Dərin hörmət və ehtiramla yad edirik

Bakı:

28 °C

51 %

6 m/s

Əlaqə

AZ RU EN

Ana səhifə / YAP xəbərləri / Dərin hörmət və ehtiramla yad edirik

Dərin hörmət və ehtiramla yad edirik

10.05.2024 [11:10]

YAP Ağdam rayon təşkilatının sədri

Mansur Quliyev

Bu gün Azərbaycanın görkəmli siyasi və dövlət xadimi, müstəqil Azərbaycanımızın qurucusu, memarı, xalqımızın Ümummilli lideri Heydər Əlirza oğlu Əliyevin doğum günüdür. Ulu öndərin əziz xatirəsini hər zaman dərin hörmət və ehtiramla yad edirik.

Dövrün, zamanın yetişdirdiyi, Azərbaycan xalqının xilaskarı kimi qəlbimizdə əbədi yaşayan Ümummilli liderimiz Heydər Əliyevin xalqımız, dövlətçiliyimiz qarşısında xidmətləri misilsiz və danılmazdır. Ömrünün böyük və mənalı hissəsini milli-mənəvi dəyərlərimizin qorunmasına, dövlətçiliyimizin inkişafına həsr edən Ulu öndər Heydər Əliyev mənəvi dəyərlərimizə əsaslanan Azərbaycançılıq məfkurəsini qarşıya qoyulmuş ən ümdə vəzifə kimi müəyyən etmişdir. Qeyd edim ki, Azərbaycançılıq məfkurəsi Yeni Azərbaycan Partiyasının da ideoloji prinsiplərindən birini təşkil edir.

“Hər bir insan üçün onun milli mənsubiyyəti onun qürur mənbəyidir. Mən həmişə fəxr etmişəm, bu gün də fəxr edirəm ki, mən azərbaycanlıyam!” fikirlərini söyləyən Ulu öndər Heydər Əliyev xalqını, vətənini sevən xilaskar Liderdir və O, bunu öz əməli fəaliyyəti ilə sübüt etmiş oldu.

Ulu öndərin Azərbaycançılıq məfkurəsi təkcə Azərbaycan Respublikasında yaşayan etnik azərbaycanlıları deyil, eyni zamanda hansı ölkə vətəndaşı olmasından asılı olmayaraq bütün dünyada yaşayan azərbaycanlıların milli-mənəvi dəyərlərini ifadə edən bir məfkurədir. Qeyd etmək istərdim ki, bu ideologiyanın məntiqi nəticəsi olaraq Dünya azərbaycanlılarının həmrəyliyi, onların təşkilatlanması prosesini daim diqqət mərkəzində saxlayan Ulu Öndər Heydər Əliyev qısa müddət ərzində xalqımızın milli birliyinə və ideoloji həmrəyliyinə müvəffəq oldu.

Bəli, Ulu öndər Heydər Əliyev hər zaman milli-mənəvi dəyərlərə, vətəninə və xalqına bağlı olmuş dahi şəxsiyyət idi.

Ulu öndər Heydər Əliyev xalq və dövlət qarşısındakı misilsiz xidmətlərinə görə hər zaman qədirbilən xalqımızın qəlbində əzəli və əbədi yaşayacaqdır.

Xalqımızın Ümummilli lideri Heydər Əliyevin ən böyük arzusu Qarabağın işğaldan azad edilməsi və Azərbaycanın ərazi bütövlüyünün təmin olunması idi. Ulu öndər Heydər Əliyev dəfələrlə çadır şəhərciklərinə səfərləri zamanı məcburi köçkünlərlə görüşlərində deyirdi ki, “torpaqlarımızın 20 faizi işğal olunub, bir milyondan artıq vətəndaşımız yerindən, yurdundan didərgin düşübdür. Biz məsələni sülh yolu ilə həll etmək istəyirik və əgər işğal olunmuş torpaqlarımız sülh yolu ilə azad edilməsə biz bunu hərb yolu ilə həll edəcəyik”.

Ata vəsiyyətini layiqincə yerinə yetirən Müzəffər Ali Baş Komandan, Prezident cənab İlham Əliyev Ulu öndər Heydər Əliyevin bu fikrini 44 günlük şanlı Vətən müharibəsi zamanı döyüş meydanında tamamladı və tarixi ədaləti bərpa etdi.

Ümummilli Liderin hərtərəfli uzaqgörən siyasətini bugünkü gündə Prezident İlham Əliyev uğurla davam etdirməkdədir. Məhz bu uğurlu siyasi kursun məntiqi nəticəsidir ki, Prezident, Müzəffər Ali Baş Komandan İlham Əliyevin rəhbərliyi altında dövlətimiz 44 günlük Vətən Müharibəsində mütləq Qələbə qazandı və torpaqlarımızın ərazi bütövlüyü təmin edildi.

Paylaş:

Baxılıb: 631 dəfə