Antiutopik əsər seçildi...

Bakı:

22 °C

64 %

5 m/s

Əlaqə

AZ RU EN

Ana səhifə / Ədəbiyyat / Antiutopik əsər seçildi...

Antiutopik əsər seçildi...

28.11.2023 [11:42]

“Buker”-in 2023-cü il üzrə qalibi bəlli oldu

Yeganə BAYRAMOVA

Dünyada yaradıcı adamlarının əməyinin qiymətləndirilməsi üçün çoxsaylı beynəlxalq mükafatlar təsis olunub. Həmin mükafatlardan biri Buker mükafatıdır. Mükafatın məbləği 50 min funt sterlinqdir. Əvvəllər iki ildən bir verilən mükafat, 2015-ci ildən etibarən ildə bir dəfə verilir. Bu mükafat yalnız Britaniya Birliyi ölkələrinə təqdim olunurdu.

2014-cü ildən isə mükafat beynəlxalq miqyasa çıxdı, istənilən ölkənin yazıçısı bu mükafatı almaq hüququ qazandı. Tək şərt isə əsərin ingilis dilində yazılması, ya da bu dilə mükəmməl tərcümə olunmasıdır.

Buker Mükafatı, yoxsa “Man Booker Prize”

1969-cu ildən 2002-ci ilə qədər Ədəbiyyat üzrə Buker Mükafatı kimi məşhur idi (“Booker Prize”). 2002-ci ildən mükafatın əsas sponsoru “Man Group” şirkəti oldu və mükafatın adı da avtomatik dəyişdi. Beləliklə, “Man Booker Prize “kimi təqdim edilməyə başlanıldı. Qalib gələn əsər pul mükafatı qazanan yazıçı və tərcüməçi arasında bölüşdürülür. Məbləğ 50.000 funt sterlinqdir (65.500 ABŞ dolları).

İlk Beynəlxalq Buker mükafatçısı alban şairi İsmayıl Kadar olub. Sonrakı laureatlar nigeriyalı Çinua Açebe (2007), kanadalı Elis Manro (2009) və amerikan ədəbiyyatının klassiki hesab olunan Filip Rot (2011) olublar. Bukerin bir neçə ölkədə də mükafatları var: Asiya Bukeri, Rus Bukeri və s.

“Peyğəmbər nəğməsi”

Nüfuzlu mükafatın 2023-cü il üzrə qalibi elan olunub. Qalib Londonda keçirilən mükafatlandırma mərasimində açıqlanıb. Qalib qısa siyahı əsasında seçilib. İrlandiyalı yazıçı Pol Linç antiutopik “Peyğəmbər nəğməsi” əsərinə görə 2023-cü ilin “Buker” mükafatına layiq görülüb. Antiutopiya totalitarizm məngənəsində olan İrlandiyanı hekayə edir. “Reuters”-in məlumatına görə, müəllifin sayca beşinci romanı Qərb demokratiyalarındakı çaxnaşma və onların Suriyadakı daxili partlayış kimi fəlakətlərə biganəliyini göstərməyə çalışır.

Əvvəllər İrlandiyanın “Sunday Tribune” qəzetinin film tənqidçisi olmuş Linç əsərində intensiv realizmlə antiutopiyanı gücləndirərək oxucuların totalitarizmi daha yaxşı anlamalarını istədiyini bildirib. Yazıçı qeyd edib: “Oxucunun dalışını o qədər dərinləşdirmək istəyirəm ki, kitabın sonuna doğru o, nəinki problemi başa düşsün, həm də onu hiss etsin”.

Beləliklə, Pol Linç “Buker” mükafatına layiq görülmüş üçüncü irlandiyalıdır. Ondan öncə Ayris Merdok, Con Benvill, Roddi Doyl və Enn Enrayt laureat olublar. 2018-ci ildə isə qalib şimali irlandiyalı yazar Anna Börns olub.

Qeyd edək ki, “Buker” mükafatının laureatları arasında Marqaret Etvud, Salman Rüşdi və Yan Martel kimi sənətkarlar var.

Paylaş:

Baxılıb: 699 dəfə