“HƏMAS” Parisi ifşa etdi

Bakı:

24 °C

74 %

10 m/s

Əlaqə

AZ RU EN

Ana səhifə / Xarici siyasət / “HƏMAS” Parisi ifşa etdi

“HƏMAS” Parisi ifşa etdi

16.07.2024 [10:42]

Fransa Qəzzada sülh istəmir

Yaxın Şərqdə vəziyyət gərgin olaraq qalır. Qəzza bölgəsində baş verənlər İsrail ilə Fələstin arasında 80 ilə yaxındır ki, davam edən ədavətin bitməsi üçün indiyədək görülən bütün işlərin fiaskoya uğradığını göstərir. Hətta tərəflər arasında 1993-cü ildə bağlanmış sülh sazişindən sonra Yasir Ərəfat, İshaq Rabin və Şimon Peres Nobel sülh mükafatına layiq görülsələr də, məsələ öz köklü həllini tapmayıb.

Xatırladaq ki, ötən il oktyabrın 7-də HƏMAS qruplaşması İsrailin nəzarətində olan ərazilərə hücum edib. Buna cavab olaraq İsrail ordusu Qəzzada hərbi əməliyyatlara başlayıb. Həmin il noyabrın 24-də Misir və Qətərin vasitəçiliyi ilə HƏMAS və İsrail arasında dörd günlük humanitar atəşkəs əldə olunub. Razılaşmaya əsasən, İsrail həbsxanalarındakı fələstinli yeniyetmə və qadınların azad edilməsi müqabilində Qəzza sektorunda saxlanılan bir qrup girov azadlığa buraxılıb. Sonradan atəşkəs rejimi eyni şərtlərlə daha iki gün uzadılıb. Dekabrın 1-də isə İsrail ordusu HƏMAS-ı atəşkəsi pozmaqda ittiham edərək Qəzzada yenidən hərbi əməliyyatlara başlayıb.

Son vaxtlar isə ABŞ Prezidenti Cozef Bayden Qəzza sektorunda atəşkəs razılaşması ilə bağlı təkliflə çıxış edib. Tərəflər bu təklifi müzakirə etməkdədir. Bir sıra dövlətlər də bölgədə atəşkəsin elan olunmasına, tərəfləri sülhə gəlməyə çağırır. Türkiyə, regiondakı ölkələr, xüsusilə, Qətər, Misir və Səudiyyə Ərəbistanı sabitliyin bərpası üçün müxtəlif təşəbbüslərlə çıxış edir. Amma ortada müsbət nəticə yoxdur.

Belə bir şəraitdə, Fransanın bir sıra KİV-ləri məlumat yayıblar ki, HƏMAS atəşkəslə bağlı danışıqların dayandırıldığını elan edib. Fransız mediası HƏMAS-ın İsrailin mövqeyinə görə Qəzza zolağında atəşkəs danışıqlarını dayandırmaq qərarını açıqlayıb. “Belə ki, HƏMAS siyasi bürosunun rəhbəri İsmayıl Haniyə bir sıra telefon danışıqlarında bölgədəki vasitəçilərə və maraqlı tərəflərə hərəkatın danışıqları dayandırmaq qərarı barədə məlumat verib”,-deyə Fransa KİV-ləri iddia edib.

Lakin çox keçmədən Fələstinin HƏMAS hərəkatı Qəzza zolağında münaqişənin həlli üçün İsrail tərəfi ilə danışıqları dayandırmaq qərarına gəldiyi iddia edilən xəbərləri təkzib edib. Bu barədə radikal hərəkatın rəsmi nümayəndəsi İzzət ər-Rişq bildirib. O, bu barədə belə deyib: “Fransa agentliyi tərəfindən dərc edilən və bəzi KİV-lər tərəfindən HƏMAS-ın Xan Yunis yaxınlığında İsrail qüvvələrinin hücumuna cavab olaraq Qəzzada danışıqları dayandırmaq qərarı ilə bağlı yayılan məlumatların heç bir əsası yoxdur”.

Görünən odur ki, beynəlxalq birliyin sülh çağırışlarına rəğmən Fransa Yaxın Şərqdə qanlı müharibənin davam etməsində maraqlıdır. Ona görə də, bu ölkənin mediası belə təxribatçı məlumatlar, dezinformasiya yayır. Əsrlərlə müstəmləkəçi siyasət yeritmiş, bir sıra xalqları soyqırıma məruz qoymuş Fransadan bundan artığını gözləmək sadəlövhlük olardı.

N.TUNAR

Paylaş:

Baxılıb: 1137 dəfə