“Vaksinlər həm infeksiyanın inkişafının qarşısını almaq, həm də xəstəliyin şiddətini azaltmaq üçün çox vacibdir”

Bakı:

28 °C

36 %

6 m/s

AZ RU EN

Ana səhifə / Sosial / “Vaksinlər həm infeksiyanın inkişafının qarşısını almaq, həm də xəstəliyin şiddətini azaltmaq üçün çox vacibdir”

“Vaksinlər həm infeksiyanın inkişafının qarşısını almaq, həm də xəstəliyin şiddətini azaltmaq üçün çox vacibdir”

26.06.2021 [08:18]

“Peyvəndlə bağlı müxtəlif miflərin mövcudluğu yeni hal deyil. Ancaq bu, koronavirus pandemiyası dövründə geniş miqyas alıb. Təəssüf ki, cəmiyyətin bir hissəsi bu cür qeyri-adi vəziyyətlərə cavab axtararkən, bəzi insanlar müxtəlif şayiələri həqiqət kimi qəbul edirlər”.

Bu fikirləri Azərbaycan Tibb Universitetinin professoru, Milli İmmunlaşdırma Ekspert Məsləhət Komissiyasının sədri Hüseyn Qabulov deyib.

Onun sözlərinə görə, COVID-19-a qarşı peyvəndlərin nisbətən qısa müddətdə hazırlanmasına baxmayaraq, onların istehsalı beynəlxalq elmi əməkdaşlığın, nəhəng maliyyə və insan resurslarının səfərbər olunmasının nəticəsidir: “COVID-19-a qarşı peyvəndlərin istehsalında ümumi qəbul edilmiş qaydalara, standartlara və etik meyarlara uyğun olaraq on minlərlə könüllü də daxil olmaqla bütün lazımi laboratoriya və klinik sınaqlar aparıldı. Bəşəriyyət üçün gözlənilən təhlükə qarşısında peyvəndlər aidiyyəti orqanlar tərəfindən sürətlə təsdiqləndi. Peyvəndlərin təsir mexanizminə gəldikdə isə, vaksinlər həm infeksiyanın inkişafının qarşısını almaq, həm də xəstəliyin şiddətini azaltmaq üçün çox vacibdir. Yəni peyvəndlənmiş şəxs də xəstəliyə yoluxa bilər, lakin o, xəstəliyi çox yüngül keçirəcəkdir”.

“Elə xəstəliklər var ki, onlardan sonra kifayət qədər uzunmüddətli və ya ömürlük immunitet yaranır və bu infeksiyaya məruz qalan insan artıq xəstələnmir. Lakin praktikada immuniteti uzun müddət davam edə bilməyəcək bir çox xəstəliklər də var. Birincisi, xəstəliyin törədicisi mutasiya edə bilər. Bu zaman insanın immun sistemi onu tanıya bilmir. İkincisi, müəyyən bir mikroorqanizm haqqında bir orqanizmin immunoloji “yaddaş”ı qısamüddətli ola bilər. Koronavirusa gəldikdə isə, onun qeyri-adi bir patogen olduğu ortaya çıxdı. Qısa müddət ərzində bu virus dəfələrlə mutasiya etdi. Bundan əlavə, bu infeksiyaya yoluxmuş bir çox insan sağaldıqdan sonra bədəndə koronavirusa qarşı anticisimlərin tədricən azaldığının və ümumiyyətlə, tamamilə yox olduğunun şahidi olduq”, - deyə mütəxəssis vurğulayıb.

H.Qabulov əlavə edib ki, vaksin olunmuş insanlarda inyeksiya yerində ağrı, başağrısı, üşütmə, yorğunluq, yuxululuq, əzələ ağrısı, bədən hərarətin qalxması halları müşahidə oluna bilir və belə halların baş verməsi bütün peyvəndlər üçün keçərlidir: “Bir qayda olaraq, bu reaksiyalar qısamüddətli olur. Hazırda ciddi yan təsirlə bağlı hər hansı hal müşahidə edilməyib”.

MÜŞFİQƏ

Paylaş:

Baxılıb: 724 dəfə