Bob Menendes məhkəmə qarşısında

Bakı:

8 °C

93 %

0 m/s

Əlaqə

AZ RU EN

Ana səhifə / Analitik / Bob Menendes məhkəmə qarşısında

Bob Menendes məhkəmə qarşısında

16.05.2024 [11:00]

Ermənipərəst senatoru ciddi cəza gözləyir

N.BAYRAMLI

ABŞ Senatının Xarici Əlaqələr Komitəsinə rəhbərlik etmiş qatı ermənipərəst senator Bob Menendesin məhkəmə prosesi başlayıb. Əsasən korrupsiyada ittiham olunan senatorun məhkəmə prosesi bir neçə gün öncə münsiflərin seçimi ilə başlayıb. Dairə hakimi Sidney Steinin sözlərinə görə, məhkəmə iyunun sonu və ya iyulun əvvəlinə kimi davam edəcək.

Nyu-Cersi ştatı üzrə Demokratlar Partiyasından olan senator Bob Menendesə qarşı cinayət işi Nyu-Yorkda Manhetten Federal Məhkəməsi tərəfindən ötən ilin sentyabrında başladılıb. Bir ay sonra isə ittiham aktına Misir və Qətər hökumətləri üçün xarici agent qismində iştirak etməyə görə yeni maddələr əlavə olunub. Hələ ötən il “USA Today” nəşri Bob Menendes və onun həyat yoldaşı Nadine Arslanyana qarşı irəli sürülmüş ittihamlarla bağlı məqalə dərc etmişdi. Məqalədə ABŞ-ın federal prokurorlarının verdiyi məlumata əsasən bildirilirdi ki, sövdələşmə Menendesin Misir rəsmiləri ilə görüşləri və şam yeməyi zamanı əldə edilib. Belə ki, Misirin hökumətini təmsil edən rəsmilər ABŞ-ın silah satışı və maliyyələşdirilməyə yardım etməsini istəyiblər. Menendes və həmin vaxt hələ onun sevgilisi olan Nadine Arslanyan hər iki məsələdə yardım edə biləcəklərini vəd veriblər. Bunun müqabilində Nyu-Cersidən olan vasitəçi - Vael “Uill” Hana adlı misirəsilli sahibkar Arslanyana, guya kiçik və ya onun iştirak etməsi tələb olunmayan iş vəd edib. Bu təklif, prokurorluğun cütlüyü və Hananı Nyu-Cersi ştatının baş senatorundan Misir hökumətinin aktiv aləti kimi istifadə etmək üçün sövdələşmələrə dair ittihamnamədə araşdırılan hekayənin bir hissəsidir.

Artıq senator həyat yoldaşı Nadine Menendes və Nyu Cersidən olan 3 biznesmenlə birlikdə ittiham olunur. O rüşvət alma, dələduzluq, xarici agent qismində çıxış etmə və mane olmaq kimi ittihamlar da daxil olmaqla 16 cinayət maddəsi üzrə məhkəmə kürsüsünə çıxarılır. Münsiflər seçildikdən sonra ilk dinləmələrin keçirilməsi gözlənilir. Menendezin həyat yoldaşının isə iyul ayında məhkəməsi başlayacaq.

Daha əvvəl onun evində axtarış aparılan zaman 480 min dollardan çox pul, dəyəri 100 min dollardan çox olan 13 qızıl külçə və yaxınlıqdakı bankın seyfindən 80 min dollara yaxın pul aşkar edilib. Senator bununla ikinci dəfədir rüşvət məsələsinə görə məhkəmə qarşısına çıxarılır. İlk dəfə o, 2017-ci ildə həkimlə bərabər rüşvət almada iştirak etdiyinə görə məhkəməlik olmuşdu. Lakin münsiflər yekdil qərara gələ bilmədiyi üçün işə xitam verilmişdi.

Keçən ilin payızında həbs olunduqdan sonra Menendes Senatın Xarici Əlaqələr Komitəsinin sədri vəzifəsindən kənarlaşdırılıb. Bu payız keçiriləcək seçkilərdə o, Demokratlar Partiyasından namizədliyini irəli sürməyəcəyini bildirsə də, müstəqil namizəd kimi seçkilərə qatılacağını istisna etməyib.

Bob Menedes həm də Azərbaycana qarşı çıxışları və ermənipərəst mövqeyi ilə tanınır. Yeri gəlmişkən, Menendesin başına gələn bütün “macəralar” məhz onun ikinci evliliyindən sonra-erməni əsilli Nadine Arslanyanla “birləşəndən” sonra baş verib. “Arslanyan” soyadını Menendesə dəyişən Nadine Livan əsilli ermənidir. Bu evlilik Bob Menendesin yalnız şəxsi həyatını deyil, həm karyerasını, həm də bütövlükdə, düşüncələrini dəyişdi. Arslanyanla tanış olduqdan sonra rüşvətə, korrupsiyaya bulaşan, təmsil etdiyi dövlətin mənafeyinə zidd mövqe tutan, hətta rüşvət alaraq siyasi bəyanatlar verən Menendesin, ittihamlarda dövlət məmurlarının xarici qüvvələrin agenti kimi xidmət etməs qadağasını açıq şəkildə pozduğu qeyd olunub. Bütün bunlar təsdiqləyir ki, ermənipərəst senatoru ciddi cəza gözləyir.

Paylaş:

Baxılıb: 694 dəfə