“Hücum diplomatiyası: strateji reallıqlar nəyi ifadə edir?”

Bakı:

30 °C

50 %

7 m/s

Əlaqə

AZ RU EN

Ana səhifə / Sosial / “Hücum diplomatiyası: strateji reallıqlar nəyi ifadə edir?”

“Hücum diplomatiyası: strateji reallıqlar nəyi ifadə edir?”

31.10.2020 [08:31]

“Yeni Azərbaycan”qəzeti KİVDF-nin elan etdiyi müsabiqə üzrə bu mövzuda onlayn “dəyirmi masa” keçirib

“Yeni Azərbaycan” qəzeti Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun (KİVDF) elan etdiyi müsabiqə üzrə layihələrin icrası çərçivəsində müvafiq mövzuların müzakirəsi ilə bağlı onlayn “dəyirmi masa”ları davam etdirir. Oktyabrın 30-da növbəti “dəyirmi masa” “Azərbaycan Respublikasının dünya birliyinə inteqrasiyası, region ölkələri və digər dövlətlərlə, beynəlxalq təşkilatlarla əməkdaşlığın inkişaf etdirilməsi” istiqaməti üzrə “Hücum diplomatiyası: strateji reallıqlar nəyi ifadə edir?” mövzusunda keçirilib.

“Yeni Azərbaycan” qəzetinin şöbə redaktoru, layihə rəhbəri Nurlan Qələndərlinin moderatorluğu ilə keçirilən “dəyirmi masa”da politoloqlar Ramiz Alıyev və Şəbnəm Həsənova iştirak ediblər.

Tədbirdə Prezident İlham Əliyevin rəhbərliyi ilə həyata keçirilən dərin strateji diplomatiya siyasəti və hücum diplomatiyasından ətraflı bəhs olunub. Diqqətə çatdırılıb ki, Azərbaycan müasir beynəlxalq münasibətlər sistemində müstəqil siyasət həyata keçirən güclü və nüfuzlu dövlət, həmçinin etibarlı tərəfdaş kimi tanınır. Prezident İlham Əliyevin rəhbərliyi ilə həyata keçirilən strateji kurs ölkəmizin maraqlarının təmin olunmasına xidmət edir, qarşıya qoyulan strateji hədəflərə çatmağa imkan verir. Vurğulanıb ki, Prezident İlham Əliyevin rəhbərliyi ilə həyata keçirilən strateji kursun ən mühüm prioritetlərindən biri Dağlıq Qarabağ münaqişəsinin beynəlxalq hüquq normaları əsasında, ölkəmizin ərazi bütövlüyü çərçivəsində həllinə nail olmaqdır. Bu istiqamətdə həm uğurlu hücum diplomatiyası həyata keçirilir, həm ölkəmizin hərbi qüdrəti kifayət qədər artırılıb.

Onlayn “dəyirmi masa”da vurğulanıb ki, Azərbaycan Dağlıq Qarabağ münaqişənin sülh yolu ilə həllinin tərəfdarı olsa da, imitasiya naminə danışıqlarda iştirak etmək niyyətində olmadığını dəfələrlə bəyan edib. Ermənistan isə qeyri-konstruktiv mövqe ilə danışıqlar prosesini pozub. Ermənistanın hərbi təxribatının qarşısını layiqincə alan qüdrətli Azərbaycan dövləti Ali Baş Komandan İlham Əliyevin rəhbərliyi ilə öz ərazi bütövlüyünü bərpa etmək üçün sarsılmaz qətiyyət və güclü iradə nümayiş etdirir, müzəffər Azərbaycan Ordusu əks-hücum əməliyyatlarını uğurla davam etdirir. Azərbaycan uzun illər mövcud olmuş status-kvonu aradan qaldırıb, təmas xəttini ləğv edib. Şübhəsiz ki, ordumuzun döyüş meydanında qazandığı uğurlar diplomatik müstəvidə də üstünlüyümüzü şərtləndirib. Bundan sonra ölkəmiz diplomatiya cəbhəsində diktə edən tərəf kimi çıxış edir. Bildirilib ki, bütövlükdə Azərbaycanın Ermənistan üzərində hərbi və siyasi-diplomatik üstünlüyü ölkəmizin ərazi bütövlüyünün tam təmin olunmasına imkan verir.

Onlayn “dəyirmi masa”da mövzu ilə əlaqədar geniş fikir mübadiləsi aparılıb.

Paylaş:

Baxılıb: 592 dəfə