Azərbaycanda KİV-ə ən yüksək səviyyədə diqqət və qayğı göstərilir

Bakı:

25 °C

83 %

5 m/s

Əlaqə

AZ RU EN

Ana səhifə / Sosial / Azərbaycanda KİV-ə ən yüksək səviyyədə diqqət və qayğı göstərilir

Azərbaycanda KİV-ə ən yüksək səviyyədə diqqət və qayğı göstərilir

25.07.2017 [09:15]

Binəqədi rayonunda 22 İyul - Milli Mətbuat Günü münasibəti ilə tədbir keçirilib
Binəqədi rayonunda 22 İyul - Milli Mətbuat Günü münasibətilə “Binəqədi bələdiyyələri hesabat verir” adlı tədbir keçirilib. Tədbirdə öncə Milli Mətbuat Gününün tarixi haqqında məlumat verilib.
Sonra Binəqədi bələdiyyələrinin sədrləri hesabat xarakterli çıxış ediblər. Belə ki, M.Ə.Rəsulzadə bələdiyyəsinin sədri Hümbət Hüseynov “Bələdiyyələrdə vergi ödəyiciləri ilə aparılan işin vəziyyəti: nailiyyətlər və problemlər”, Binəqədi bələdiyyəsinin sədri Sitarə Cabbarlı “Seçici məmnunluğu bələdiyyələrin fəaliyyətinin prioritet sahəsi kimi” mövzusunda, Binəqədi qəsəbə bələdiyyəsinin sədri Aytac Əliyeva “Bələdiyyələrin beynəlxalq əlaqələri”, Biləcəri bələdiyyəsinin sədri Hikmət Quliyev “Bir bələdiyyə - bir layihə” çərçivəsində “Binəqədi bələdiyyələrində görülən işlər” mövzularında məruzələrlə çıxış ediblər.
Mətbuat nümayəndələrindən Azərbaycan Televiziyasının əməkdaşı Firuzə Nadir və “Belediyye.info” saytının redaktoru Vüqar Tofiqli çıxış edərək bildiriblər ki, Ulu öndər Heydər Əliyev tərəfindən əsası qoyulan və Prezident İlham Əliyev tərəfindən davam etdirilən siyasət nəticəsində bu gün ölkədə azad, demokratik və güclü mətbuat formalaşıb.
Natiqlər həmçinin Binəqədi rayonunda media ilə işin peşəkar səviyyədə qurulduğunu diqqətə çatdırıblar. Bildirilib ki, rayon ərazisində görülən işlər mətbuatda intensiv və geniş işıqlandırılır. Mətbuat nümayəndələri zəruri informasiyalarla operativ qaydada təmin olunduqlarını və səmərəli əməkdaşlığa görə rayon rəhbərliyinə minnətdarlıqlarını bildiriblər.
Tədbirdə həmçinin Binəqədi rayon İcra Hakimiyyəti başçısının müavini Aygün Əliyeva, Azərbaycan Mətbuat Şurasının sədri, Milli Məclisin deputatı Əflatun Amaşov, parlamentin regional məsələlər komitəsinin üzvü Tahir Rzayev çıxışlarında 22 İyul - Milli Mətbuat Günü münasibətilə media nümayəndələrini təbrik ediblər. Çıxışlarda vurğulanıb ki, Azərbaycanda söz və mətbuat azadlığına, kütləvi informasiya vasitələrinə ən yüksək səviyyədə diqqət və qayğı göstərilir. Qeyd edilib ki, əsası Həsən bəy Zərdabinin yaratdığı “Əkinçi” qəzeti ilə qoyulan milli mətbuatımızn inkişafı və çiçəklənməsi Ulu öndər Heydər Əliyevin ölkəmizə rəhbərliyi dövrünə təsadüf edir. Bu gün Azərbaycan Prezidenti bu siyasəti uğurla davam etdirir. Ölkə mətbuatının inkişafı sahəsində “azad söz azad cəmiyyətin təməl daşıdır” prinsipi əsas meyar kimi qəbul edilir.
Sonda mətbuat nümayəndələrinə fəxri fərmanlar və hədiyyələr təqdim olunub. Təltif olunanlar arasında “Yeni Azərbaycan” qəzetinin əməkdaşı da var.
Mərasim konsert proqramı ilə davam edib.
Nadir AZƏRİ

Paylaş:

Baxılıb: 598 dəfə