Slovakiya və Azərbaycan gələcək əməkdaşlığın perspektivlərini müəyyənləşdirdi

Bakı:

28 °C

51 %

6 m/s

Əlaqə

AZ RU EN

Ana səhifə / YAP xəbərləri / Slovakiya və Azərbaycan gələcək əməkdaşlığın perspektivlərini müəyyənləşdirdi

Slovakiya və Azərbaycan gələcək əməkdaşlığın perspektivlərini müəyyənləşdirdi

08.05.2024 [14:28]

İlqar İlyasov,

YAP Laçın rayon təşkilatının sədri

Mayın 7-də Slovakiya Respublikasının Baş naziri Robert Fitsonun Azərbaycana rəsmi səfəri ilə iki ölkə arasında yeni dövrün əsası qoyulmuşdur. Burada xüsusi ilə qeyd etmək lazımdır ki, Slovakiya Respublikası Azərbaycan Respublikasının müstəqilliyini 24 yanvar 1992-ci ildə tanımışdır. İki ölkə arasında diplomatik münasibətlər 23 noyabr 1993-cü ildə qurulmuşdur;

2004-cü ildən Avropa Birliyi və NATO-nun üzvü olan Slovakiyanın Baş nazirinin ölkəmizə səfəri Slovakiya-Azərbaycan əlaqələrində yeni səhifə açılması ilə əlamətdar olmuşdur. Səfər çərçivəsində strateji tərəfdaşlıq haqqında Birgə Bəyannamə imzalanmışdır. Bu, sənədlə əlaqələrimiz ən yüksək səviyyəyə qaldırılmışdır. Strateji tərəfdaşlıq Bəyannaməsində əks olunan maddələr iki tərəfin niyyətini əks etdirməklə yanaşı, eyni zamanda, gələcək əməkdaşlığın perspektivlərini də müəyyən edir.

Azərbaycanla Slovakiya arasında müdafiə sənayesi sahəsində birgə istehsal sahələrinin yaradılması haqqında konkret danışıqlara da artıq start verilib. Vurğulanıb ki, Azərbaycan-Slovakiya əməkdaşlığının bir istiqaməti də azad edilmiş torpaqlarda Slovakiya şirkətinin fəaliyyətidir. Belə ki, Ağdamın Qərvənd kəndinin yenidən qurulması Slovakiya şirkəti tərəfindən icra ediləcək. “Bu da təbii ki, böyük rəmzi məna daşıyır, çünki əlaqələrimizin səmimiyyətinin dərəcəsini göstərir. Eyni zamanda, işğaldan azad edilmiş torpaqlarda ən müasir standartlara cavab verən “ağıllı şəhər”, “ağıllı kənd” konsepsiyası əsasında slovakiyalı mütəxəssislər tərəfindən görüləcək işlər oraya qayıdacaq insanları sevindirəcək”, – deyə dövlətimizin başçısı bildirib. Qeyd etmək lazımdır ki, Azərbaycan hazırda 8 ölkəyə öz təbii qazını ixrac edir və ola bilsin ki, Azərbaycan qazının ixrac ediləcəyi növbəti ünvan Slovakiya olacaq. Ötən ilin aprelində “Həmrəylik Halqası” adlanan sənədin imzalanması ilə Azərbaycan qazını Slovakiya bazarına da nəql etmək üçün yaxşı imkanlar yaradılmışdır.

Azərbaycan və Slovakiya arasında dövlətlərarası münasibətlər siyasi dialoqa, etibarlı tərəfdaşlıq, müttəfiqlik münasibətinə söykənir və bu, uğurlu əməkdaşlıq üçün müstəsnadır. Əminliklə vurğulayaq ki, bu səfər bütün sahələr üzrə əməkdaşlığın daha yüksək səviyyəyə qaldırılmasına əhəmiyyətli təkan verəcək, gələcək inkişaf üçün böyük perspektivlər açacaqdır.

Paylaş:

Baxılıb: 634 dəfə