Sübut Əsədov: Ali Baş Komandanın qətiyyətli siyasəti sayəsində ordumuz torpaqlarımızın işğaldan azad edilməsi istiqamətində ciddi uğurlar əldə edib

Bakı:

27 °C

51 %

1 m/s

AZ RU EN

Ana səhifə / Siyasət / Sübut Əsədov: Ali Baş Komandanın qətiyyətli siyasəti sayəsində ordumuz torpaqlarımızın işğaldan azad edilməsi istiqamətində ciddi uğurlar əldə edib

Sübut Əsədov: Ali Baş Komandanın qətiyyətli siyasəti sayəsində ordumuz torpaqlarımızın işğaldan azad edilməsi istiqamətində ciddi uğurlar əldə edib

01.10.2020 [09:20]

“Ermənistan silahlı qüvvələrinin növbəti təxribatına cavab olaraq Azərbaycan Ordusunun əks-hücum əməliyyatına başlaması ölkə vətəndaşları tərəfindən böyük ruh yüksəkliyi ilə qarşılanıb. Məhz Ali Baş Komandan İlham Əliyevin qətiyyətli siyasəti sayəsində ordumuz torpaqlarımızın işğaldan azad edilməsi istiqamətində ciddi uğurlar əldə edib”.
Bunu Azərbaycan Respublikaçılar Partiyasının sədri Sübut Əsədov deyib.
Prezident İlham Əliyevin Azərbaycan xalqına müraciətinə diqqət çəkən S.Əsədov bildirib ki, Ali Baş Komandan düşmənin planlaşdırılmış təxribatı haqqında ölkə ictimaiyyətinə məlumat verib və Azərbaycanın qəti mövqeyini ortaya qoyub: “Dövlət başçısı həm televiziya ilə xalqa müraciətində, həm də Təhlükəsizlik Şurasının iclasındakı çıxışında çox ciddi məqamlara toxunub. Azərbaycan Ordusunun uğurlu əks-hücum əməliyyatı apardığını qeyd edən Prezidentimiz Azərbaycan xalqının öz dövlətinə sadiqliyini də xüsusi vurğulayıb. Bütün bunlar onu deməyə əsas verir ki, ölkədə xalq-iqtidar birliyi mövcuddur. Buna görə də torpaqlarımızın azad edilməsi istiqamətində aparılan əməliyyatların qələbə ilə nəticələnəcəyinə şübhə yoxdur”.
S.Əsədov deyib ki, aparılan əks-hücum əməliyyatlarına və ölkəmizin ərazi bütövlüyü uğrunda mübarizəyə 50 siyasi partiya tərəfindən dəstək göstərilməsi isə milli birliyə və həmrəyliyə töhfə vermək baxımından mühüm əhəmiyyət daşıyır: “Azərbaycan cəmiyyətinin bütün təbəqələri həmrəylik nümayiş etdirir, o cümlədən siyasi partiyalar birmənalı olaraq Ali Baş Komandanın torpaqlarımızın azad edilməsi yönündə yürütdüyü siyasəti dəstəkləyir. Ölkənin əksər siyasi partiyalarının birgə bəyanatına qoşulmayanlar isə torpaqlarımızın düşmən tapdağına düşməsinə cavabdeh olanlardır. Xalqın səfərbər olduğu, Azərbaycan Ordusunun şəhid verərək torpaqlarımızı azad etdiyi indiki dövrdə onların belə bir mövqe sərgiləmələri təəssüf doğurur. Prezidentin Təhlükəsizlik Şurasının iclasındakı çıxışında da dediyi kimi, Qarabağ torpaqlarının itirilməsinin səbəbkarı AXCP və Müsavat Partiyasıdır. Məhz onların hakimiyyəti dövründə torpaqlarımız işğal altına düşüb. Azərbaycan dövlətinin vaxtilə onların buraxdığı səhvlərin aradan qaldırılması ilə məşğul olduğu dövrdə həmin partiyalar bütün siyasi iddialarını bir kənara qoyub, məsuliyyəti dərk etmək, birlik nümayiş etdirmək əvəzinə bu işə mane olmağa çalışırlar. Bu da xalqımız tərəfindən kəskin qınağa səbəb olur”.
Partiya sədrinin sözlərinə görə, indiki dövrdə cəmiyyətimizdə siyasi həmrəyliyin nümayiş etdirilməsi Azərbaycanın ərazi bütövlüyünün təmin edilməsi üçün olduqca vacibdir: “Azərbaycan dövləti də, dövlətimizin başçısı da buna çalışır. Prezident İlham Əliyev tərəfindən son illərdə aparılan islahatlar yeni siyasi konfiqurasiyanın formalaşmasını şərtləndirib. Bu kontekstdə siyasi partiya liderləri ilə görüşlərin keçirilməsi ölkədə siyasi dialoqun genişlənməsində böyük rol oynayıb. Məhz siyasi dialoqun daha da dərinləşdirilməsi milli həmrəyliyin gücləndirilməsində mühüm amil olub. Belə ki, bu istiqamətdə atılan addımlar bu gün 50 partiyanın milli məsələdə həmrəylik ortaya qoymasına gətirib çıxarıb”.
Qaşqay ZİYƏDDİNOĞLU

Paylaş:

Baxılıb: 391 dəfə