Cərimələrin sərtləşdirilməsi prosesi başa çatıb

Bakı:

11 °C

82 %

5 m/s

Əlaqə

AZ RU EN

Ana səhifə / Müsahibə / Cərimələrin sərtləşdirilməsi prosesi başa çatıb

Cərimələrin sərtləşdirilməsi prosesi başa çatıb

05.11.2009 [09:49]

Hüseyn Bağırov: Bakıda ağackəsən şəxslər təxminən 800-1500 manat civarında cərimə ödəməli olacaq
Ekologiya və təbii sərvətlər naziri Hüseyn Bağırovun SİA-ya eksklüziv müsahibəsi:
- Cənab Nazir, qarşıdan qış mövsümü gəlir və bu aylarda Azərbaycanda ağacların kəsilməsi halları daha çox olur. Bununla bağlı hansı tədbirlərin görülməsini nəzərdə tutmusunuz?
- Nazirlər Kabineti tərəfindən planlı surətdə qışa oduncaqların hazırlanması ilə bağlı müşavirə keçirilib. Müşavirə zamanı Ekologiya və Təbii Sərvətlər Nazirliyinə (ETSN) sözügedən məsələ ilə bağlı müvafiq göstərişlər verilib. Hesab edirik ki, ağacların qanunsuz kəsilməsinin qarşısı bu cür yol ilə alınmalıdır.
- Bəs, bu cür halların qarşısını almaq üçün cərimələrin miqdarı qaldırılacaqmı?
- Cərimələr meşələrlə bağlı deyil. Meşələrlə bağlı cərimələr hələ bir neçə il bundan əvvəl sərtləşdirilib. Bu dəfə meşə fonduna aid olmayan yaşıllıqlarla bağlı məsələ müzakirə olunub. Artıq bu məsələ yekun mərhələdədir. Yəni, bu vaxta qədər kəndlərdə, şəhərlərdə, yol kənarlarında meşə fonduna aid olmayan ağacların kəsilməsi ilə bağlı tətbiq edilən cərimələrin miqdarı az idi. Oduncağın qiyməti isə ümumiyyətlə, nəzərə alınmırdı. Bir neçə il bundan əvvəl, biz oduncağın da qiymətinin hesablanaraq qaldırılmasına nail olduq. Hazırda cərimələrin sərtləşdirilməsi prosesi başa çatıb. Məhz bunun nəticəsində Bakıda ağackəsən şəxslər təxminən 800-1500 manat civarında cərimə ödəməli olacaq.
- Siz Azərbaycan-Antarktika ekspedisiya qrupunun üzvü kimi Antarktikada səfərdə olmusunuz. Bu cür səfərlər yenə də olacaqmı?
- Biz bu istiqamətdə ciddi işləyirik ki, bu cür səfərlər azərbaycanlılar üçün adiləşsin, Azərbaycanın muzeylərində həmin yerlərdən gətirilən kolleksiyalar saxlanılsın və dünyada dərc olunan kitablarda azərbaycanlıların adları olsun. ümid edirəm ki, yaxın vaxtlarda bu kimi yerlərə növbəti səfərlərimiz olacaq. Onu da deyim ki, Antarktikaya səfərimizlə bağlı 3 cildlik kitab hazırlanır. Kitabın I cildində Antarktikadan gətirilən geoloji materialların təhlili, II cild hidrometroloji məlumatların təhlili, iqlim dəyişmələri və bu dəyişmələrin kontekstində Antarktika prosesləri və III cild isə Antarktika yürüşünün gündəliyi, psixoloji hisslərin və müşahidələrin təhlili, fotoşəkillər və digər məlumatlar yer alıb.
- Bəs Klimancaro dağına ekspedisiyanızla əlaqədar kitab hazırlanacaqmı?
- Oradan daha zəngin materiallar gətirilib və hazırda bu istiqamətdə iş aparılır. Kolleksiya nəfis şəkildə formalaşdıqdan sonra onun ya Milli Geologiya Muzeyinə, ya da Bakı Dövlət Unversitetinin Geologiya və Biologiya muzeyinə verilməsi planlaşdırılıb.

Paylaş:

Baxılıb: 1319 dəfə