Azərbaycanın və Türkiyənin müdafiə nazirləri “Qış təlimi-2021” birgə təlimləri çərçivəsində keçirilən təqdimatda çıxış ediblər

Bakı:

19 °C

82 %

3 m/s

AZ RU EN

Ana səhifə / Siyasət / Azərbaycanın və Türkiyənin müdafiə nazirləri “Qış təlimi-2021” birgə təlimləri çərçivəsində keçirilən təqdimatda çıxış ediblər

Azərbaycanın və Türkiyənin müdafiə nazirləri “Qış təlimi-2021” birgə təlimləri çərçivəsində keçirilən təqdimatda çıxış ediblər

12.02.2021 [09:25]

Azərbaycan Respublikasının müdafiə naziri general-polkovnik Zakir Həsənov və Türkiyə Respublikasının milli müdafiə naziri Hulusi Akar qardaş ölkənin Qars vilayətində keçirilən “Qış təlimi-2021” birgə təlimləri çərçivəsində fevralın 11-də “Ali müşahidəçi günü”ndə iştirak ediblər.
AZƏRTAC xəbər verir ki, mərasimdə müdafiə nazirlərinin çıxışları dinlənilib.
Ümummilli Lider Heydər Əliyevin “Bir millət, iki dövlət” ifadəsini xatırladan Zakir Həsənov diqqətə çatdırıb ki, Azərbaycan Prezidenti İlham Əliyev ilə Türkiyə Prezidenti Rəcəb Tayyib Ərdoğanın dostluq və qardaşlıq münasibətləri qardaş ölkələrimiz arasındakı əlaqələrin daha da möhkəmlənməsini təmin edir. Bütün sahələri əhatə edən əlaqələrimiz hərbi əməkdaşlığın da genişləndirilməsi üçün ciddi zəmin yaradıb.
“Qış təlimi-2021” birgə təlimlərinin uğurla keçirildiyini diqqətə çatdran Azərbaycan müdafiə naziri bildirib ki, təlimlərdə qarşıya qoyulan tapşırıqlar uğurla yerinə yetirilib. Bu, bir daha əminlik yaradıb ki, təlimlərə cəlb edilən şəxsi heyət döyüş tapşırıqlarını icra etməyə tam hazırdır. Bu təlimlər, eyni zamanda, bütün dünyaya Azərbaycan və Türkiyə Silahlı Qüvvələrinin hər bir vəzifəni birgə icra etməyə hazır və qadir olduğunu nümayiş etdirib.
Türkiyə Silahlı Qüvvələrinin dünyanın ən qüdrətli ordularından olduğunu diqqətə çatdıran general-polkovnik Zakir Həsənov vurğulayıb ki, bu təcrübədən bəhrələnmək Azərbaycan üçün mühüm əhəmiyyət kəsb edir.
Azərbaycanın 44 günlük müharibədə Ermənistanı məğlub edərək işğala son qoyduğunu xatırladan nazir Zakir Həsənov bildirib ki, qardaş Türkiyə Vətən müharibəsi zamanı siyasi, mənəvi və diplomatik dəstəyi ilə hər zaman yanımızda olub. Azərbaycan və Türkiyə hərbçilərinin Bakıda keçirilmiş Zəfər Paradında birgə iştirakı dostluğumuzun və qardaşlığımızın əbədi olmasının nümunəsidir.
Qardaş ölkənin milli müdafiə naziri Hulusi Akar Azərbaycanı təmsil edən hərbi heyəti böyük səmimiyyətlə salamlayaraq deyib ki, Türkiyənin və Azərbaycanın Silahlı qüvvələri müasir avadanlıq və peşəkar şəxsi heyətlərinin iştirakı ilə qışda, yayda, eləcə də çətin dağ şəraitində quruda, dənizdə, havada hər cür tapşırıqları yerinə yetirməyə qadir olduqlarını nümayiş etdiriblər. İki qardaş ölkə arasında hərbi sahəni əhatə edən əməkdaşlıq çoxistiqamətli və davamlıdır.
“Qış təlimi-2021” birgə təlimlərinin texniki göstəricilərindən bəhs edən nazir Hulusi Akar Azərbaycan ilə Türkiyə arasında hərbi əməkdaşlığın tarixi əhəmiyyət daşıdığını ifadə edib. Minsk qrupunun otuz ildə aradan qaldıra bilmədiyi işğala Azərbaycan Silahlı Qüvvələrinin 44 gündə son qoyduğunu diqqətə çatdıran nazir bildirib ki, əldə olunan şanlı zəfər Türkiyə üçün qürurvericidir.
Türkiyənin terrorizmə qarşı qətiyyətlə mübarizə apardığını, dövlət sərhədi boyunca təhlükəsizlik tədbirlərini bundan sonra da uğurla davam etdirəcəyini vurğulayan Hulusi Akar çıxışında gündəmdə olan digər məsələlərə də münasibət bildirib.

Paylaş:

Baxılıb: 623 dəfə