Azərbaycan dünyada etibarlı tərəfdaş kimi tanınır

Bakı:

21 °C

83 %

2 m/s

Əlaqə

AZ RU EN

Ana səhifə / Siyasət / Azərbaycan dünyada etibarlı tərəfdaş kimi tanınır

Azərbaycan dünyada etibarlı tərəfdaş kimi tanınır

25.08.2017 [10:08]

Ölkəmizin daxili və xarici siyasətdə əldə etdiyi uğurlar nüfuzlu xarici ekspertlərin də diqqət mərkəzindədir

Koreya Milli Assambleyasının üzvü Li Yu-Yanq: Azərbaycanda iqtisadiyyatın şaxələndirilməsi istiqamətində həyata keçirilən islahatları yüksək qiymətləndirmək lazımdır

Arye Qut: İsrail dünyada Azərbaycan neftinin əsas alıcılarından biridir

Məlum olduğu kimi, Azərbaycan beynəlxalq münasibətlər sistemində güclü və nüfuzlu dövlət kimi tanınır. Ölkəmizin inkişafının, əldə etdiyi nailiyyətlərin əsasında isə uğurla, uzaqgörənliklə reallaşdırılan praqmatik daxili və xarici siyasət kursu dayanır. Respublikamız xarici siyasi əlaqələrini, siyasi, iqtisadi, hərbi, humanitar və digər sahələrdə müttəfiqlərini, əməkdaşlıq etdiyi ölkə və beynəlxalq təşkilatları özü seçir. Prezident İlham Əliyevin bildirdiyi kimi, Azərbaycan bu gün nəinki bölgə çərçivəsində, artıq dünya miqyasında etibarlı tərəfdaş, müstəqil, ləyaqətli ölkə kimi özünü təqdim edib.
Beləliklə, Cənubi Qafqaz geosiyasi məkanında lider dövlət kimi çıxış edən ölkəmiz özünün çoxvektorlu və balanslaşdırılmış xarici siyasət strategiyası ilə həm ikitərəfli münasibətlər kontekstində, həm də çoxşaxəli əlaqələr fonunda yerləşdiyi regionun inkişafına mühüm töhfələr verir. Azərbaycanın fəal xarici siyasəti, həmçinin davamlı inkişafı onu siyasi, iqtisadi və mədəni cəhətdən nəinki regional, hətta qlobal mərkəzə çevirməkdədir.
Daha dəqiq desək, regionun siyasi, iqtisadi və humanitar mərkəzi kimi çıxış edən ölkəmiz sivilizasiyalararası dialoqun inkişafına əhəmiyyətli töhfələr verməklə yanaşı, mühüm siyasi, iqtisadi, mədəni və humanitar xarakterli beynəlxalq tədbirlərə ev sahibliyi edir. Paytaxt Bakının bir çox nüfuzlu beynəlxalq tədbirlərə ev sahibliyi etməsi Azərbaycanın beynəlxalq inteqrasiya prosesində uğurla iştirak etməsindən xəbər verir.
Yeri gəlmişkən, ölkəmizin daxili və xarici siyasətdə əldə etdiyi uğurları beynəlxalq səviyyəli nüfuzlu şəxslər, ayrı-ayrı dövlətlərin nümayəndələri də vurğulayırlar. Məsələn, bu yaxınlarda ölkəmizdə səfərdə olan Koreya Milli Assambleyasının üzvü Li Yu-Yanq bildirib ki, Koreya istehsalı olan texnologiyalar Azərbaycanın sərvətləri ilə birləşəndə böyük uğurlar əldə etmək mümkündür: “Azərbaycanda iqtisadiyyatın şaxələndirilməsi istiqamətində həyata keçirilən islahatları yüksək qiymətləndirmək lazımdır. Koreya şirkətlərinin Azərbaycanda fəaliyyəti üçün əlverişli şərait yaradılıb”.
İsrailli politoloq Arye Qut isə deyib ki, İsrail Azərbaycanın ərazi bütövlüyünə hörmət etdiyini dəfələrlə bildirib: “İsrail dünyada Azərbaycan neftinin əsas alıcılarından biridir. Azərbaycan da, öz növbəsində, kənd təsərrüfatı, hərbi sənaye, telekommunikasiyalar sahəsində İsrailin müasir yüksək texnologiyalarına ehtiyac duyur. Bu ölkələr təhsil, humanitar və mədəni layihələr həyata keçirirlər. Öz dostlarını və tərəfdaşlarını özləri seçir və hərbi-texniki sahədə strateji əməkdaşlığın səviyyəsini məhz bu ölkələr özləri müəyyən edir”.
Göründüyü kimi, ayrı-ayrı ölkələrin nüfuzlu şəxsləri ölkəmizdə həyata keçirilən siyasəti yüksək qiymətləndirməklə yanaşı, Azərbaycanın regionda və bütövlükdə beynəlxalq müstəvidə rolunu əhəmiyyətli hesab edirlər. Bu fakt isə bir daha ölkəmizin beynəlxalq miqyasda etibarlı tərəfdaş və dövlət olduğunu təsdiqləyir.
Nardar BAYRAMLI

Paylaş:

Baxılıb: 602 dəfə