“Soros demokratiyası”

Bakı:

28 °C

55 %

7 m/s

Əlaqə

AZ RU EN

Ana səhifə / Siyasət / “Soros demokratiyası”

“Soros demokratiyası”

11.12.2021 [10:34]

Yaxud Paşinyanın “demokratiya sammiti”ndə nə işi var?

Nurlan QƏLƏNDƏRLİ

ABŞ prezidenti Co Baydenin təşəbbüsü ilə keçirilən “Demokratiya uğrunda sammit”in gündəliyinə salınan məsələlərə, iştirakçıların siyahısına diqqət yetirdikdə ortaya bir sıra maraqlı nüanslar çıxır. Belə ki, “demokratiyaya qarşı olan təhdidlərlə mübarizə”, “korrupsiya ilə mübarizə” və nəhayət “insan hüquqlarının müdafiəsi” ilə bağlı məsələlərin müzakirə edildiyi bir toplantıda Ermənistan kimi terrorçu və antidemokratik bir dövlətin hökumət başçısının iştirakı absurddur. Çünki bu ölkədə demokratiyadan əsər-əlamət yoxdur, korrupsiya dövlət siyasətinin tərkib hissəsidir, insan hüquqlarının müdafiəsindən isə söz açmağa belə dəyməz.

Paşinyan Ermənistanda “demokratiik mühit”dən ağızdolusu danışsa da, reallıqların nədən ibarət olduğu həm onun özünə, həm sammitdə iştirak edənlərə, həm də bütövlükdə dünya ictimaiyyətinə yaxşı məlumdur. Ermənistan bu zamana qədər heç vaxt demokratik olmayıb, daim insan hüquqlarının kütləvi surətdə pozulması, diktatura və tiraniya mühiti ilə gündəmdə olub. Xüsusilə də, işğalçı ölkədə Sarkisyan, Koçaryan kimi cinayətkarların hakimiyyəti dövründə, seçkilər ərəfəsində və digər proseslər çərçivəsində müşahidə edilən qanunsuzluqlar, repressiya və dağıdıcı hadisələr yaddaşlardan silinməyib. Elə Nikol Paşinyanın demokratiya imitasiyası da çoxdan iflasa uğrayıb, ağılsız diktatorun “demokrat” maskası yırtılıb.

Ümumiyyətlə, Ermənistanda hakimiyyət olimpində cinayətkar hərbi xuntanı əvəzləyən indiki oxlokoratiya (küçə - kütlə hakimiyyəti-N.Q.) ilk vaxtlar populist və demaqogiya ritorikası ilə çıxış etsə də, qısa müddət ərzində diktatura mahiyyətini nümayiş etdirməyə başlayıb. Paşinyanın rəhbərlik etdiyi antidemokratik hakimiyyət sistemi öz vədlərini istisna və inkar edən davranışlarla çıxış edib. Daha dəqiq desək, ilk vaxtlardan etibarən legitimlik problemi yaşayan, siyasi xaos və kataklizmlərlə qarşı-qarşıya olan Paşinyan yeni tiraniya formasında mövcud olan öz hakimiyyətinin dayaqlarını gücləndirmək məqsədilə “demokratiya” görüntüsü altında diktatura sistemi formalaşdırıb.

Bu gün Ermənistanda mövcud olan siyasi xaos fonunda baş verən proseslər bu reallığı tam təsdiqləyir. Həqiqət budur ki, vaxtilə siyasi qəsb vasitəsilə hakimiyyəti ələ alan Paşinyan rəqibləri ilə mübarizə prosesində, eləcə də vətəndaş itaətsizliyi aksiyalarına münasibətdə zor - güc amilinə üstünlük verir. Ona görə də hüquq, demokratiya, sivil dəyərlər və qanun anlayışları bu hakimiyyət və dövlət üçün xarakterik deyil. Biz bu gün konkret olaraq Sorossayağı “demokratiya”nın Ermənistan nümunəsini görürük. Ermənistanda ifadə azadlığı ləğv edilib, ictimai-siyasi etiraza, tənqidlərə görə kütləvi həbslər həyata keçirilir. Belə olan halda, haqlı sual yaranır: “Soros demokratiyası”nın reallıqları fonunda Paşinyanın “demokratiya sammiti”ndə nə işi var?! Və ya bu faktlar Birləşmiş Ştatların “demokratiya sammiti”nin əsl mahiyyətini aşkar etmirmi? Əlavə sözə ehtiyac yoxdur, elə ABŞ-ın özündə deyildiyi kimi: “no comment!”.

Paylaş:

Baxılıb: 893 dəfə