Azərbaycan Milli Məclisi ilə Sankt-Peterburq Qanunvericilik Məclisi arasında protokol imzalanıb

Bakı:

23 °C

64 %

3 m/s

Əlaqə

AZ RU EN

Ana səhifə / Siyasət / Azərbaycan Milli Məclisi ilə Sankt-Peterburq Qanunvericilik Məclisi arasında protokol imzalanıb

Azərbaycan Milli Məclisi ilə Sankt-Peterburq Qanunvericilik Məclisi arasında protokol imzalanıb

23.09.2017 [10:50]

Sentyabrın 22-də Milli Məclisin sədri Oqtay Əsədov ölkəmizdə səfərdə olan Sankt-Peterburq Qanunvericilik Məclisinin sədri Vyaçeslav Makarovun başçılıq etdiyi nümayəndə heyəti ilə görüşüb.
AZƏRTAC xəbər verir ki, parlamentin sədri bu səfərin ikitərəfli münasibətlərin inkişafına təkan verəcəyinə əminliyini ifadə edib. Sankt-Peterburqla bağlı xoş təəssüratlarını bölüşən Oqtay Əsədov cari ilin martında bu şəhərə səfəri zamanı keçirdiyi görüşləri xatırladıb.
Bildirilib ki, Azərbaycan ilə Rusiya arasında əlaqələr dərin tarixi köklərə malikdir. Dövlət başçılarının mütəmadi görüşləri, aparılan danışıqlar əməkdaşlığın yüksələn xətlə inkişafında böyük rol oynayır. Rusiya Federasiyasının subyektləri ilə də əlaqələrin qurulması əməkdaşlığın dərinləşməsində xüsusi əhəmiyyət kəsb edir.
Sədr qeyd edib ki, bu gün ölkələrimiz arasında müxtəlif sahələrdə 200-dən çox dövlətlərarası və hökumətlərarası sənəd imzalanıb. Ticari-iqtisadi əlaqələrin daha da genişləndirilməsi üçün böyük potensial imkanlar mövcuddur. Sosial, mədəni, humanitar sahələrdə də qarşılıqlı münasibətlər dinamik inkişaf edir. Bildirilib ki, Azərbaycanda rus mədəniyyətinə və dilinə həmişə hörmətlə yanaşılıb. Xalqlarımız arasında əlaqələrin möhkəmlənməsində diaspor təşkilatları üzərlərinə düşən vəzifələri layiqincə yerinə yetirirlər.
Sankt-Peterburq Qanunvericilik Məclisinin sədri Vyaçeslav Makarov bildirib ki, dövlətlərarası münasibətlərin möhkəmlənməsində Ulu öndər Heydər Əliyevin, Onun layiqli davamçısı Prezident İlham Əliyevin verdiyi töhfələr mühüm əhəmiyyət kəsb edir. O, Milli Məclisin sədri Oqtay Əsədovun ictimai-siyasi fəaliyyətini, iki ölkə arasında əlaqələrin inkişafında göstərdiyi səyləri dövlətçilik baxımından yüksək dəyərləndirib.
Qonaq Rusiya ilə Azərbaycan arasında müxtəlif sahələrdə əməkdaşlığın dinamik inkişaf etdiyini deyib. Ölkəmizdə rus dilinin qorunması istiqamətində görülən işləri təqdir edib. Bunun dostluq və əməkdaşlıq bağlarının möhkəmlənməsində əhəmiyyəti barədə danışıb. Diqqətə çatdırılıb ki, Rusiyada yaşayan çoxsaylı millətlər arasında Azərbaycan diasporu özünəməxsus yer tutur.
Söhbət zamanı parlamentlər səviyyəsində əməkdaşlığın daha da dərinləşməsi, iqtisadi, humanitar, təhsil sahələrində əlaqələrin genişləndirilməsi və tərəfləri maraqlandıran digər məsələlər barədə fikir mübadiləsi aparılıb.
Görüşdə parlament Aparatının rəhbəri Səfa Mirzəyev, Rusiya ilə parlamentlərarası əlaqələr üzrə işçi qrupunun başçısı, Milli Məclisin komitə sədri Əli Hüseynli, MDB-nin Parlamentlərarası Assambleyasında Milli Məclisin daimi nümayəndəsi Aydın Cəfərov, Azərbaycanın Sankt-Peterburqdakı baş konsulu Sultan Qasımov və digər rəsmi şəxslər iştirak ediblər.
Sonda “Azərbaycan Milli Məclisi və Sankt-Peterburq Qanunvericilik Məclisi arasında danışıqların yekunlarına dair” Protokol imzalanıb.

Paylaş:

Baxılıb: 616 dəfə