MÜASİR AZƏRBAYCANIN UÄžURLARININ FƏLSƏFİ ƏSASI

Bakı:

12 °C

82 %

5 m/s

Əlaqə

AZ RU EN

Ana səhifə / Siyasət / MÜASİR AZƏRBAYCANIN UÄžURLARININ FƏLSƏFİ ƏSASI - MİLLİ QURTULUŞ GÜNÜ

MÜASİR AZƏRBAYCANIN UÄžURLARININ FƏLSƏFİ ƏSASI - MİLLİ QURTULUŞ GÜNÜ

12.06.2012 [23:40]

Azərbaycan xalqının və dövlətçiliyinin inkişafında misilsiz tarixi xidmətləri olan, milli dövlətçiliyimizin memarı və qurucusu Ulu öndər Heydər Əliyevin həyatı, siyasi və dövlətçilik fəaliyyəti tariximizdə müstəsna yer tutur. Bu gün Azərbaycan xalqının, eləcə də, Türk dünyasının milli sərvəti olan Heydər Əliyevin zəngin və həmişəyaşar irsinin sistemli şəkildə araşdırılması, elmi əsaslarla öyrənilməsi və təbliği ən vacib məsələlərdən biridir. Bu zəngin xəzinənin milli-mənəvi və bəşəri dəyərlərinin xalqa, xüsusən də, gələcək nəsillərə yetərincə çatdırılması qarşımızda duran ən vacib və əhəmiyyətli vəzifədir. Bu həqiqəti Heydər Əliyevin qurub-yaratdığı müasir Azərbaycanın vətəndaşı olan hər bir şəxs, xüsusən, gənc nəsil layiqincə dərk etməlidir.
çünki yarım əsrdən artıq siyasi və dövlətçilik fəaliyyətini xalqına xidmətə həsr edən, işıqlı sabahın yolunu ona göstərən, ölkəmizi dünyaya tanıdan Dahi öndərimizin vurğuladığı kimi, müasir dövlətimiz bu gün dünya ölkələrindən, onların qabaqcıl təcrübələrindən və dəyərlərindən bəhrələnərək inkişaf edir. Demokratik, hüquqi, dünyəvi dövlət, vətəndaş cəmiyyəti, insan hüquqlarının aliliyi prinsiplərini əsas tutaraq, Azərbaycan Avropanın və dünyanın ən qabaqcıl dövlətləri ilə çiyin-çiyinə fəaliyyət göstərir.
ölkəmiz beynəlxalq aləmdə öz layiqli yerini tutub. İndi dünyanın və regionun əsas strateji, qlobal məsələləri bizim rəyimiz və mənafelərimiz nəzərə alınmadan həll edilmir.
Bu gün Azərbaycan dövlətinin qazandığı uğurların əsasında Azərbaycan tarixinin ən önəmli bir günü dayanmaqdadır. 15 İyun - xalqı və milləti uçurumlardan, qırğınlardan işıqlı sabahlara aparan bir gündür. Azərbaycan xalqının və dövlətçiliyinin Milli Qurtuluşu olan 15 İyun günü müasir Azərbaycanın mövcudluğunun təminatının fəlsəfi və tarixi özülüdür.
Məhz 1993-cü ilin 15 iyun tarixində Azərbaycan Ali Sovetinə rəhbərlik etməyə başlayan Heydər Əliyev Vətənini və millətini təhlükələrdən qurtararaq davamlı inkişaf yoluna çıxaran nəhəng şəxsiyyətin zamanın fövqünə yüksəlməsinə parlaq bir nümunədir. Xalqımızın dərin zəkasını, yenilməz iradəsini və əzmini təcəssüm etdirən, böyük siyasi və dövlət xadimlərimizin, tarixi şəxsiyyətlərimizin dövlətçilik ənənələrini XX əsrin sonlarında davam etdirərək daha da zənginləşdirən Heydər Əliyev uzaqgörənliyi və müdrikliyi, cəsarəti və fədakarlığı sayəsində müstəqil Azərbaycan dövlətini yaratdı, qoruyub saxladı. öz dühasının şah əsəri olan bu dövləti indiki və gələcək nəsillərə ərməğan etdi.
Heydər Əliyev irsinin öyrənilməsi, Onun müasir tariximizin yaradıcısı kimi təqdim olunması son vaxtlarda geniş vüsət almışdır. Bu zəngin sərvətin elmi surətdə araşdırılması, Azərbaycan elmində, Azərbaycanşünaslıqda yeni elmi istiqamətin, daha doğrusu, Heydər Əliyevi öyrənən elmi məktəbin əsasının qoyulmasına gətirib çıxarmışdır. Bu mövzuda alimlik dərəcəsi almaq üçün dissertasiyalar yazılıb, ali təhsil ocaqlarında Heydər Əliyev məşğələlərinin keçirilməsi, elmi-praktik konfransların təşkil olunması artıq ənənəyə çevrilib. Heç şübhəsiz ki, bütün bunlar çox zəruridir. Lakin bu kütləviliklə yanaşı, Heydər Əliyevin zəngin irsi onun öyrənilməsinə yaradıcı və elmi müstəvidə yanaşmanı ön plana çəkir. çünki Heydər Əliyevin müasir Azərbaycan tarixində oynadığı rol çoxşaxəli və rəngarəngdir.
