Masallıda “Yeni Azərbaycan Partiyası - siyasi tariximizin parlaq səhifəsi” mövzusunda tədbir keçirilib

Bakı:

30 °C

42 %

5 m/s

AZ RU EN

Ana səhifə / YAP xəbərləri / Masallıda “Yeni Azərbaycan Partiyası - siyasi tariximizin parlaq səhifəsi” mövzusunda tədbir keçirilib

Masallıda “Yeni Azərbaycan Partiyası - siyasi tariximizin parlaq səhifəsi” mövzusunda tədbir keçirilib

20.02.2014 [09:18]

Yeni Azərbaycan Partiyası (YAP) Masallı rayon təşkilatının yaranmasının 21-ci ildönümü münasibəti ilə Mahmudavar ərazi ilk partiya təşkilatında “Yeni Azərbaycan Partiyası-siyasi tariximizin parlaq səhifəsi” mövzusunda tədbir keçirilib. Tədbir iştirakçıları öncə Mahmudavar kəndinin mərkəzində ucaldılmış Ulu öndər Heydər Əliyevin abidəsi önünə tər gül dəstələri düzüblər. Sonra tədbir Mahmudavar bələdiyyəsinin akt zalında davam etdirilib.
Tədbir iştirakçıları əvvəlcə Yeni Azərbaycan Partiyasının qurucusu və memarı Ulu öndər Heydər Əliyevin əziz xatirəsini bir dəqiqəlik sükutla yad ediblər.
Giriş sözü ilə çıxış edən YAP Masallı rayon təşkilatının sədr müavini Aygün Quliyeva bildirib ki, Yeni Azərbaycan Partiyası Masallı rayon təşkilatı siyasi səhnəyə 1993-cü ilin fevral ayının 26-da, çox çətin şəraitdə gəlib. Bu gün isə YAP Masallı rayon təşkilatı 21 yaşını mütəşəkkil və rayon ictimaiyyəti arasında böyük nüfuza malik təşkilat kimi qeyd edir.
A.Quliyeva vurğulayıb ki, Ümummilli liderimiz Heydər Əliyevin qoyduğu tarixi ənənələr Yeni Azərbaycan Partiyası tərəfindən sədaqətlə həyata keçirilir.
Prezident təqaüdçüsü Şirvan Əbilov ölkəmizin son dərəcə çətin sınaqlar qarşısında qaldığı bir vaxtda yaranan Yeni Azərbaycan Partiyasının rolundan ətraflı bəhs edib: “YAP-ın hakimiyyətdə olduğu illərdə Azərbaycanın iqtisadiyyatı inkişaf edib, bütün sahələrdə əhəmiyyətli dəyişikliklər baş verib. Ölkəmizin hər bir vətəndaşının həyatında, yaşayış səviyyəsində ciddi irəliləyişlər əldə olunub. Azərbaycan Cənubi Qafqaz bölgəsinin ən güclü və qüdrətli dövlətinə çevrilib. Azərbaycanın uğurları yalnız bölgənin güclü dövlətinə çevrilməsi ilə məhdudlaşmır. Ölkəmizin, eyni zamanda, beynəlxalq aləmdə yeri və rolu da ildən-ilə artmaqdadır”.
Tədbirdə Mahmudavar ərazi ilk partiya təşkilatının sədri Cəmaləddin Ağayev, Əməkdar müəllim Musarza Mirzəyev, fəal YAP üzvlərindən Kinəxanım Əliyeva, Fariz Fərəcov və başqaları çıxış edərək bildiriblər ki, Ulu öndər Heydər Əliyevin rəhbərliyi ilə yaradılmış və bu gün Prezident İlham Əliyevin Sədri olduğu Yeni Azərbaycan Partiyasının nüfuzu gündən-günə artmaqdadır. YAP-ın cəmiyyətin inkişafını hədəfləyən çoxsaylı sosial layihələr reallaşdırması, gəncləri dövlətçilik, milli maraqlar ətrafında sıx birləşdirməsi partiyanın tərəfdarlarının sayının artmasına səbəb olub.
Səlim Loğmanoğlu

Paylaş:

Baxılıb: 1211 dəfə