Ankarada “Türkiyə-Azərbaycan əlaqələri: qardaşlıq və strateji tərəfdaşlıq” mövzusunda beynəlxalq simpozium keçirilib

Bakı:

24 °C

88 %

3 m/s

AZ RU EN

Ana səhifə / Siyasət / Ankarada “Türkiyə-Azərbaycan əlaqələri: qardaşlıq və strateji tərəfdaşlıq” mövzusunda beynəlxalq simpozium keçirilib

Ankarada “Türkiyə-Azərbaycan əlaqələri: qardaşlıq və strateji tərəfdaşlıq” mövzusunda beynəlxalq simpozium keçirilib

26.05.2017 [09:51]

Avrasiya İqtisadi Əlaqələr Dərnəyi (EkoAvrasya) və Pursaqlar Bələdiyyəsinin birgə təşkilatçılığı ilə ‘’Türkiyə-Azərbaycan əlaqələri: qardaşlıq və strateji tərəfdaşlıq’’ mövzusunda beynəlxalq simpozium keçirilib. Tədbirdə 400-dən çox qonaq iştirak edib.
Qeyd edək ki, ekspertlər Azərbaycan və Türkiyə ilə bağlı Ankarada tədbirin yüksək səviyyədə təşkil edildiyini bildiriblər. Tədbirdə öncə Azərbaycanın tanıdılması ilə bağlı videoçarx göstərilib. Sonra Avrasiya İqtisadi Əlaqələr Dərnəyi başqanı Hikmet Eren çıxış edərək iki qardaş ölkə arasında əlaqələrin inkişafı istiqamətində bundan sonra da tədbirlərin davam edəcəyini bildirib.
Pursaqlar Bələdiyyəsinin başqanı Selçuk Çetin Türkiyə və Azərbaycanı “bir ananın iki oğlu” kimi dəyərləndirib. Selçuk Çetin Türk dünyasının məşhur şairi Bəxtiyar Vahabzadənin Azərbaycan-Türkiyə şeirindən bir bənd səsləndirib. S.Çetin çıxışında bu gün iki qardaş ölkənin beynəlxalq arenada uğurlu mövqe sərgilədiyini söyləyib.
Azərbaycan Respublikasının Türkiyə Respublikasındakı səfiri Faiq Bağırov Türkiyə-Azərbaycan diplomatik əlaqələrinin qurulmasının 25 illiyinin tamam olduğunu iştirakçıların diqqətinə çatdırıb.
“Ümummilli lider Heydər Əliyev tərəfindən 1992-ci ildə Naxçıvanda “Ümid” körpüsünün açılması iki qardaş ölkə arasında birlik və qardaşlıq simvoluna çevrildi. Tədbirin təşkilatçıları EkoAvrasiya və Pursaqlar bələdiyyəsinə yüksək səviyyədə keçən tədbirə görə təşəkkür edirəm”, - deyə səfir bildirib.
Millət vəkili Elman Nəsirov isə tədbirin Azərbaycan və Türkiyə üçün mühum əhəmiyyət kəsb etdiyini qeyd edib: “İki ölkənin liderləri arasında səmimi dostluq və qardaşlıq münasibəti var”.
Millət vəkili Qənirə Paşayeva artıq Türk dünyası məsələsində mən, siz yox, biz mövqeyindən yanaşmağın vacibliyini bildirib.
“Ümummilli lider Heydər Əliyevin bir millət, iki dövlət sözləri münasibətlərimizin əsas xəttini təşkil edir”, - deyə Q.Paşayeva əlavə edib.
Manisa millət vəkili Selçuk Özdağ Azərbaycan və Türkiyə əlaqələrinin inkişafının Qafqaz bölgəsi üçün strateji önəm daşıdığını bəyan edib.
Türkiyə müdafiə nazirinin müavini Şuay Alpay Azərbaycanın Türk dünyası üçün hansı önəm kəsb etdiyini ana babası əslən Gəncədən olan Məmməd Qasımdan eşitdiyini diqqətə çatdırıb.
Antalya AKEV Universitetinin rektoru, EkoAvrasiyanın Akademik Qurumunun başqanı Hayati Aktaş, Ahmet Yasəvi Beynəlxalq Türk-Qazax Universitetinin iclas başqanı Musa Yıldız, Türkiyə Böyük Millət Məclisinin üzvləri İbrahim Aydemir, Mehmet Altay, Talip Küçükcan, sabiq millət vəkili, EkoAvrasiyanın məsləhət qurumunun başqanı Feramuz Üstün, İraq parlamentinin sabiq deputatı Fevzi Terzioğlu, siyasi analitiklər Cavid Vəliyev, Araz Aslanlı, Toğrul İsmayıl, Can Ünvar, Elnur Əliyev, Volkan Özdemir, Yalçın Sarıkaya, Salih Yılmaz və başqaları Türkiyə-Azərbaycan münasibətləri mövzusunda məruzələr ediblər.
Tədbirlər çərçivəsində Pursaq Bələdiyyəsində Qarabağ parkının açılışı olub. Eyni zamanda mərhum Xalq şairi Zəlimxan Yaqubun xatirəsinə həsr olunmuş tədbir keçirilib.

Paylaş:

Baxılıb: 550 dəfə