YAP Ağdam rayon təşkilatının XII konfransı keçirilib

Bakı:

24 °C

78 %

6 m/s

Əlaqə

AZ RU EN

Ana səhifə / Arxiv / YAP Ağdam rayon təşkilatının XII konfransı keçirilib

YAP Ağdam rayon təşkilatının XII konfransı keçirilib

14.09.2026 [14:51]

Sentyabrın 14-də Yeni Azərbaycan Partiyası (YAP) Ağdam rayon təşkilatının XII konfransı keçirilib.

Əvvəlcə xalqımızın Ümummilli Lideri Heydər Əliyevin abidəsi ziyarət edilib, abidənin önünə gül dəstələri düzülüb.

Tədbirdə Ulu Öndər Heydər Əliyevin, ölkəmizin ərazi bütövlüyü və suverenliyi uğrunda canlarından keçmiş şəhidlərin xatirəsi bir dəqiqəlik sükutla anılıb. Azərbaycan Respublikasının Dövlət Himni səsləndirilib.

Konfransda YAP Ağdam rayon təşkilatının sədri Mansur Quliyev hesabat məruzəsi ilə çıxış edib. Qeyd olunub ki, YAP Ağdam rayon təşkilatı ötən müddət ərzində qarşıya qoyulan vəzifələrin icrası istiqamətində fəaliyyətini ardıcıl olaraq davam etdirib. Yeni Azərbaycan Partiyasının 2021-ci il martın 5-də keçirilən VII qurultayından sonra partiyanın təşkilati strukturunun təkmilləşdirilməsi, ərazi partiya təşkilatlarının fəaliyyətinin səmərəli təşkili, üzvlərlə işin keyfiyyətinin artırılması və müasir çağırışlara uyğun fəaliyyət mexanizmlərinin formalaşdırılması istiqamətində ardıcıl tədbirlər həyata keçirilib.

Ağdam Rayon İcra Hakimiyyətinin başçısı Vaqif Həsənov çıxışında rayonda həyata keçirilən genişmiqyaslı sosial-iqtisadi layihələr, əhalinin sosial rifahının yüksəldilməsi və yaşayış şəraitinin yaxşılaşdırılması istiqamətində görülən işlər barədə danışıb. O vurğulayıb ki, ölkəmiz Prezident İlham Əliyevin rəhbərliyi ilə tərəqqi və Zəfər yolunda inamla irəliləyir, həyata keçirilən ardıcıl və məqsədyönlü dövlət siyasəti regionların hərtərəfli inkişafı üçün geniş imkanlar yaradır.

YAP Veteranlar Şurasının üzvü, Milli Məclisin deputatı Elman Məmmədov Ulu Öndər Heydər Əliyev tərəfindən əsası qoyulan Yeni Azərbaycan Partiyasının hər zaman xalqa xidmət prinsipini prioritet saydığını vurğulayıb. O, partiyanın Azərbaycanın davamlı inkişafının təmin edilməsində və dövlətçilik ənənələrinin möhkəmləndirilməsində roluna diqqət çəkib. Qeyd olunub ki, Prezident, Yeni Azərbaycan Partiyasının Sədri İlham Əliyevin rəhbərliyi ilə ölkəmiz misilsiz nailiyyətlərə imza atır.

9 saylı ərazi partiya təşkilatının sədri Xanım Əliyeva və 15 saylı ərazi partiya təşkilatının sədri Bəhram Qurbanov Yeni Azərbaycan Partiyasının ictimai-siyasi proseslərdə fəal mövqeyi ilə seçildiyini qeyd ediblər.

YAP Mərkəzi Aparatının Təşkilat şöbəsinin baş məsləhətçisi Rəşad Abbaszadə partiyanın VII qurultayından sonra görülən işlərdən və qarşıda duran əsas vəzifələrdən danışıb.

Konfransda YAP Ağdam rayon təşkilatının hesabat dövrü ərzindəki fəaliyyəti qənaətbəxş qiymətləndirilib və Yeni Azərbaycan Partiyasının VIII qurultayına nümayəndələr seçilib.

Sonda Yeni Azərbaycan Partiyasının Himni səsləndirilib.

Paylaş:

Baxılıb: 186 dəfə