Nəsimi seçiciləri ölkəmizin gələcək inkişafı üçün YAP-ın namizədlərinə səs verəcəklər

Bakı:

30 °C

35 %

5 m/s

Əlaqə

AZ RU EN

Ana səhifə / YAP xəbərləri / Nəsimi seçiciləri ölkəmizin gələcək inkişafı üçün YAP-ın namizədlərinə səs verəcəklər

Nəsimi seçiciləri ölkəmizin gələcək inkişafı üçün YAP-ın namizədlərinə səs verəcəklər

05.12.2014 [10:00]

Yeni Azərbaycan Partiyası (YAP) Nəsimi rayon təşkilatında bələdiyyə seçkilərində partiyanın namizədlərinin təbliğat-təşviqat kampaniyası çərçivəsində partiya fəalları və namizədlərlə görüş keçirilib. Görüşdə YAP Nəsimi rayon təşkilatının sədri, millət vəkili Məlahət İbrahimqızı, rayon ziyalıları və ictimaiyyət nümayəndələri iştirak ediblər.
Tədbiri giriş sözü ilə açan YAP Nəsimi rayon təşkilatının sədri Məlahət İbrahimqızı bələdiyyə seçkilərinin əhəmiyyətindən bəhs edib. Bildirib ki, qələbələr partiyası olan YAP bu seçkilərə də üstün nüfuzunun və yüksək ictimai dəstəyin fonunda gedir: “Yeni Azərbaycan Partiyasının Sədri, Azərbaycan Prezidenti İlham Əliyevin rəhbərliyi ilə həyata keçirilən inkişaf siyasəti Azərbaycanı parlaq gələcəyə aparır. Hər bir Azərbaycan seçicisi, o cümlədən, paytaxtın mərkəzi rayonlarından biri olan Nəsimi seçiciləri ölkəmizin gələcək inkişafı, tərəqqisi üçün seçkilərdə aktiv iştirak etməli və YAP-ın namizədlərinə səs verməlidirlər”.
Məlahət İbrahimqızı daha sonra qeyd edib ki, Yeni Azərbaycan Partiyası üstün nüfuza malik olan ümumxalq partiyasıdır. Partiyanın fəaliyyəti Azərbaycanın milli maraqlarına əsaslanır: “Ona görə də, bu siyasətə dəstək mənasında, Nəsimi rayonundan olan seçicilərin dekabrın 23-də YAP-ın namizədlərinə səs verəcəklərinə inanıram”.
Daha sonra çıxış edən YAP fəalı, rayon ağsaqqalı Cahangir Qocayev Yeni Azərbaycan Partiyasının Sədri, Prezident İlham Əliyevin rəhbərliyi ilə həyata keçirilən siyasətin uğurlu nəticələrindən bəhs edib və YAP-ın namizədlərinin növbəti dəfə əzəmətli qələbə qazanacağına inandığını bildirib: “Nəsimi rayonundan irəli sürülmüş namizədlərin böyük əksəriyyəti gənclərdir. Seçkilərdə qazandığım təcrübələri onlarla bölüşməyə və hər zaman onlara dəstək verməyə hazıram”.
Bələdiyyə üzvlüyünə namizədlər adından çıxış edən Nazim Qaraxanov isə bildirib ki, Prezident İlham Əliyevin ölkədə yürütdüyü düzgün siyasət nəticəsində müstəqil Azərbaycan inkişafın növbəti mərhələsinə qədəm qoyub: “Yeni Azərbaycan Partiyası Azərbaycanın hərtərəfli inkişafında xüsusi rol oynayır. Bu partiya Azərbaycan ictimaiyyətində böyük hörmət və nüfuza malikdir. İnanıram ki, bu seçkilərdə Azərbaycan cəmiyyəti, o cümlədən Nəsimi rayonundan olan seçicilər YAP-ın namizədlərinə etimad göstərəcək”.
Sonda YAP Nəsimi rayon təşkilatının sədri Məlahət İbrahimqızı bir daha Nəsimi rayon seçicilərinin xalqımızın alternativsiz seçimi - YAP-ın namizədlərinə etimad göstərəcəklərinə əminliyini vurğulayıb.
Səlim Loğmanoğlu

Paylaş:

Baxılıb: 1092 dəfə