YAP-ın yaranmasının 25-ci ildönümü münasibəti ilə Ağcabədidə silsilə tədbirlər davam edir

Bakı:

19 °C

59 %

2 m/s

Əlaqə

AZ RU EN

Ana səhifə / YAP xəbərləri / YAP-ın yaranmasının 25-ci ildönümü münasibəti ilə Ağcabədidə silsilə tədbirlər davam edir

YAP-ın yaranmasının 25-ci ildönümü münasibəti ilə Ağcabədidə silsilə tədbirlər davam edir

11.11.2017 [01:50]

Yeni Azərbaycan Partiyasının (YAP) yaranmasının 25-ci ildönümü münasibəti ilə YAP Ağcabədi rayon təşkilatının ərazi ilk partiya təşkilatlarında tədbirlər davam edir. Bu silsilədən növbəti tədbir Azərbaycan Dövlət Pedaqoji Universitetinin Ağcabədi filialında keçirilib.
Öncə Ulu öndər Heydər Əliyevin və dünyasını dəyişən YAP üzvlərinin xatirəsi 1 dəqiqəlik sükutla yad edilib. Tədbiri giriş sözü ilə filialın direktoru Mətanət Fərzəliyeva açaraq partiyanın 25 illik fəaliyyətinin zəfərlərlə zəngin olduğunu bildirib.
Sonra ictimai, təbiət fənləri və onların tədrisi metodikası kaferdasının dosenti Məhəmməd Hüseynov “Heydər Əliyev Yeni Azərbaycan Partiyasının qurucusudur” mövzusunda, ADPU ərazi ilk təşkilatının sədri Anar Kərimli isə “YAP-ın gənclər siyasəti” mövzusunda məruzə edərək ölkəmizdə həyatın bütün sahələrində qazanılmış uğurlarda Yeni Azərbaycan Partiyasının rolunu yüksək qiymətləndirib, YAP-ın Sədri, Prezident İlham Əliyevin həyata keçirdiyi düzgün, məqsədyönlü siyasət nəticəsində Azərbaycanın Cənubi Qafqazda lider dövlətə çevrildiyini diqqətə çatdırıblar.
Tədbirdə çıxış edən YAP Ağcabədi rayon təşkilatının sədri Rövşən Əhmədov partiyanın yaranması, inkişafı, həmçinin ölkənin ictimai-siyasi həyatında oynadığı rol barədə ətraflı məlumat verib. Natiq bildirib ki, 1993-cü ildə xalqın təkidli tələbi ilə yenidən siyasi hakimiyyətə qayıdan Ulu öndər Heydər Əliyev dərin düşünülmüş siyasəti, qətiyyəti və müdrik qərarları sayəsində Azərbaycanı düşdüyü böhranlı vəziyyətdən çıxara bilib, qısa müddətdə böyük uğurların qazanılmasında müstəsna xidmətlər göstərib, xalqın etimadını layiqincə doğruldub. Məhz bütün bunların nəticəsidir ki, Ulu öndərin yaratdığı və hazırda Prezident İlham Əliyevin Sədri olduğu YAP ümumxalq partiyası kimi Azərbaycan tarixinə düşüb.
Daha bir tədbir isə Ağcabədi rayon Mərkəzi Xəstəxanasında keçirilib. Tədbiri giriş sözü ilə açan Mərkəzi xəstəxana ərazi ilk təşkilatının sədri Azad Hüseynov partiyanın ötən 25 ildə şərəfli bir yol keçdiyini deyib.
Tədbirdə həmçinin YAP Ağcabədi rayon təşkilatının sədri Rövşən Əhmədov, Ağcabədi rayon Mərkəzi Xəstəxanasının baş həkimi Rəhbər Əzizov, YAP Ağcabədi rayon təşkilatı Qadınlar Şurasının sədri Radə Qafarova, Heydər Əliyev Mərkəzinin direktoru, YAP Ağcabədi rayon təşkilatı Gənclər Birliyinin sədr müavini Məhsəti Ağayeva və başqaları çıxış edərək YAP-ın ölkəmizdə həyata keçirilən bütün işlərdə ön sıralarda getdiyini bildiriblər.
Sonda YAP sıralarına daxil olan bir qrup gəncə vəsiqələr təqdim edilib, YAP-ın yaradılmasının 25 illiyinə həsr edilmiş videofilm nümayiş etdirilib.

Paylaş:

Baxılıb: 721 dəfə