Biz burada əsas 8 böyük istiqaməti ayıra bilərik. Bu istiqamətlərin hər biri bu gün Azərbaycanın qazandığı hər bir uğur və nailiyyətin sütunu və sirri, zəngin elmi-təcrübi mənbə, böyük bir məktəb və tarixin şanlı salnaməsi, Heydər Əliyev irsinin tarixcəsidir.
1. Xalqın tələbi ilə Heydər Əliyev Naxçıvan Muxtar Respublikasından Bakıya gəldi. Əvvəlcə Ali Sovetə Sədr seçilərək, sonra isə dahi və uzaqgörən peşəkar siyasətçi kimi, Prezidentin səlahiyyətlərini icra edərək xalqı vətəndaş müharibəsindən, aclıqdan, qardaş qırğınından və daha neçə belə təhlükələrdən qurtardı. 1993-cü il oktyabrın 3-də mütləq səs çoxluğu ilə Prezident seçilərək tariximizin yeni mərhələsinin əsasını qoydu.
2. Qısa bir müddətdə atəşkəsi təmin etmək, silahlı cinayətkarları, hərbi müxalifəti zərərsizləşdirib ölkə daxilində sabitlik və qanunçuluğun bərpası xalqımıza xoş bir töhfə, gözüyaşlı ana və bacılarımıza ən böyük təsəlli idi. O, Azərbaycan Dövlət maşınını qurdu.
3. Uzaqgörənliyin ən yüksək göstəricisi, dövlətimizin təhlükəsizliyinin öz ehtiyatlarımız hesabına təmin edilməsi - Heydər Əliyev irsinin əfsanəvi Neft Strategiyası. Müasir tariximizin səhifələrində qızıl hərflərlə yazılan yeni bir dönəm. Azərbaycanın beynəlxalq aləmdə tanınmasında ilk ciddi addım.
4. Azərbaycanın hüquqi, dünyəvi və demokratik dövlətə çevrilməsi prosesi, insan hüquq və azadlıqlarının qorunması sahəsində bu irsə mənsub daha bir şanlı tarix səhifəsi - Konstitusiyanın qəbulu. Şərqdə ilk dəfə ölüm hökmünün ləğvi. Bir sözlə, Ulu öndərin ölkəmizdə vətəndaş cəmiyyətini sürətlə formalaşdırdığı dövr.
5. ölkədə düşünülmüş aqrar və sosial siyasət mərhələsi başlandı. Torpaqların özəlləşdirilməsi, yerli özünüidarə qurumları olan bələdiyyələrin yaradılması, nəticədə, Azərbaycanın digər ölkələrdən ərzaq asılılığının azaldılmasına yönəldilmiş uğurlu siyasi manevrlər mərhələsi.
6. Milli-mənəvi dəyərlərimizə və təhsilimizə dövlət qayğısının artırılması siyasəti. Bu siyasi irsin vacib tərkib hissələrindən biri olmaqla bərabər, bəlkə də ən vacibidir. Dilimizin, dinimizin, təhsilimizin, mədəniyyət abidələrimizin qorunması, onların gələcək nəsillərimizə çatdırılması Heydər Əliyevin siyasəti əsasında dövlətin ən vacib siyasi istiqamətlərindən birinə çevrildi.
7. Azərbaycanın beynəlxalq aləmdə tanıdılması siyasəti, ölkəmizin dünya dövlətlərinin arasında öz yerinin olmasının təsdiqi məsələsi də Ulu öndərin irsinin vacib tərkib hissələrindən biridir. Beynəlxalq təşkilatlara üzv olmaq, sədrlik etmək, bayrağımızın mötəbər məkanlarda dalğalandırılmasına nail olmaq üçün Heydər Əliyev hətta coğrafi xəritələrdə Azərbaycanın yerini dünyaya göstərməkdən başladı. Məhz bu siyasi irsin davamı və onun Möhtərəm Prezidentimiz İlham Əliyev tərəfindən uğurlu inkişafı nəticəsində ölkəmiz bugünkü vəziyyətə gəlib çatdı.
8. Nəhayət, ümummilli liderin idman və gənc nəslin tərbiyəsi strategiyasi qeyd edilməlidir. Onun gənclərə verdiyi dəyər hər kəsə məlumdur. Uzaqgörənliklə dövlətin təkcə bu gününü yox, uzaq gələcəyini də düşünən dahi şəxsiyyət məhz bu səbəbdən, ölkədə gənclər siyasətinə böyük önəm verirdi, gənclərin faydalı məşğuliyyətinin qurulmasına çalışırdı.
Göründüyü kimi, Ulu öndər Heydər Əliyev öz zəngin və sərhədləri sonsuz olan irsi ilə müasir tariximizin ən şanlı səhifələrini yazdı, dövlətimizi süqutdan intibaha gedən yolla apardı və nəhayətdə, öz hədəfinə çataraq Azərbaycanı dünyanın ən sivil və sürətlə inkişaf edən ölkələrindən birinə çevirməyi bacardı.
SƏRRAF HüSEYNOV,
YAP GƏNCLƏR BİRLİYİ OFİSİNİN RƏHBƏRİ

Paylaş:

Baxılıb: 949 dəfə