Trampın neft nəhənglərinin rəhbərləri ilə görüşü gözlənilir

Bakı:

23 °C

64 %

3 m/s

Əlaqə

AZ RU EN

Ana səhifə / Analitik / Trampın neft nəhənglərinin rəhbərləri ilə görüşü gözlənilir

Trampın neft nəhənglərinin rəhbərləri ilə görüşü gözlənilir

10.01.2026 [09:15]

ABŞ Prezidenti Donald Tramp Venesuela neftinin gələcəyini müzakirə etmək üçün dünyanın aparıcı şirkətlərinin rəhbərlərini bir araya toplamağa hazırlaşır. AZƏRTAC xəbər verir ki, neft nəhənglərinin rəhbərlərinin Donald Tramp və Ağ Evin yüksəkvəzifəli rəsmiləri ilə görüşü gözlənilir. Görüşdə “Chevron”, “Exxon Mobil” və “ConocoPhillips” kimi şirkətlərinin rəsmilərinin iştirakı nəzərdə tutulur. Əsas müzakirə mövzuları arasında Venesuelada azalan investisiyalar və Qərb şirkətlərinin ölkədən çıxması səbəbindən ən aşağı səviyyəyə düşən neft hasilatını bərpa etmək imkanları var. Həmçinin görüşdə Venesuelanın hazırkı ehtiyaclarının dərəcəsi və neft şirkətlərinin bu ölkəyə təhlükəsiz şəkildə geri qayıtması üçün münbit şəraitin təmin olunması nəzərdən keçiriləcək.

Mənbələrə görə, İspaniyanın “Repsol” və Hindistanın “Reliance” şirkətinin rəhbərləri də görüşə dəvət olunub.

Qrenlandiyalıların 85 faizi amerikalı olmaq istəmir

Qrenlandiyalıların 85 faizi Danimarkada həyat səviyyəsinin daha yüksək olduğuna inandıqları üçün amerikalı olmaq istəmirlər. “Financial Times” qəzeti bu barədə “Verian” şirkəti tərəfindən aparılan sorğuya istinadla məlumat yayıb. Məlumata görə, qrenlandiyalıların əksəriyyəti ABŞ-dakı cinayətkarlıq və bahalı səhiyyə xidmətlərindən narahatdır. Nəşr ABŞ-ın Qrenlandiyanın 57 min sakininə könüllü olaraq Amerika vətəndaşlığına müraciət etdikləri təqdirdə onların hər birinə pasport və 1 milyon dollar təklif edə, İlon Maskın isə onlara “Tesla” elektromobili verə biləcəyi iddiasını irəli sürüb.

Qeyd edək ki, Donald Tramp dəfələrlə Qrenlandiyanın ABŞ-a birləşməli olduğunu bildirib. O, 2025-ci ilin may ayında “NBC News” telekanalına müsahibəsində Qrenlandiya məsələsinin həlli üçün güc tətbiqini istisna etməyib. Cari il yanvarın 6-da isə Ağ Ev yazılı açıqlamasında Qrenlandiya ilə bağlı planları şərh edərkən hərbi güc tətbiqinin həmişə Baş Komandanın ixtiyarında olduğunu vurğulayıb.

Vaşinqton və Kiyev razılaşdı

ABŞ administrasiyası və Kiyev rəsmiləri Ukrayna böhranının mümkün həllini nəzərdə tutan sülh planı ilə bağlı razılığa gəliblər. Bu barədə “Axios” portalı məlumat yayıb. Portalın məlumatına görə, Ağ Ev Trampın planının demək olar ki, bütün aspektləri üzrə Ukrayna ilə razılığa gəlib və indi Rusiya rəhbərliyindən bu təklifə aydın cavab almaq istəyir.

Daha əvvəl nəşr Rusiya Prezidentinin xarici ölkələrlə investisiya və iqtisadi əməkdaşlıq üzrə xüsusi nümayəndəsi Kirill Dmitriyevin Ukrayna və Avropa ölkələrinin nümayəndələri ilə ikigünlük danışıqlardan sonra Parisdə amerikalı Stiven Uitkoff və Cared Kuşnerlə görüşdüyü barədə məlumat vermişdi.

Nardar

Paylaş:

Baxılıb: 779 dəfə