"İlham Əliyev. İnkişaf - məqsədimizdir" çoxcildliyinin altıncı cildi çapdan çıxıb

Bakı:

27 °C

59 %

9 m/s

Əlaqə

AZ RU EN

Ana səhifə / Mədəniyyət / "İlham Əliyev. İnkişaf - məqsədimizdir" çoxcildliyinin altıncı cildi çapdan çıxıb

"İlham Əliyev. İnkişaf - məqsədimizdir" çoxcildliyinin altıncı cildi çapdan çıxıb

30.04.2011 [09:48]

“Azərbaycanın son 10 ildə və bu gün də bütün sahələrdə inkişafının əsas səbəbi məhz 1993-cü ildə Azərbaycan xalqının tutduğu, seçdiyi yoldur. Biz bu yola sadiqik. Bu siyasət davam etdirilir. Azərbaycan prezident seçkilərindən keçən dövr ərzində də bu yolla gedir. Xarici siyasətimiz də, eyni zamanda, ölkə daxilində islahatlar da həmin ümumi istiqamət çərçivəsində aparılır. Mən dəfələrlə demişəm ki, Azərbaycanda Heydər Əliyev siyasətinə alternativ yoxdur. Məhz bu siyasət Azərbaycanı çox parlaq gələcəyə aparacaqdır, ölkəmiz ildən-ilə güclənəcək, xalqımız ildən-ilə yaxşı yaşayacaqdır. Bu bizim siyasətimizin əsas vəzifəsidir. Mən bunu bəyan etmişəm və bu gün də bəyan edirəm ki, Azərbaycan vətəndaşları ildən-ilə daha yaxşı yaşamalıdırlar və yaşayacaqlar”.
AzərTAc xəbər verir ki, bu sözlər Azərbaycan Respublikasının Prezidenti İlham Əliyevin yenicə çapdan çıxmış “İnkişaf - məqsədimizdir” adlı çoxcildliyinin 6-cı cildindən, Naxçıvan şəhərindəki Heydər Əliyev adına orta məktəbin açılışı mərasimindəki nitqindən götürülüb.
Nəşrin buraxılışına məsul Azərbaycan Prezidenti Administrasiyasının rəhbəri, akademik Ramiz Mehdiyevdir.
Naxçıvan şəhərindəki Heydər Əliyev adına orta məktəbin istifadəyə verilməsi mərasimində Prezident İlham Əliyevin nitqi ilə açılan bu cilddə Ulu öndər Heydər Əliyev tərəfindən təməli qoyulmuş siyasətə, müstəqil Azərbaycan dövlətinin daha da qüdrətləndirilməsi üçün aparılan siyasi və iqtisadi islahatlara, dost və qonşu ölkələr arasında bütün sahələrdə qarşılıqlı faydalı əlaqələrin daha da möhkəmləndirilməsi və genişləndirilməsinə dair materiallar - nitqlər, çıxışlar, bəyanatlar, müsahibələr, məktublar, məruzələr, müraciətlər, fərmanlar əksini tapıb. Bu materiallar 2004-cü ilin sentyabrından oktyabrınadək olan dövrü əhatə edir.
Bu cilddə blokada şəraitində yaşayan Naxçıvan MR-də olduğu günlərdə ictimaiyyətin nümayəndələri, həmçinin, Afina yay olimpiya oyunlarında iştirak etmiş idmançılarla Prezidentin görüşlərinə dair materiallar verilib.
Kitabda Prezident İlham Əliyevin Fransaya, ABŞ-a, Qazaxıstana, Rumıniyaya rəsmi səfərləri barədə materiallar, bu ölkələrin dövlət və hökumət başçıları, siyasi xadimləri ilə söhbətləri və dərin məzmunlu nitqləri, kütləvi informasiya vasitələrinə müsahibələri dərc edilib.
Cilddə, həmçinin, Prezident İlham Əliyevin əsası Ulu öndər Heydər Əliyev tərəfindən qoyulmuş “Əsrin müqaviləsinin” 10-cu ildönümünə həsr olunmuş təntənəli mərasimdəki nitqi, Azərbaycanın iqtisadi inkişafından, beynəlxalq aləmdə artan nüfuzundan bəhs edən çıxışları, ölkəmizin ən ağrılı problemi olan Dağlıq Qarabağ münaqişəsinin nizama salınması ilə əlaqədar ATƏT və Avropa Şurası rəhbərləri ilə danışıqları yer alıb.
Yeni cilddə Azərbaycan ilə Bolqarıstan arasında bütün sahələrdə əməkdaşlığın daha da inkişaf etdirilməsinə dair imzalanmış sənədlər, Prezident İlham Əliyevin dünyanın görkəmli dövlət və hökumət başçılarına, beynəlxalq təşkilatlara, məşhur şəxsiyyətlərə məktubları, xarici nümayəndə heyətləri ilə görüşləri zamanı apardığı söhbətlərin mətni əksini tapıb.
Burada, həmçinin, Prezident İlham Əliyevin “Azərbaycan Respublikası regionlarının sosial-iqtisadi inkişafı Dövlət Proqramı”nın icrası ilə əlaqədar Bərdə rayonuna səfəri zamanı əhali ilə görüşlərində Azərbaycanın sürətli inkişafına, xalqımızın rifahı və tərəqqisi naminə aparılan geniş iqtisadi və siyasi islahatlara həsr olunmuş çıxış və nitqləri də verilib.
Bu nəşrdə dövlətimizin başçısının nitq və çıxışları ilə yanaşı, dünyanın nüfuzlu mətbuat orqanlarına verdiyi müsahibələri və bəyanatları da toplanıb.
Kitaba “Qeydlər”, “Şəxsi adlar göstəricisi”, “Coğrafi adlar göstəricisi” də daxil edilib.
“Azərnəşr” tərəfindən buraxılmış cildin hazırlanmasında Azərbaycan Dövlət Teleqraf Agentliyinin (AzərTAc-ın) materiallarından istifadə olunub.

Paylaş:

Baxılıb: 1449 dəfə