“Bakı-2015” birinci Avropa Oyunlarına qədər ticarət və xidmət obyektlərində quraşdırılan pos-terminalların sayı 95 minə çatdırılacaq

Bakı:

2 °C

69 %

11 m/s

AZ RU EN

Ana səhifə / İqtisadiyyat / “Bakı-2015” birinci Avropa Oyunlarına qədər ticarət və xidmət obyektlərində quraşdırılan pos-terminalların sayı 95 minə çatdırılacaq

“Bakı-2015” birinci Avropa Oyunlarına qədər ticarət və xidmət obyektlərində quraşdırılan pos-terminalların sayı 95 minə çatdırılacaq

10.02.2015 [09:56]

Fazil Məmmədov: Prezident İlham Əliyev tərəfindən Vergilər Nazirliyi qarşısında qoyulan mühüm vəzifələr, o cümlədən, iqtisadi plan var ki, nazirlik 2015-ci ildə bu plan üzrə fəaliyyətini davam etdirəcək
“Tərəfdaş ölkələrdə baş verən proseslər ölkə başçısı İlham Əliyevin dediyi kimi, heç də Azərbaycandan yan ötməyəcək. Buna baxmayaq, Azərbaycanın dövlət başçısı cənab İlham Əliyevin rəhbərliyi ilə həyata keçirilən iqtisadi siyasət bütün təsirləri minimuma endirmiş olacaq”. Bunu dünən “Yeni Azərbaycan” qəzetinin əməkdaşının sualına cavab olaraq vergilər naziri Fazil Məmmədov deyib.
Vergilər Nazirliyinin yaradılmasının 15 illik yubileyinə həsr olunmuş “Azərbaycanın vergi sistemi: reallıqlar və perspektivlər” IV Vergi Forumu çərçivəsində kütləvi informasiya vasitələrinin nümayəndələri üçün keçirdiyi brifinqdə nazir bildirib ki, eyni zamanda, vergi daxilolmaları ilə bağlı olan problem minimuma endiriləcək: “Prezident İlham Əliyev tərəfindən Vergilər Nazirliyi qarşısında qoyulan mühüm vəzifələr, o cümlədən, iqtisadi plan var ki, nazirlik 2015-ci ildə bu plan üzrə fəaliyyətini davam etdirəcək”.
Daşınmaz əmlakın alqı-satqısından əlavə dəyər vergisinin (ƏDV) tutulması ilə bağlı suala cavabında nazir qeyd edib ki, bu prosedur ölkə başçısının müvafiq Sərəncamına uyğun olaraq tənzimlənir: “Daşınmaz əmlakın alqı-satqısından ƏDV-nin tutulması əvvəllər də müvafiq qanunvericilikdə var idi. Sadəcə, bunun uçotu aparılmırdı. Bu gün isə bütün alqı-satqılar notarial qaydada rəsmiləşdirildiyi üçün və həmin notarial münasibətlər Prezidentin Sərəncamına əsasən Vergilər Nazirliyinə təqdim olunur. Artıq Vergilər Nazirliyində məlumat bazası var. Daşınmaz əmlakın alqı-satqısından ƏDV-nin tutulmasına ötən ilin əvvəlindən başlanılıb”.
Nazirin sözlərinə görə, əgər əmlakın satışından mənfəət əldə olunacaqsa bu zaman vergi tutulacaq. Əgər əmlak öz qiymətinə satılacaqsa, bu zaman əvvəlki qiymətlə əlavə dəyər vergisi ilə arasında olan fərqdən vergi hesablanacaq.
Brifinqdə nazir, həmçinin, bildirib ki, “Bakı-2015” birinci Avropa Oyunlarına qədər ticarət və xidmət obyektlərində quraşdırılan pos-terminalların sayı 95 minə çatdırılacaq: “2013-cü ilin yekunlarına görə pos-terminalların sayı 38 min ədəd təşkil edirdisə, hazırda 82 min ədəd aktiv fəaliyyətdə olan pos-terminal var. Avropa Oyunları başlayana qədər pos-terminalların sayı 95 minə çatdırılacaq. Bu məqsədlə, başda Mərkəzi Bank olmaqla kommersiya bankları ilə işləri davam etdiririk”.
NADİR

Paylaş:

Baxılıb: 1023 dəfə