Korrupsiyaya qarşı mübarizə tədbirləri prinsipial xarakter daşıyır

Bakı:

12 °C

76 %

6 m/s

Əlaqə

AZ RU EN

Ana səhifə / Siyasət / Korrupsiyaya qarşı mübarizə tədbirləri prinsipial xarakter daşıyır

Korrupsiyaya qarşı mübarizə tədbirləri prinsipial xarakter daşıyır

02.02.2011 [10:03]

Bu məqsədlə sistemli tədbirlərin həyata keçirilməsi dövlətin güclü milli iqtisadi təhlükəsizlik şəbəkəsinin möhkəmlənməsinə dərin əsaslar yaradır
Korrupsiyaya qarşı mübarizə tədbirləri strateji məqsədlərdən olub ölkəmizin ümumi iqtisadi təhlükəsizliyinin möhkəmlənməsinə xidmət edir. Məlum olduğu kimi, Azərbaycanın iqtisadi potensialının qorunması və inkişafı, iqtisadi qüdrətinin artırılması məqsədilə əlverişli şəraitin təmin edilməsi baxımından mövcud nöqsan və neqativ meyillərin aradan qaldırılması iqtisadi təhlükəsizliyimizin mühüm faktorlarından sayılır. Bu məqsədlə dövlət prinsipial məsələ kimi iqtisadi təhlükəsizliyimizə xələl gətirə biləcək halların qarşısının alınması üçün əsas fəaliyyət istiqamətlərini müəyyənləşdirib. Korrupsiyaya qarşı sistemli tədbirlərin gücləndirilməsi də həmin məqsədlərin əsas təməlləridir.
Azad rəqabət mühitinin formalaşması və şəffaflığın təmin olunması iqtisadiyyatın sürətli inkişafına stimul verən başlıca faktordur. Bu, həm də iqtisadiyyatın çoxşaxəli inkişafı və sosialyönümlü islahatların dərinləşməsi deməkdir. Eyni zamanda, bu amil dövlətin güclü milli iqtisadi təhlükəsizlik şəbəkəsinin yaradılması kimi qiymətləndirilə bilər. İqtisadi təhlükəsizliyin təmin olunması isə bütövlükdə Azərbaycanın milli təhlükəsizliyinin güclənməsi üçün önəmlidir. Birincisi, hərtərəfli iqtisadi təhlükəsizlik iqtisadiyyatın bütün sahələrinin maneəsiz və uğurlu inkişafı deməkdir. İkincisi, iqtisadi təhlükəsizlik mühiti dövlətlər, nəhəng transmilli korporasiyalar və nüfuzlu iş adamları tərəfindən əməkdaşlığın ən mühüm komponenti kimi qiymətləndirilir. üçüncüsü, güclü iqtisadiyyat mütəşəkkil cəmiyyət, güclü ordu və qüdrətli dövlət deməkdir.
Prezident İlham Əliyev hər zaman ölkəmizdə liberal bazar iqtisadiyyatının, azad sahibkarlığın inkişafına impuls verən addımlar atıb və bütün dövlət qurumlarına özəl biznesə müdaxilə edilməməsinə dair göstəriş verib. Dövlətimizin başçısı iqtisadi və sosial bölmələrdə neqativ hallara qarşı barışmaz mövqeyini nümayiş etdirməklə azad biznesin və şəffaflığın ən böyük təminatçısı olduğunu təsdiqələyib. Göründüyü kimi, dövlət başçısı tərəfindən azad sahibkarlığa, özəl sektora ən böyük siyasi dəstək verilib və bu tendensiya rüşvətxorluğa qarşı ən sərt və amansız mübarizə tədbirlərinin həyata keçirilməsi üçün güclü mexanizm yaradır. Yəni, qeyd olunan neqativ halların qarşısının alınmasında birbaşa dövlət başçısı öz güclü dəstəyini nümayiş etdirməklə bütün aidiyyəti orqanları mübarizə tədbirlərində səfərbər olmağa çağırır. Bu, eyni zamanda, ölkəmizdə rüşvətxorluğa və korrupsiyaya qarşı mübarizə tədbirlərinin prinsipial xarakter daşıdığını və dövlət siyasətinin ən prioritet sahələrindən birini təşkil etdiyini təsdiqləyir.
ölkəmiz korrupsiyaya qarşı mübarizə sahəsində sistemli tədbirlər görməklə mühüm irəliləyişlərə nail olub. Korrupsiyaya qarşı Mübarizə üzrə Komissiyanın ötən müddət ərzində gördüyü işlər qeyd olunan sahədə müsbət tendensiyanın mövcudluğunu göstərir. Komissiyanın müvafiq tapşırıq və tövsiyələrinə uyğun olaraq aidiyyəti orqanlar tərəfindən həyata keçirilən sistemli və əhatəli tədbirlər sayəsində müxtəlif qurumların nümayəndələrinin iqtisadiyyatın bir sıra sahələrinə və özəl sektora süni müdaxilə hallarının qarşısı alınıb. Amma buna baxmayaraq, Prezident Administrasiyasına və Komissiyaya müraciətlərin daxil olması bu sahədəki problemlərin mövcudluğunu göstərir və onların araşdırılaraq həlli üçün qısa müddətdə təcili tədbirlərin görülməsini zəruri edir. Ona görə də, bu sahədə görülmüş mühüm işlərlə kifayətlənməyib daha ciddi addımlar atmaq vacibdir.
Onu da qeyd edək ki, Korrupsiyaya qarşı Mübarizə üzrə Komissiyanın sədri Ramiz Mehdiyev də ölkəmizin iqtisadi və sosial inkişafına maneə yaradan bu kimi halların qarşısının alınması üçün davamlı tədbirlərin daha geniş miqyas almasının vacibliyini diqqətə çatdırıb. çünki dövlətimizin başçısı iqtisadiyyatdakı inhisarçılıq meyillərinin qarşısının alınması, azad rəqabət mühitinin təmin edilməsi, vergidən yayınma hallarına qarşı effektiv tədbirlərin görülməsi, qiymətlərin süni şəkildə şişirdilməsinə yol verilməməsi, hakimiyyət orqanları tərəfindən aparılan əsassız yoxlamalara son qoyulması və digər zəruri işlərin gücləndirilməsini başlıca tələblər kimi qarşıya qoyub. Buna görə də, hər bir kəs bu sahədə fəal olmalıdır.
Respublikamızda həyata keçirilən genişmiqyaslı islahatlar və siyasi, iqtisadi, sosial sahələrdə yeni tələblərin meydana çıxması korrupsiyaya qarşı mübarizənin də yeni strateji istiqamətlərinin müəyyənləşməsini və reallaşmasını zəruri edir. Korrupsiyaya qarşı mübarizə sahəsində yeni strateji planın və hədəflərin həyata keçirilməsi isə bu istiqamətdə effektivliyi daha da yüksəldəcək, iqtisadi reformaların miqyasını artıracaq, şəffaflığın dərinləşməsinə səbəb olacaq.
ELBRUS CƏFƏRLİ

Paylaş:

Baxılıb: 1038 dəfə