İsrail-Azərbaycan əlaqələrinin möhkəmlənməsinə xidmət edən siyasət

Bakı:

17 °C

88 %

6 m/s

Əlaqə

AZ RU EN

Ana səhifə / YAP xəbərləri / İsrail-Azərbaycan əlaqələrinin möhkəmlənməsinə xidmət edən siyasət

İsrail-Azərbaycan əlaqələrinin möhkəmlənməsinə xidmət edən siyasət

05.06.2023 [13:47]

Cari ilin 30 may tarixində İsrail Dövlətinin Prezidenti İsxak Hersoqun Azərbaycana səfəri çoxdan gözlənilən və maraqla qarşılanan səfərlərdən biridir. Çünki İsrail-Azərbaycan münasibətlərinin zəngin tarixi olmaqla yanaşı, həm də özünəməxsus xüsusiyyətləri də vardır. Belə ki, İsrail Azərbaycanın müstəqilliyini tanıyan ilk ölkələrdən biri olmaqla yanaşı, Azərbaycana hər mənada kömək edən, dost əli uzadan və dəstək verən ölkədir.

Mayın 30-da Azərbaycan Respublikasının Prezidenti İlham Əliyev və İsrail Dövlətinin Prezidenti İsxak Hersoq mətbuata bəyanatları da bu fikrimizi təsdiqləyir.

Cənab Prezident İlham Əliyev İİrailin dövlət başçısının Azərbaycana səfərini yüksək qiymətləndirərək demişdir:” Əminəm ki, səfər bizim ikitərəfli əlaqələrimizi gücləndirəcək. Aramızda çox fəal siyasi dialoq var və biz cənab Prezidentlə telefonla əlaqə saxlayırıq. İndi isə, əlbəttə ki, rəsmi səfər zamanı bizim ikitərəfli gündəliyimizdə duran önəmli məsələləri müzakirə etmək üçün daha çox imkanımız var. Bu il İsraildə Azərbaycan səfirliyinin açılması, əlbəttə ki, əlaqələri daha yüksək səviyyəyə qaldıracaq və eyni zamanda, daha sıx qarşılıqlı əməkdaşlıq üçün geniş imkanlar yaradacaq.”

Azərbaycan-İsrail münasibətlərinin digər bir vacib tərəfi Azərbaycanın yəhudi icmasıdır. İki min ildən artıqdır ki, Azərbaycan yəhudilər üçün sıfır antisemitizmlə qeyd olunan bir mühitdə yaşadıqları və yaşadıqları üçün etibarlı bir yuva və vətən olub. Bundan başqa, Azərbaycan və İsrail etibarlı hərbi tərəfdaşlıq münasibətlərinə malikdir. Azərbaycan İsraildən ən müasir silahlar alır və bu silahlar ərazilərimizin işğaldan azad edilməsində, ölkə sərhədlərinin qorunmasında çox böyük rol oynayacaq. İsrailin istehsal etdiyi “Dron”lar aprelin əvvəlində təmas xətində baş verən münaqişə zamanı özünü doğruldub. Azərbaycan-İsrail əlaqələrinin yüksək səviyyədə olması, hər iki ölkənin daxili işi olmaqla yanaşı, ölkələrimizin inkişafına və təhlükəsizliyin təmin olunmasında böyük rola malikdir. Azərbaycanın silah sənayesinin formalaşmasında və ordumuzun müasir silahlarla təchiz edilməsində İsrail əhəmiyyətli müttəfiq kimi mühüm rol oynayır.

Ölkə başçısının bəynataında bu məqama da diqqət yetirildi: “Təhdidlərdən danışarkən, həmçinin müdafiə sənayesi sahəsində uzunmüddətli əməkdaşlığı məmnuniyyətlə qeyd etmək istəyirəm. Azərbaycanın uzun illərdir ki, bu sahədə İsrailin müasir avadanlığına çıxışı var, bu da bizə müdafiə qabiliyyətimizi müasirləşdirməyə kömək edir və dövlətçiliyimizi, əsas dəyərlərimizi, milli maraqlarımızı və ərazi bütövlüyümüzü müdafiə etməyə imkan yaradır.”

Cənab Prezident İlham Əliyev qarşılıqlı əlaqələrdən, elmin nailiyyətlərindən və qabaqcıl texnologiyaların Azərbaycanda tətbiqindən məmnunluğunu ifadə edərək bildirmişdir: “Biz, həmçinin irriqasiya və kənd təsərrüfatı sahəsində planlarımızı və artıq görülmüş işləri müzakirə etdik. İsrailin bu sahədə böyük nailiyyətlərindən bizim xəbərimiz var və biz kənd təsərrüfatında məhsuldarlığı artırmaq üçün bu müsbət təcrübədən istifadə etmək və ixrac bazarımızı şaxələndirmək istəyirik. Nisbətən bu yaxınlarda əməkdaşlığa başladığımız sahələrdən biri kibertəhlükəsizlik sahəsidir. Bu sahədə fəal təmasların başlanılmasına çox şadıq. Bu gün artıq sirr deyil ki, kibertəhlükəsizlik hər bir ölkənin milli təhlükəsizliyinin mühüm hissəsidir. Əlbəttə ki, bu sahədə İsrail şirkətlərinin böyük təcrübəsi bizim üçün faydalı olacaq. Həmçinin gənc nəslin təlimi və tədrisi də məqsədlərimizə nail olmaq və özümüzü təhlükədən qorumaq üçün mühüm amil olacaq.”

Azərbaycanın mövcud turizm imkanlarından bəjs edən ölkə başçısı İsrail vətəndaşlarının bu imkanlardan yararlanmasına mane olmadığını diqqətə çatdırmış, Azərbaycanda yaşayan yəhudi cması ilə İsrailin əlaqələrinin mütəmadi olması üçün lazım olan hər şeyin edildyini qeyd etmişdir: “Bu gün biz, həmçinin qarşılılıqlı turist axını səviyyəsinin necə qaldırılmasını da müzakirə etdik. Həftədə yalnız dörd reys var və hesab edirəm ki, bu, yetərli deyil. Nümayəndə heyətlərinin üzvlərinə uçuşların sayının artırılması ilə bağlı göstərişlər verilmişdir və bunun təkcə mövsümi əsasda yox, - çünki adətən yay vaxtlarında daha çox uçuşlar olur, - daimi əsasda edilməsi tapşırılmışdır. Həmçinin İsraildə daha çox təqdimat imkanlarının araşdırılması da tapşırılmışdır ki, biz İsraildən daha çox turisti buraya dəvət edə bilək və əsrlər boyu Azərbaycanda yaşayan yəhudi icması haqqında daha çox məlumat verə bilək. Bu, bizim ölkənin böyük dəyəridir, yəhudi icmasının üzvləri - Azərbaycan vətəndaşları ölkəmizin müasir inkişafına çoxlu töhfə vermiş və töhfə verən insanlardır. “

Səfər çərçivəsində İsraillə bağlanmış müqavilələrdən aydın olur ki, İsrail həqiqətən də Azərbaycana daim dost olaraq qalacaq, münasibətlərimiz daha da inkişaf edəcəkdir. Cənab İlham Əliyevin həyata keçirdiyi siyasət bundan sonra da Asiyanın bu önəmli dövləti ilə əlaqələrimzi və dostluq münasibətlərinin inkişafına imkan verəcəkdir.

Rüstəm Nağıyev,

YAP Gədəbəy rayon təşkilatının sədri

Paylaş:

Baxılıb: 589 dəfə