Yeni Azərbaycan Partiyası xalqımız tərəfindən sevilir, dəstəklənir

Bakı:

29 °C

51 %

11 m/s

Əlaqə

AZ RU EN

Ana səhifə / YAP xəbərləri / Yeni Azərbaycan Partiyası xalqımız tərəfindən sevilir, dəstəklənir

Yeni Azərbaycan Partiyası xalqımız tərəfindən sevilir, dəstəklənir

14.10.2015 [10:43]

YAP-ın 81 saylı Beyləqan Seçki Dairəsindən Milli Məclis üzvlüyünə namizədi Şahin İsmayılovun rayonun Təzəkənd, Allahyarlı kəndlərində və Bolsulu qəsəbəsində seçicilərlə görüşü olub
Noyabrın 1-də ölkəmizdə keçiriləcək parlament seçkiləri ilə əlaqədar Yeni Azərbaycan Partiyasının (YAP) namizədlərinin təbliğat-təşviqat kampaniyası uğurla davam edir. Dünən kampaniya çərçivəsində YAP-ın 81 saylı Beyləqan Seçki Dairəsindən parlament üzvlüyünə namizədi Şahin İsmayılovun rayonun rayonunun Təzəkənd, Allahyarlı kəndlərində və Bolsulu qəsəbəsində seçicilərlə görüşləri olub.
Görüşləri giriş sözü ilə açan YAP Beyləqan rayon təşkilatının sədri Rəfail Pəsiyev deyib ki, YAP seçkilərə start verilən gündən etibarən bütün zəruri seçki hərəkətlərini Azərbaycan Respublikasının qanunvericiliyinin tələblərinə müvafiq şəkildə və yüksək mütəşəkkilliklə həyata keçirib.
Sonra namizədin tərcümeyi-halı barədə məlumat verən R.Pəsiyev Ş.İsmayılovun dövlət gənclər siyasətinin həyata keçirilməsi istiqamətindəki fəaliyyətindən də geniş bəhs edib. Beyləqanlı seçiciləri seçkilərdə fəal olmağa səsləyən natiq əmin olduğunu bildirib ki, xalqımız Yeni Azərbaycan Partiyasına olan inamını və sevgisini bu dəfə də nümayiş etdirəcək və noyabrın 1-də seçki məntəqələrinə gedərək YAP-ın namizədlərinə səs verəcək.
Seçicilər qarşısındakı çıxışına ölkəmizdə həyata keçirilən quruculuq siyasəti barədə məlumat verməklə başlayan Şahin İsmayılov deyib ki, Azərbaycanın regionlarında mövcud olan iqtisadi potensialdan tam və səmərəli istifadə olunmasını, sosial-iqtisadi vəziyyətin yaxşılaşdırılmasını və iqtisadiyyatın tarazlı inkişafını təmin etmək məqsədilə uğurla icra olunan Dövlət proqramları ölkə başçısının regionların inkişafına göstərdiyi diqqətin bariz nümunəsidir.
“Yeni Azərbaycan Partiyası xalqımız tərəfindən sevilir, dəstəklənir”, - deyən natiq partiyamızın bu seçkilərdə də qələbə qazanacağına əmin olduğunu bildirib.
Görüşlərdə, həmçinin, Təzəkənd kəndinin sakini Dilarə Hüseynova, kənd ağsaqqalı, şəhid atası Məhəddin Əzizov, Allahyarlı kəndin sakini Həmzə Aslanov, Bolsulu qəsəbəsinin sakini Səmayə Əliyeva və başqaları çıxış edərək, Beyləqan seçicilərinin ölkəmizin, o cümlədən rayonumuzun inkişafının davamlı olması üçün YAP-ın namizədinə səs verəcəklərini bildiriblər.

Paylaş:

Baxılıb: 1076 dəfə