“CBS News”: İranın inkişaf etmiş raket arsenalı Yaxın Şərqdəki ABŞ qoşunlarına problem yaradır

Bakı:

26 °C

59 %

3 m/s

Əlaqə

AZ RU EN

Ana səhifə / Arxiv / “CBS News”: İranın inkişaf etmiş raket arsenalı Yaxın Şərqdəki ABŞ qoşunlarına problem yaradır

“CBS News”: İranın inkişaf etmiş raket arsenalı Yaxın Şərqdəki ABŞ qoşunlarına problem yaradır

22.07.2026 [22:20]

“CBS News” telekanalının verdiyi məlumata görə, Tehranın Körfəz ölkələrinə və Amerika qoşunlarına zərbələri fonunda İranın inkişaf etmiş raket arsenalı Yaxın Şərqdə ABŞ qoşunları üçün problem yaradır.

AZƏRTAC xəbər verir ki, telekanalın məlumatına görə, İran raketləri hədəflərinə çatdıqda, bu, ABŞ və müttəfiqlərinin hava hücumundan müdafiə qüvvələrinin onları ya ələ keçirə bilməməsi, ya da vaxtında aşkar edə bilməməsi deməkdir.

Amerikanın iki əsgərinin ölümünə və birinin itkin düşməsinə səbəb olan İranın İordaniyadakı hərbi hava bazasına hücumundan sonra Dövlət katibi Marko Rubio bildirib: “Bir raket sızdı. Demək olar ki, bütün raketləri vurduq. Biri sızdı, bu, ürəkağrıdıcıdır”.

Materialda deyilir ki, bu, yeganə hadisə deyil. “CBS News”a görə, eyni bazaya son 48 saat ərzində iki dəfə zərbə endirilib və birbaşa zərbələr nəticəsində onlarla ABŞ əsgəri yaralanıb.

Telekanal qeyd edir ki, İranın dəqiq idarə olunan raketləri İordaniyada ABŞ raket müdafiə sistemlərinə dəfələrlə daxil olub. Raketlərin bazaya necə çatdığı sualına cavab verən ABŞ Mərkəzi Komandanlığının sözçüsü kapitan Tim Hokins Amerika və tərəfdaş qüvvələrin iyulun 17-də İranın qonşu Körfəz ölkələrinə atdığı onlarla raket və dronu məhv etdiyini deyib, lakin təəssüflə bildirib ki, onlardan bir neçəsi hədəfə çatıb.

Prezident Donald Tramp isə müdafiə uğursuzluğuna görə başqalarının da məsuliyyət daşıdığını irəli sürərək, hərbi bazada İran raketlərinin hədəfə çatmasına imkan verin operatorların olduğunu deyib. O, əlavə edib: “Dünyanın ən yaxşı avadanlıqları bizdədir. Amma işinizi başqalarının görməsinə icazə verdikdə, bəzən bu o qədər də yaxşı alınmır”. Tramp, həmçinin həmin operatorların kimlərdən ibarət olduğunu dəqiqləşdirməyib.

Pentaqon daha sonra təsdiqləyib ki, bu ay İordaniyadakı son ölümcül zərbə istisna olmaqla, Yaxın Şərqdə İranın hücumlarında təxminən 100 ABŞ hərbçisi yaralanıb.

Təqaüddə olan iordaniyalı general-leytenant Qasid Mahmud İranın hücumlarının artan effektivliyini təkmilləşdirilmiş raket texnologiyası ilə əlaqələndirib. O əlavə edib: “İranlılar radarın diqqətini yayındırmaq üçün sadə raketlərdən istifadə edirlər. Daha sonra daha keyfiyyətli raketlər atırlar və bu raketlər son 30 və ya 40 kilometrdə hədəflərini dəyişir”.

Paylaş:

Baxılıb: 144 dəfə