlərin cəmiyyətin bütün təbəqələrinə ötürülməsi çox vacibdir. Şuşa Bəyannaməsi də iki ölkə arasındakı münasibətlər baxımından həmin önəmli məsələlərdəndir. Şuşa Bəyannaməsinin simvollarını çox yaxşı tanıtmaq lazımdır. Ümumiyyətlə, Türkiyədə Azərbaycanla bağlı məlumatlılığı mütləq artırmaq lazımdır. Buna ehtiyac var”, – o vurğulayıb. Alptekin Cihangir İşbilir çıxışında vurğulayıb ki, Türkiyə–Azərbaycan birliyi təkcə iki ölkə arasında strateji əməkdaşlıq deyil, eyni zamanda Türk dünyasının mənəvi və siyasi bütövlüyü üçün böyük əhəmiyyətə malikdir.

Onun sözlərinə görə, Türkiyə Prezidenti Rəcəb Tayyib Ərdoğan Şuşa Bəyannaməsini iki qardaş ölkə arasında münasibətlərin inkişafı üçün yol xəritəsi kimi dəyərləndirir:

“Şuşa Bəyannaməsi Azərbaycan və Türkiyə arasında imzalanan və içərisində ‘müttəfiqlik’ sözünü əks etdirən ilk sənəddir. Tarix boyu Türk dövlətləri arasında bu qədər geniş məzmunlu və hərtərəfli bir sənəd imzalanmayıb. Bu Bəyannamə iki ölkə arasındakı münasibətləri daha da dərinləşdirərək Türk dünyasının mənəvi və mədəni birliyinə güclü təkan verir.”

İşbilir qeyd edib ki, Şuşa Bəyannaməsi yalnız siyasi deyil, həm də ictimai və informasiya məkanında əlaqələrin möhkəmləndirilməsi baxımından əhəmiyyətli bir sənəddir:

“Kahramanmaraşda Azərbaycan məhəlləsinin açılışında Prezident İlham Əliyevi insanlar ‘Qarabağ Fatehi’ kimi qarşıladılar. Bu hadisə həm Türkiyə, həm də Azərbaycan mediasında geniş işıqlandırıldı. Bu da göstərir ki, önəmli məsələlərin cəmiyyətin bütün təbəqələrinə ötürülməsi vacibdir.”

O, həmçinin vurğulayıb ki, Türkiyədə Azərbaycanın tanıdılması və Şuşa Bəyannaməsinin simvollarının ictimaiyyətə daha dərindən çatdırılması istiqamətində fəaliyyətin gücləndirilməsinə ehtiyac var:

“Şuşa Bəyannaməsi iki ölkə arasında münasibətlərin simvoludur. Bu sənədin mahiyyətini, onun Türk dünyasının gələcəyi üçün daşıdığı mənəvi mesajı daha geniş auditoriyalara çatdırmaq lazımdır. Türkiyədə Azərbaycanla bağlı məlumatlılıq səviyyəsinin artırılması bu baxımdan mühüm vəzifədir.”

Beləliklə, Türkiyə–Azərbaycan birliyi yalnız regional əməkdaşlığın deyil, həm də Türk dünyasının birliyinin və gələcək inteqrasiyasının mənəvi lokomotivi kimi dəyərləndirilir.

Paylaş:

Baxılıb: 298 dəfə