BMT-nin ikinci İqlim Dəyişikliyi Konfransı

Bakı:

28 °C

48 %

1 m/s

Əlaqə

AZ RU EN

Ana səhifə / Xəbər lenti / BMT-nin ikinci İqlim Dəyişikliyi Konfransı

BMT-nin ikinci İqlim Dəyişikliyi Konfransı

29.02.2024 [11:20]

COP 2 harada keçirilib?

Birləşmiş Millətlər Təşkilatının 1995-ci ildən etibarən hər il keçirilən İqlim Dəyişikliyi Konfranslarının əsas məqsədi iqlim dəyişikliyi ilə mübarizədə əldə edilmiş tərəqqini qiymətləndirməkdən ibarətdir. 1996-cı ilin 8-19 iyul tarixlərində İsveçrənin Cenevrə şəhərində baş tutan ikinci konfransda (COP2) da bu xüsusda, çoxsaylı məqamlara toxunuldu.

Ancaq Konfrans çərçivəsində baş tutan görüşlərdə 18 iyul 1996-cı ildə təklif edilən Nazirlər Bəyannaməsi təsdiqlənmədi. Bununla yanaşı, ABŞ Dövlət Katibinin Qlobal Məsələlər üzrə keçmiş müavini Tim Virt həmin görüşdə öz çıxışı zamanı ABŞ-ın mövqeyini ifadə etdi:

Əvvəla İqlim Dəyişikliyi üzrə Hökumətlərarası Panel (IPCC) tərəfindən təqdim edilən iqlim dəyişikliyinə dair elmi nəticələri qəbul etdi (1995), bundan başqa, çeviklik adı altında irəli sürülən vahid “uyğunlaşdırılmış siyasətləri” rədd etdi, eləcə də qanuni olaraq məcburi orta müddətli hədəflər üçün çağırış ünvanladı.

COP2-nin xülasəsi

Belə olduqda, Avstraliya nümayəndələri ilə fikirlər üst-üstə düşmədi. Çünki ABŞ-ın öz mövqeyində etdiyi bu dəyişikliklər Avstraliyanı təcrid vəziyyətinə salırdı.

1995-ci ildə Berlində BMTİDÇS çərçivəsində keçirilən Tərəflərin Birinci Konfransında (COP1) Avstraliyanın hədəflərə çatmaq üçün apardığı mübarizə, xərclərlə bağlı qeydləri, fərqliliklə bağlı çağırışı və inkişaf etmiş dövlət olduğu ilə bağlı məsuliyyəti dərk etməsi nəticəsində siyasət dəyişdi. Avstraliyanın idarəçilik sistemində olan axsaqlıqlar da 1996-cı ildə Cenevrədə keçirilən COP2-də yeni seçilmiş Hovard koalisiya hökuməti tərəfindən möhkəmləndirildi.

Bununla yanaşı, 1996-cı ildə Cenevrədə BMTİDÇS çərçivəsində həyata keçirilən COP2-də aparılan müzakirələr Avstraliyanın iqlim dəyişikliyi ilə bağlı aparılan tədbirlərdə özünün geridə qalan ölkə olduğunu qəbul etdiyibi göstərdi. Konfransdan bir qədər əvvəl hökumət iqlim dəyişikliyi elminin dəqiqliyinə dair bəzi şübhələrin olduğunu bildirdi. Həmçinin IPCC-nin iqlim dəyişikliyinin təsirləri ilə bağlı yeni nəticələri ortaya çıxara biləcəyi təklifinə qarşı çıxdı. Maraqlıdır ki, buna yalnız OPEC ölkələri və Rusiya Federasiyası qoşuldu. Lakin ən əsası, hökumətin Cenevrə danışıqlarındakı sabitliyinin səbəbi istixana qazları emissiyaları üçün qanuni olaraq məcburi hədəflərin müəyyən edilməsi ideyasına qarşı çıxmaq idi.

Sammitdə Avstraliyanın istixana qazı emissiyalarının insanlar üçün təhlükəli ola biləcəyindən təcili müdaxilənin labüd olduğu qeyd edildi. Ancaq Ətraf Mühit Naziri Senator Hill belıə bir tənzimləmə üçün qərar verməyin erkən olduğunu bildirdi. O qeyd etdi ki, əks təsirlərin qiymətləndirilməsi üçün nə elmi, nə də texniki səviyyədə inkişafa nail olunub.

Beləliklə, BMT-nin İqlim Dəyişikliyi Konfranslarının ikincisi hesab edilən COP2 əsasən təzadlı fikirlər və üst-üstə düşməyən müzakirələrlə yadda qaldı.

Günel ABBAS

Paylaş:

Baxılıb: 535 dəfə