“İdealist mübarizə” taktikası nədir?

Bakı:

24 °C

69 %

14 m/s

Əlaqə

AZ RU EN

Ana səhifə / Xəbər lenti / “İdealist mübarizə” taktikası nədir?

“İdealist mübarizə” taktikası nədir?

10.01.2024 [10:20]

MÜBARİZ

Ölkəmizin siyasi həyatında varlığı ilə yoxluğu bilinməyən redikül müxalifət üçün xarakterik olan bir cəhət var: AXCP sədri Əli Kərimlinin bütünlüklə inhisara aldığı bu kəsim bir qayda olaraq proseslərin yedəyində gedir və ölkə həyatında baş verən hadisələri əyri güzgüdən baxaraq dəyərləndirir. Redikül müxalifət özünün bu pis ənənəsinə “sadiqliyini” respublikamızda 2024-cü il fevralın 7-də keçiriləcək prezident seçkilərinə münasibətdə də ortaya qoyub.

Prezident, parlament, bələdiyyə seçkiləri hər bir siyasi partiya üçün bir sınaqdır. Seçkilərdə onlara siyasi proseslərdə özlərini təsdiqləmək, reytinq qazanmaq üçün şanslar yaranır. Dünya ölkələrinin təcrübəsinə nəzər saldıqda görürük ki, siyasi partiyalar seçki marafonuna illər boyunca davamlı hazırlıq görürlər və hansısa bir formatda keçiriləcək seçkilərin vaxtının elan olunmasını gözləyirlər. Etiraf edilir ki, seçkilərin 5 və yaxud 3 ildən bir keçirilməsinin onlar üçün hansısa bir önəmi yoxdur.

Ancaq bu fikirləri ölkəmizdəki redikül müxalifətə şamil etmək mümkün deyil. Bu düşərgədə cəm olanlar Əli Kərimlinin, Tofiq Yaqublunun və digərlərinin dili ilə bəyan ediblər ki, qarşıdan gələn seçkilərə qatılmayacaqlar. Ölkəmizdəki redikül müxalifətin “siyasi fəallığı” isə yalnız sosial şəbəkələrdə, xaricdəki azərbaycanafob dairələrin suflyorları qismində çıxış edən Qənimət Zahidin və Sevinc Osmanqızının internet televiziyalarında hiss olunur. Redikül müxalifətin xaç atası sayılan Əli Kərimli bəhs etdiyimiz TV-lərdən seçkilərə qatılmamalarının səbəbinin özüsayağı “izahını” verib: O, real müstəvidə deyil, hansısa absurd “idealist mübarizə” apardıqlarını və bu səbəbdən də seçkilərə qatılmadıqlarını ərz edib. “İdealist mübarizə” necə olur, görəsən? Bu mücərrəd “tezisin” izahını yəqin ki, ancaq Əli Kərimlinin özü verə bilər. Əslində isə redikül müxalifətin özünü siyasi proseslərdən təcrid etməsinin - bu dəfə Prezident seçkilərinə qatılmamasının səbəbi bəllidir. Əli Kərimli redikül müxalifətin qabında nəyin olduğunu yaxşı bilir. O anlayır ki, seçkilərə qatılmaq cəmiyyətdə dayağı olmayan rediküllərin növbəti ifşasına çevriləcək. Buna görə də sərt rəqabət tələb edən real mübarizə metodlarından geri çəkilərək mövcudluğunu və “fəaliyyətini” ancaq idealist, utopik bir mühitdə görür. Nə edək, əli kərimlilərə, tofiq yaqublulara və bütövlükdə, rediküllərə məhz belə “mübarizə” uyğundur...

Əli Kərimlini ilgiləndirən digər mühüm səbəb seçkilərin bir növ hesabat məqamı olması ilə bağlıdır. Onilliklərdir ki, redikül müxalifət başda Əli Kərimli olmaqla xaricdəki bəlli dairələri sağmal inək kimi sağır- onlardan külli miqdarda vəsaitlər alır. Təbii ki, həmin vəsaitlərin hesabatı da tələb olunur. Əli Kərimli Qərbə verdiyi hesabatlarında, əlbəttə ki, rəhbərlik etdiyi kəsimin hansısa fəaliyyətlər göstərdiyini yazır. Bu “fəaliyyətlərin” nəticələri real müstəvidə - seçkilərdə qazanılan səslərlə ölçülür. Əli Kərimli yaxşı anlayır ki, azərbaycanafob dairələrin tələb etdiyi səsləri seçkilərdə qazana bilməyəcəklər. Məhz buna görə də özüsayağı “idealist mübarizə” taktikasını seçib. Dünya praktikasında analoqu olmayan bu seçki taktikasının redikül müxalifətə növbəti dəfə başıaşağılıq gətirəcəyi isə şəksizdir...

Paylaş:

Baxılıb: 551 dəfə