“Heydər Əliyev ideyaları – İlham Əliyev qətiyyəti: Müasir Azərbaycanın inkişaf modeli” mövzusunda tədbir keçirilib

Bakı:

23 °C

71 %

12 m/s

AZ RU EN

Ana səhifə / YAP xəbərləri / “Heydər Əliyev ideyaları – İlham Əliyev qətiyyəti: Müasir Azərbaycanın inkişaf modeli” mövzusunda tədbir keçirilib

“Heydər Əliyev ideyaları – İlham Əliyev qətiyyəti: Müasir Azərbaycanın inkişaf modeli” mövzusunda tədbir keçirilib

14.01.2026 [12:42]

Yeni Azərbaycan Partiyası Kəlbəcər rayon təşkilatının təşkilatçılığı ilə Bakı şəhəri Binəqədi rayonunda fəaliyyət göstərən, Şərqi Zəngəzur Regional Təhsil İdarəsinin tabeliyində olan Kəlbəcər rayon 117 nömrəli tam orta məktəbində 14 yanvar 2025-ci il tarixində “Heydər Əliyev ideyaları – İlham Əliyev qətiyyəti: Müasir Azərbaycanın inkişaf modeli” mövzusunda tədbir keçirilib. Tədbirdən əvvəl Ümummilli Lider Heydər Əliyevin və Vətən uğrunda canlarından keçmiş şəhidlərimizin əziz xatirəsi bir dəqiqəlik sükutla yad edilib.

Tədbirdə Yeni Azərbaycan Partiyası Kəlbəcər rayon təşkilatının sədri Həbib Misirov, məktəbin direktoru, ərazi partiya təşkilatının sədri Şahnaz Cəfərova, YAP veteranı, rayon ziyalısı Hüseyn Cəfərov, məktəbin müəllimlərindən Lətafət Qarayeva, Səyyarə Rəhimova, Yeganə Misirova və digər çıxış edənlər bildiriblər ki, 1993-cü ilin iyununda xalqın təkidli tələbi ilə Ümummilli Lider Heydər Əliyevin Bakıya qayıdışı ölkə tarixində mühüm dönüş nöqtəsi olub. Ulu Öndər qısa müddətdə vətəndaş müharibəsi təhlükəsinin qarşısını alaraq ölkədə ictimai-siyasi sabitliyi təmin edib, Azərbaycanı dərin böhrandan xilas edərək davamlı inkişaf yoluna çıxarıb. Qeyd olunub ki, Heydər Əliyevin müdrikliyi, qətiyyəti və uzaqgörən siyasəti Azərbaycan dövlətçiliyinin möhkəm əsaslarını formalaşdırıb. Onun müəyyənləşdirdiyi siyasi, ideoloji və iqtisadi inkişaf kursu bu gün də ölkəmizin tərəqqisinin əsas dayağı kimi çıxış edir. Müasir müstəqil Azərbaycan Ümummilli Lider Heydər Əliyevin ideyaları əsasında uğurla inkişaf edir.

Çıxışlarda vurğulanıb ki, məhz bu ideyalar və Prezident İlham Əliyevin milli maraqlara əsaslanan müdrik daxili və xarici siyasəti Azərbaycanın XXI əsrin ən uğurlu dövlətlərindən birinə çevrilməsini təmin edib. Cənab Prezidentin rəhbərliyi ilə Azərbaycan tarixi Zəfər qazanmış, dövlət suverenliyi tam bərpa olunmuşdur. Hazırda Qarabağda və Şərqi Zəngəzurda genişmiqyaslı quruculuq və bərpa işləri aparılır, “Böyük Qayıdış” Proqramına uyğun olaraq keçmiş məcburi köçkünlər doğma yurd-yuvalarına mərhələli şəkildə köçürülürlər. Tədbir çərçivəsində gənc nəslin Ümummilli Lider Heydər Əliyevin zəngin irsinin öyrənilməsi, milli-mənəvi dəyərlərə sadiqlik, vətənpərvərlik və dövlətçilik ruhunda tərbiyə olunmasının, sağlam həyat tərzinin təşviqinin və zərərli vərdişlərə qarşı mütəmadi maarifləndirmə işlərinin aparılmasının vacibliyi ətraflı müzakirə olunub.Sonda Yeni Azərbaycan Partiyasının fəaliyyətində fəallığı ilə seçilən bir qrup partiya üzvü fəxri fərmanlarla təltif edilib.

Paylaş:

Baxılıb: 640 dəfə