Milli maraqlar naminə qətiyyətli siyasət

Bakı:

26 °C

61 %

3 m/s

Əlaqə

AZ RU EN

Ana səhifə / YAP xəbərləri / Milli maraqlar naminə qətiyyətli siyasət

Milli maraqlar naminə qətiyyətli siyasət

15.07.2026 [10:44]

Dünyada baş verən geosiyasi proseslər qütbləşməyə xidmət edir. Belə bir beynəlxalq münasibətlər sistemində çox çətin olmasına baxmayaraq, Azərbaycan əməkdaşlıq və tərəfdaşlıq siyasətinə böyük önəm verir. Həmçinin sülh və təhlükəsizliyi təbliğ edən nadir ölkələrdən biri məhz Azərbaycandır. Mehriban qonşuluq, strateji tərəfdaşlıq, dostluq əlaqələrinin genişləndirilməsi kimi məsələlər ölkəmizin xarici siyasətinin əsas istiqamətlərini təşkil edir. Prezident İlham Əliyevin uğurla həyata keçirdiyi enerji və nəqliyyat layihələri bu baxımdan müstəsna əhəmiyyətə malikdir. IV Şuşa Qlobal Media Forumunda Prezident İlham Əliyev enerji və nəqliyyat layihələri haqqında geniş məlumat verdi. Azərbaycanın gələcək hədəflərini açıqlayan ölkə başçısı qarşıya çıxan çətinliklərə də diqqət çəkdi və qətiyyətlə, əzmlə görülən işləri diqqətə çatdırdı. Bu gün Azərbaycan dünyada etibarlı tərəfdaş olaraq qəbul edilir. Baxmayaraq ki, ölkəmizə qarşı hər zaman ikili standartlardan yanaşmalar olub və bu hal bu gün də mövcuddur. Lakin həyata keçirilən düşünülmüş, uzaqgörən siyasət nəticəsində bu cür neqativ hallar, belə demək mümkündürsə, zərərsizləşdirilmiş, heç bir təsir gücünə malik olmamışdır. Ölkəmizin dünyanın ən böyük dövlətləri ilə çox yaxşı münasibətləri mövcuddur. Hətta bir-birinə qarşı olan böyük dövlətlərlə belə Azərbaycanın ikitərəfli yüksək səviyyəli əlaqələri vardır. Bu isə özlüyündə Azərbaycan dövlətinin müstəqil xarici siyasət yürütməsini sübut edir. Ölkəmiz enerji və nəqliyyat layihələrinin yalnız iştirakçısı deyil, eyni zamanda təşəbbüskarı kimi çıxış edir. Yeni çağırışlara adekvat cavab verən Azərbaycan bəzən bu məsələlərdə bir sıra inkişaf etmiş ölkələri belə qabaqlayır. “Yaşıl enerji” mənbələrindən istifadə və bu sahədə müasir texnologiyaların tətbiqi, alternativ nəqliyyat dəhlizlərinin yaradılması kimi təşəbbüslər deyilənlərə bariz nümunədir.

IV Şuşa Qlobal Media Forumunda Prezident İlham Əliyev Azərbaycan həqiqətlərini bir daha dünya ictimaiyyətinin diqqətinə çatdırmaqla sübut etdi ki, Azərbaycan üçün milli maraqlar hər bir məsələdən öndədir. Ölkəmizə qarşı olan qurum və şəxslərə əsaslı etirazın bildirilməsi, tutarlı faktlarla deşifrə edilməsi deyilənləri bir daha təsdiq edir. Azərbaycan bu gün dünyada artıq “orta güc” olaraq qəbul edilir. Heç şübhəsiz ki, burada əsas faktorlardan biri lider amilidir. Prezident İlham Əliyevin diplomatik məharəti, geosiyasi proseslər zamanı yaranan vəziyyəti idarəetmə qabiliyyəti Azərbaycanın “orta güc” kimi formalaşmasını təmin edir.

Anar Şahmuradov

YAP Ağdaş rayon təşkilatı Aparatının ideoloji işlər üzrə məsləhətçisi

Paylaş:

Baxılıb: 239 dəfə