"Azərbaycan Silahlı Qüvvələri süverenliyimizin və ərazi bütövlüyümüzün əsas qarantı kimi” mövzusunda tədbir keçirilib

Bakı:

27 °C

69 %

4 m/s

AZ RU EN

Ana səhifə / YAP xəbərləri / "Azərbaycan Silahlı Qüvvələri süverenliyimizin və ərazi bütövlüyümüzün əsas qarantı kimi” mövzusunda tədbir keçirilib

"Azərbaycan Silahlı Qüvvələri süverenliyimizin və ərazi bütövlüyümüzün əsas qarantı kimi” mövzusunda tədbir keçirilib

24.06.2025 [18:10]

2025-ci il iyunun 24-də Yeni Azərbaycan Partiyası (YAP) Qaradağ rayon təşkilatının və Heydər Əliyev adına Bakı Dərin Özüllər zavodunun birgə təşkilatçılığı ilə Konstitusiya və Suverenlik İli çərçivəsində "Azərbaycan Silahlı Qüvvələri süverenliyimizin və ərazi bütövlüyümüzün əsas qarantı kimi” mövzusunda tədbir keçirilib.

Tədbirdə YAP Qaradağ rayon təşkilatının sədri Qafar Əliyev, Heydər Əliyev adına Bakı Dərin Özüllər zavodunun direktoru Roman Nağıyev, YAP Qaradağ rayon təşkilatının və zavodun işçiləri iştirak ediblər.

Tədbiri giriş sözü ilə açan Heydər Əliyev adına Bakı Dərin Özüllər zavodunun direktoru Roman Nağıyev tədbirin Prezident İlham Əliyevin Sərəncamı ilə 2025-ci ilin Azərbaycanda "Konstitusiya və Suverenlik ili" elan olunması və 26 İyun-Silahlı Qüvvələr Günü ilə əlaqədar təşkil olunduğunu və bu gün ümummilliu lider Heydər Əliyevin müəyyən etdiyi siyasi kursun və Azərbaycan Prezidenti İlham Əliyevin uğurlu rəhbərliyi altında bütün sahələrdə olduğu kimi ordu quruculuğu sahəsində də mühüm nailiyyətlər əldə olunduğunu, bunun nəticəsində 44 Günlük İkinci Qarabağ Vətən Müharibəsi nəticəsində torpaqlarımızın işğaldan azad edildiyini, suverenliyimizin və ərazi bütövlüyümüzün tam təmin olunduğunu bildirib.

Tədbirdə YAP Qaradağ rayon təşkilatının sədri Qafar Əliyev mövzu ilə əlaqədar çıxış edərək bildirib ki,bu gün regionda güclü orduya, sabit və dayanıqlı iqtisadi inkişaf tempinə malik olan Azərbaycan regionda real gücə və söz sahibinə çevrilib. Rayon təşkilatının sədri tədbir iştirakçılarını qarşıdan gələn 26 iyun Azərbaycan Respublikası Silahlı Qüvvələri günü münasibəti ilə təbrik edərək bildirdi ki, suverenliyin tam bərpası, ölkəmizin ərazi bütövlüyünün və konstitusiya quruluşunun tam təmin olunması, bu gün Konstitusiyanın real həyatda tam tətbiqi və təsdiqi başda Ali Baş Komandan İlham Əliyev olmaqla Müzəffər Azərbaycan Ordusunun 44 Günlük İkinci Qarabağ Müharibəsində göstərdiyi rəşadət və cəsurluğu sayəsində mümkün olub. 2023-cü ilin sentyabrında Prezident, Müzəffər Ali Baş Komandan İlham Əliyevin rəhbərliyi ilə böyük uğurla reallaşdırılan antiterror əməliyyatından sonra Azərbaycan öz ərazi bütövlüyünü və Konstitusiya quruluşunu tam bərpa edib. YAP rayon təşkilatının sədri ordumuzun keçdiyi yola nəzər salaraq 1993-cü ildən bəri ordu quruculuğu sahəsində aparılan islahatlar, dövlətimizin uğurlu daxili və xarici siyasəti və regionda baş verən son hadisələr barədə müqayisəli təhlil aparmaqla, bu sahədə aparılan düzgün siyasətin mahiyyətini toplantı iştirakçılarına çatdırıb.

Tədbirdə digər çıxış edənlər: YAP ərazi təşkilatı sədrinin müavini Ceyhun Zərbəliyev, YAP fəalı, şöbə müdiri Qabil Allahyarov, Vətən müharibəsi iştirakçısı, mühəndis Emil Babayev və başqaları bildiriblər ki, bu gün Azərbaycan xalqı Milli Ordumuzla fəxr edir, ordu dövlətin və xalqın iradəsini əks etdirərək torpaqlarımızı etibarlı şəkildə qoruyur.

2025-ci ilin “Konstitusiya və Suverenlik İli” elan edilməsi çərçivəsində keçirilən bu cür tədbirlər isə xalqımızın özünəgüvənlik hisslərini artırır və ölkəmizin hüquqi, demokratik dövlət quruculuğu yolunda daha mühüm naliyyələr əldə etməsinə, dövlətçiliyimizin möhkəmlənməsinə imkan yaradır.

Paylaş:

Baxılıb: 384 dəfə