Heydər Əliyev
yeni azerbaycan logo

Ana səhifə / Sosial / ÜST: Koronavirus dövrümüzün ən böyük səhiyyə böhranıdır

ÜST: Koronavirus dövrümüzün ən böyük səhiyyə böhranıdır

18.03.2020 [09:29]

Ümumdünya Səhiyyə Təşkilatı (ÜST) üçün koronavirus pandemiyası dövrümüzün ən böyük səhiyyə böhranıdır.
AZƏRTAC xəbər verir ki, bu fikri təşkilatın baş direktoru Tedros Adhanom Hebreyesus Cenevrədə keçirilən brifinqdə bildirib. Qeyd edilib ki, hazırda dünyanın digər ölkələrində yoluxma və ölüm halları Çindəki göstəriciləri üstələyib.
ÜST rəhbərinə görə, koronavirusa qarşı mübarizədə müayinə və testlərin sayı artırılmalıdır: “Bizim çağırışımız çox sadədir: Test edin, test edin, test edin! Gözləri bağlı halda alova qarşı mübarizə aparmaq mümkün deyil”.
ÜST rəhbəri, həmçinin dünyanın bir sıra ölkələrində koronavirusa qarşı mübarizədə sərt tədbirlərin görülməsini alqışlayıb. O, test və müayinələrlə yanaşı yoluxanlar və onlarla təmasda olan şəxslərin ciddi şəkildə cəmiyyətdən təcrid olunmasının vacibliyini vurğulayıb. Çünki infeksiyanın əlamətləri yox olduqdan sonra xəstələnmiş şəxs hələ iki həftə boyunca ətrafındakı insanları yoluxdura bilər. Ona görə də ev şəraitində karantində olan şəxslər və onların yaxınları ehtiyat tədbirləri görməli, qaydalara ciddi riayət etməlidirlər.
Buna görə də ÜST ötən dövr ərzində dünyanın 120 ölkəsinə 1,5 milyon test göndərib. O, pandemiyanın iqtisadiyyatı zəif inkişaf etmiş ölkələrə daha ağır zərbə vura biləcəyindən narahatlığını da ifadə edib.

Paylaş:
Baxılıb: 385 dəfə

Xəbər lenti

Hamısına bax

Siyasət

YAP xəbərləri

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31