“Erməni mətbəxi”nin ofisiantları...

Bakı:

22 °C

53 %

2 m/s

Əlaqə

AZ RU EN

Ana səhifə / Xəbər lenti / “Erməni mətbəxi”nin ofisiantları...

“Erməni mətbəxi”nin ofisiantları...

15.02.2024 [10:30]

Əli Kərimli region ölkələri ilə normal münasibətdən narahatdır

Fərqli xarici maraqların danışan dilinə və əlaltısına çevrilmiş redikül müxalifətin fəaliyyəti Azərbaycanın milli mənafeyinə zidd xarakter daşıyır. Qarabağ zəfəri ilə barışa bilməyən, həmrəyliyin və milli birliyin daha da gücləndirilməsinə, siyasi - iqtisadi sabitliyin qorunub saxlanmasına dözməyən azlıq ermənipərəst xarici mərkəzlərin apardığı anti-Azərbaycan kampaniyalarının “sınıq təkəri” olmaq üçün “səy göstərir. Belələri adını “müxalifət” qoysa da faktiki olaraq xalqa və dövlətçiliyə qarşı düşmən mövqedə dayanır və şəxsi mənfəətləri, ermənipərəst dairələrdən alacaqları maddi təminatı əsas “nəticə” hesab edirlər.

Məsələn, son prezident seçkilərinin ardından danışmağa söz tapmayan, prosesi ləkələmək üçün arqumenti olmayan AXCP sədri Ə. Kərimlinin və dəstəsinin sosial şəbəkələrdəki “fəallığı” birmənalı şəkildə Azərbaycanın müstəqil xarici siyasət kursuna qarşı yönəlib. Beynəlxalq statuslu bəzi təşkilatların ölkəmizin milli maraqları ilə üst-üstə düşməyən mövqeyinə qarşı çıxmağımız nədənsə Ə.Kərimlini “narahat edir”. Beləliklə maliyyə aldığı ünvanları ifşa edən Kərimli hətta region ölkələri ilə münasibətlərimizin normal olmasını belə qəbul etmir - onun “düşüncəsinə” görə, Azərbaycan region ölkələri ilə düşmən mövqedə dayanmalıdır. Bu amil isə bir daha Kərimlinin naşı “siyasətbaz”dan başqa bir şey olmadığını üzə çıxarır.

Bəli, son prezident seçkilərinin nəticələri seçkini müşahidə edən beynəlxalq təşkilatlar və dövlətlərin nümayəndələri tərəfindən şəffaf və ədalətli şəkildə qiymətləndirildi. Seçicilərin öz seçimini azad şəkildə etməsinə yaradılan müvafiq şərait bütün beynəlxalq ekspertlər tərəfindən etiraf olundu. Maraqlı xarici qüvvələrin oyuncağına çevrilmiş Əli Kərimli kimilər isə bu gün də ermənipərəst “mətbəx”lərdə hazırlanan yalanları yaymağa çalışır. Bu “fəaliyyət kursu” onların ənənəvi istiqamətləridir və Azərbaycan cəmiyyəti adıçəkilən ünsürlərin bu cür çirkin kampaniyaların tərkib hissəsinə çevrilməsinin hər zaman şahidi olub.

Amma bütün cəhdlər boşunadır. Azərbaycan cəmiyyəti onları birmənalı şəkildə qəbul etmir və son seçkilər bir daha göstərdi ki, xalqımız dövlətimizin inkişaf trayektoriyasını, strategiyasını və hədəflərini dəstəkləyir. Xalqın zəfərinə sevinməyən, xalqın iradəsi ilə razılaşmayanların yeri isə tarixin zibilliydir...

MƏNSUR

Paylaş:

Baxılıb: 514 dəfə